Rig-Veda-Mandala-7

(517)
a`gniM naro` diidhi'tibhir a`raNyo`r hasta'cyutii janayanta prasha`stam |
duu`re`dR^ishaM' gR^i`hapa'tim atha`ryum || {7}{001}{01}
tam a`gnim aste` vasa'vo` ny R^iNvan suprati`cakSha`m ava'se` kuta'sh cit |
da`kShaayyo` yo dama` aasa` nityaH' || {7}{001}{02}
preddho' agne diidihi pu`ro no .a'jasrayaa suu`rmyaa yaviShTha |
tvaaM shashva'nta` upa' yanti` vaajaaH' || {7}{001}{03}
pra te' a`gnayo' .a`gnibhyo` varaM` niH su`viiraa'saH shoshucanta dyu`mantaH' |
yatraa` naraH' sa`maasa'te sujaa`taaH || {7}{001}{04}
daa no' agne dhi`yaa ra`yiM su`viiraM' svapa`tyaM sa'hasya prasha`stam |
na yaM yaavaa` tara'ti yaatu`maavaa'n || {7}{001}{05}
upa` yam eti' yuva`tiH su`dakShaM' do`Shaa vasto'r ha`viShma'tii ghR^i`taacii' |
upa` svaina'm a`rama'tir vasuu`yuH || {7}{001}{06}
vishvaa' a`gne .a'pa da`haaraa'tii`r yebhi`s tapo'bhi`r ada'ho` jaruu'tham |
pra ni'sva`raM caa'taya`svaamii'vaam || {7}{001}{07}
aa yas te' agna idha`te anii'kaM` vasi'ShTha` shukra` diidi'vaH` paava'ka |
u`to na' e`bhi sta`vathai'r i`ha syaaH' || {7}{001}{08}
vi ye te' agne bheji`re anii'ka`m martaa` naraH` pitryaa'saH puru`traa |
u`to na' e`bhiH su`manaa' i`ha syaaH' || {7}{001}{09}
i`me naro' vR^itra`hatye'Shu` shuuraa` vishvaa` ade'viir a`bhi sa'ntu maa`yaaH |
ye me` dhiya'm pa`naya'nta prasha`staam || {7}{001}{10}
maa shuune' agne` ni Sha'daama nR^i`Naam maasheSha'so .a`viira'taa` pari' tvaa |
pra`jaava'tiiShu` duryaa'su durya || {7}{001}{11}
yam a`shvii nitya'm upa`yaati' ya`j~nam pra`jaava'ntaM svapa`tyaM kShayaM' naH |
svaja'nmanaa` sheSha'saa vaavR^idhaa`nam || {7}{001}{12}
paa`hi no' agne ra`kShaso` aju'ShTaat paa`hi dhuu`rter ara'ruSho aghaa`yoH |
tvaa yu`jaa pR^i'tanaa`yuum+r a`bhi Shyaa'm || {7}{001}{13}
sed a`gnir a`gniim+r aty a'stv a`nyaan yatra' vaa`jii tana'yo vii`Lupaa'NiH |
sa`hasra'paathaa a`kSharaa' sa`meti' || {7}{001}{14}
sed a`gnir yo va'nuShya`to ni`paati' same`ddhaara`m aMha'sa uru`Shyaat |
su`jaa`taasaH` pari' caranti vii`raaH || {7}{001}{15}
a`yaM so a`gnir aahu'taH puru`traa yam iishaa'naH` sam id i`ndhe ha`viShmaa'n |
pari` yam ety a'dhva`reShu` hotaa' || {7}{001}{16}
tve a'gna aa`hava'naani` bhuurii'shaa`naasa` aa ju'huyaama` nityaa' |
u`bhaa kR^i`Nvanto' vaha`tuu mi`yedhe' || {7}{001}{17}
i`mo a'gne vii`tata'maani ha`vyaaja'sro vakShi de`vataa'ti`m acCha' |
prati' na iiM sura`bhiiNi' vyantu || {7}{001}{18}
maa no' agne .a`viira'te` paraa' daa du`rvaasa`se .a'mataye` maa no' a`syai |
maa naH' kShu`dhe maa ra`kShasa' R^itaavo` maa no` dame` maa vana` aa ju'huurthaaH || {7}{001}{19}
nuu me` brahmaa'Ny agna` uc Cha'shaadhi` tvaM de'va ma`ghava'dbhyaH suShuudaH |
raa`tau syaa'mo`bhayaa'sa` aa te' yuu`yam paa'ta sva`stibhiH` sadaa' naH || {7}{001}{20}
tvam a'gne su`havo' ra`NvasaM'dR^ik sudii`tii suu'no sahaso didiihi |
maa tve sacaa` tana'ye` nitya` aa dha`~N maa vii`ro a`sman naryo` vi daa'siit || {7}{001}{21}
maa no' agne durbhR^i`taye` sacai`Shu de`veddhe'Shv a`gniShu` pra vo'caH |
maa te' a`smaan du'rma`tayo' bhR^i`maac ci'd de`vasya' suuno sahaso nashanta || {7}{001}{22}
sa marto' agne svaniika re`vaan ama'rtye` ya aa'ju`hoti' ha`vyam |
sa de`vataa' vasu`vaniM' dadhaati` yaM suu`rir a`rthii pR^i`cChamaa'na` eti' || {7}{001}{23}
ma`ho no' agne suvi`tasya' vi`dvaan ra`yiM suu`ribhya` aa va'haa bR^i`hanta'm |
ya' va`yaM sa'hasaava`n made`maavi'kShitaasa` aayu'Shaa su`viiraaH' || {7}{001}{24}
nuu me` brahmaa'Ny agna` uc Cha'shaadhi` tvaM de'va ma`ghava'dbhyaH suShuudaH |
raa`tau syaa'mo`bhayaa'sa` aa te' yuu`yam paa'ta sva`stibhiH` sadaa' naH || {7}{001}{25}

(518)
ju`Shasva' naH sa`midha'm agne a`dya shocaa' bR^i`had ya'ja`taM dhuu`mam R^i`Nvan |
upa' spR^isha di`vyaM saanu` stuupaiH` saM ra`shmibhi's tatanaH` suurya'sya || {7}{002}{01}
naraa`shaMsa'sya mahi`maana'm eShaa`m upa' stoShaama yaja`tasya' ya`j~naiH |
ye su`krata'vaH` shuca'yo dhiyaM`dhaaH svada'nti de`vaa u`bhayaa'ni ha`vyaa || {7}{002}{02}
ii`LyaM' vo` asu'raM su`dakSha'm a`ntar duu`taM roda'sii satya`vaaca'm |
ma`nu`Shvad a`gnim manu'naa` sami'ddhaM` sam a'dhva`raaya` sada`m in ma'hema || {7}{002}{03}
sa`pa`ryavo` bhara'maaNaa abhi`j~nu pra vR^i'~njate` nama'saa ba`rhir a`gnau |
aa`juhvaa'naa ghR^i`tapR^i'ShTha`m pR^iSha'dva`d adhva'ryavo ha`viShaa' marjayadhvam || {7}{002}{04}
svaa`dhyoKp vi duro' deva`yanto .a'shishrayuu ratha`yur de`vataa'taa |
puu`rvii shishuM` na maa`taraa' rihaa`Ne sam a`gruvo` na sama'neShv a~njan || {7}{002}{05}
u`ta yoSha'Ne di`vye ma`hii na' u`Shaasaa`naktaa' su`dughe'va dhe`nuH |
ba`rhi`Shadaa' puruhuu`te ma`ghonii` aa ya`j~niye' suvi`taaya' shrayetaam || {7}{002}{06}
vipraa' ya`j~neShu` maanu'SheShu kaa`ruu manye' vaaM jaa`tave'dasaa` yaja'dhyai |
uu`rdhvaM no' adhva`raM kR^i'taM` have'Shu` taa de`veShu' vanatho` vaaryaa'Ni || {7}{002}{07}
aa bhaara'tii` bhaara'tiibhiH sa`joShaa` iLaa' de`vair ma'nu`Shyebhir a`gniH |
sara'svatii saarasva`tebhi'r a`rvaak ti`sro de`viir ba`rhir edaM sa'dantu || {7}{002}{08}
tan na's tu`riipa`m adha' poShayi`tnu deva' tvaShTa`r vi ra'raa`NaH sya'sva |
yato' vii`raH ka'rma`NyaH su`dakSho' yu`ktagraa'vaa` jaaya'te de`vakaa'maH || {7}{002}{09}
vana'spa`te .a'va sR^i`jopa' de`vaan a`gnir ha`viH sha'mi`taa suu'dayaati |
sed u` hotaa' sa`tyata'ro yajaati` yathaa' de`vaanaaM` jani'maani` veda' || {7}{002}{10}
aa yaa'hy agne samidhaa`no a`rvaa~N indre'Na de`vaiH sa`rathaM' tu`rebhiH' |
ba`rhir na' aastaa`m adi'tiH supu`traa svaahaa' de`vaa a`mR^itaa' maadayantaam || {7}{002}{11}


(519)
a`gniM vo' de`vam a`gnibhiH' sa`joShaa` yaji'ShThaM duu`tam a'dhva`re kR^i'Nudhvam |
yo martye'Shu` nidhru'vir R^i`taavaa` tapu'rmuurdhaa ghR^i`taannaH' paava`kaH || {7}{003}{01}
protha`d ashvo` na yava'se .avi`Shyan ya`daa ma`haH saM`vara'Naa`d vy asthaa't |
aad a'sya` vaato` anu' vaati sho`cir adha' sma te` vraja'naM kR^i`ShNam a'sti || {7}{003}{02}
ud yasya' te` nava'jaatasya` vR^iShNo .a'gne` cara'nty a`jaraa' idhaa`naaH |
acChaa` dyaam a'ru`Sho dhuu`ma e'ti` saM duu`to a'gna` iiya'se` hi de`vaan || {7}{003}{03}
vi yasya' te pR^ithi`vyaam paajo` ashre't tR^i`Shu yad annaa' sa`mavR^i'kta` jambhaiH' |
se'va sR^i`ShTaa prasi'tiSh Ta eti` yavaM` na da'sma ju`hvaa vivekShi || {7}{003}{04}
tam id do`Shaa tam u`Shasi` yavi'ShTham a`gnim atyaM` na ma'rjayanta` naraH' |
ni`shishaa'naa` ati'thim asya` yonau' dii`daaya' sho`cir aahu'tasya` vR^iShNaH' || {7}{003}{05}
su`saM`dR^ik te' svaniika` pratii'kaM` vi yad ru`kmo na roca'sa upaa`ke |
di`vo na te' tanya`tur e'ti` shuShma'sh ci`tro na suuraH` prati' cakShi bhaa`num || {7}{003}{06}
yathaa' vaH` svaahaa`gnaye` daashe'ma` pariiLaa'bhir ghR^i`tava'dbhish ca ha`vyaiH |
tebhi'r no agne` ami'tai`r maho'bhiH sha`tam puu`rbhir aaya'siibhi`r ni paa'hi || {7}{003}{07}
yaa vaa' te` santi' daa`shuShe` adhR^i'ShTaa` giro' vaa` yaabhi'r nR^i`vatii'r uru`ShyaaH |
taabhi'r naH suuno sahaso` ni paa'hi` smat suu`rii~n ja'ri`tR^I~n jaa'tavedaH || {7}{003}{08}
nir yat puu`teva` svadhi'tiH` shuci`r gaat svayaa' kR^i`paa ta`nvaaKp roca'maanaH |
aa yo maa`tror u`shyo` jani'ShTa deva`yajyaa'ya su`kratuH' paava`kaH || {7}{003}{09}
e`taa no' agne` saubha'gaa didii`hy api` kratuM' su`ceta'saM vatema |
vishvaa' sto`tR^ibhyo' gR^iNa`te ca' santu yuu`yam paa'ta sva`stibhiH` sadaa' naH || {7}{003}{10}


(520)
pra vaH' shu`kraaya' bhaa`nave' bharadhvaM ha`vyam ma`tiM caa`gnaye` supuu'tam |
yo daivyaa'ni` maanu'Shaa ja`nuuMShy a`ntar vishvaa'ni vi`dmanaa` jigaa'ti || {7}{004}{01}
sa gR^itso' a`gnis taru'Nash cid astu` yato` yavi'ShTho` aja'niShTa maa`tuH |
saM yo vanaa' yu`vate` shuci'da`n bhuuri' ci`d annaa` sam id a'tti sa`dyaH || {7}{004}{02}
a`sya de`vasya' saM`sady anii'ke` yam martaa'saH shye`taM ja'gR^i`bhre |
ni yo gR^ibha`m pauru'Sheyiim u`voca' du`roka'm a`gnir aa`yave' shushoca || {7}{004}{03}
a`yaM ka`vir aka'viShu` prace'taa` marte'Shv a`gnir a`mR^ito` ni dhaa'yi |
sa maa no` atra' juhuraH sahasvaH` sadaa` tve su`mana'saH syaama || {7}{004}{04}
aa yo yoniM' de`vakR^i'taM sa`saada` kratvaa` hy akp gnir a`mR^itaa`m+ ataa'riit |
tam oSha'dhiish ca va`nina'sh ca` garbha`m bhuumi'sh ca vi`shvadhaa'yasam bibharti || {7}{004}{05}
iishe` hy akp gnir a`mR^ita'sya` bhuure`r iishe' raa`yaH su`viirya'sya` daatoH' |
maa tvaa' va`yaM sa'hasaavann a`viiraa` maapsa'vaH` pari' Shadaama` maadu'vaH || {7}{004}{06}
pa`ri`ShadyaM` hy ara'Nasya` rekNo` nitya'sya raa`yaH pata'yaH syaama |
na sheSho' agne a`nyajaa'tam a`sty ace'taanasya` maa pa`tho vi du'kShaH || {7}{004}{07}
na`hi grabhaa`yaara'NaH su`shevo' .a`nyoda'ryo` mana'saa` manta`vaa u' |
adhaa' ci`d okaH` puna`r it sa e`ty aa no' vaa`jy abhii`ShaaL e'tu` navyaH' || {7}{004}{08}
tvam a'gne vanuShya`to ni paa'hi` tvam u' naH sahasaavann ava`dyaat |
saM tvaa' dhvasma`nvad a`bhy etu` paathaH` saM ra`yi spR^i'ha`yaayyaH' saha`srii || {7}{004}{09}
e`taa no' agne` saubha'gaa didii`hy api` kratuM' su`ceta'saM vatema |
vishvaa' sto`tR^ibhyo' gR^iNa`te ca' santu yuu`yam paa'ta sva`stibhiH` sadaa' naH || {7}{004}{10}


(521)
praagnaye' ta`vase' bharadhvaM` giraM' di`vo a'ra`taye' pR^ithi`vyaaH |
yo vishve'Shaam a`mR^itaa'naam u`pasthe' vaishvaana`ro vaa'vR^i`dhe jaa'gR^i`vadbhiH' || {7}{005}{01}
pR^i`ShTo di`vi dhaayy a`gniH pR^i'thi`vyaaM ne`taa sindhuu'naaM vR^iSha`bha stiyaa'naam |
sa maanu'Shiir a`bhi visho` vi bhaa'ti vaishvaana`ro vaa'vR^idhaa`no vare'Na || {7}{005}{02}
tvad bhi`yaa visha' aaya`nn asi'kniir asama`naa jaha'tii`r bhoja'naani |
vaishvaa'nara puu`rave` shoshu'caanaH` puro` yad a'gne da`raya`nn adii'deH || {7}{005}{03}
tava' tri`dhaatu' pR^ithi`vii u`ta dyaur vaishvaa'nara vra`tam a'gne sacanta |
tvam bhaa`saa roda'sii` aa ta'ta`nthaaja'sra sho`ciShaa` shoshu'caanaH || {7}{005}{04}
tvaam a'gne ha`rito' vaavashaa`naa giraH' sacante` dhuna'yo ghR^i`taaciiH' |
patiM' kR^iShTii`naaM ra`thyaM rayii`NaaM vai'shvaana`ram u`ShasaaM' ke`tum ahnaa'm || {7}{005}{05}
tve a'su`ryakp M vasa'vo` ny R^iNva`n kratuM` hi te' mitramaho ju`Shanta' |
tvaM dasyuu`m+r oka'so agna aaja u`ru jyoti'r ja`naya`nn aaryaa'ya || {7}{005}{06}
sa jaaya'maanaH para`me vyoman vaa`yur na paathaH` pari' paasi sa`dyaH |
tvam bhuva'naa ja`naya'nn a`bhi kra`nn apa'tyaaya jaatavedo dasha`syan || {7}{005}{07}
taam a'gne a`sme iSha`m era'yasva` vaishvaa'nara dyu`matiiM' jaatavedaH |
yayaa` raadhaH` pinva'si vishvavaara pR^i`thu shravo' daa`shuShe` martyaa'ya || {7}{005}{08}
taM no' agne ma`ghava'dbhyaH puru`kShuM ra`yiM ni vaajaM` shrutyaM' yuvasva |
vaishvaa'nara` mahi' naH` sharma' yacCha ru`drebhi'r agne` vasu'bhiH sa`joShaaH' || {7}{005}{09}


(522)
pra sa`mraajo` asu'rasya` prasha'stim puM`saH kR^i'ShTii`naam a'nu`maadya'sya |
indra'syeva` pra ta`vasa's kR^i`taani` vande' daa`ruM vanda'maano vivakmi || {7}{006}{01}
ka`viM ke`tuM dhaa`sim bhaa`num adre'r hi`nvanti` shaM raa`jyaM roda'syoH |
pu`raM`da`rasya' gii`rbhir aa vi'vaase .a`gner vra`taani' puu`rvyaa ma`haani' || {7}{006}{02}
ny akra`tuun gra`thino' mR^i`dhravaa'caH pa`Niim+r a'shra`ddhaam+ a'vR^i`dhaam+ a'ya`j~naan |
pra-pra` taan dasyuu'm+r a`gnir vi'vaaya` puurva'sh cakaa`raapa'raa`m+ aya'jyuun || {7}{006}{03}
yo a'paa`ciine` tama'si` mada'ntiiH` praacii'sh ca`kaara` nR^ita'maH` shacii'bhiH |
tam iishaa'naM` vasvo' a`gniM gR^i'Nii`She .a'naanataM da`maya'ntam pR^ita`nyuun || {7}{006}{04}
yo de`hyoKp ana'mayad vadha`snair yo a`ryapa'tniir u`Shasa'sh ca`kaara' |
sa ni`rudhyaa` nahu'Sho ya`hvo a`gnir visha'sh cakre bali`hR^itaH` saho'bhiH || {7}{006}{05}
yasya` sharma`nn upa` vishve` janaa'sa` evai's ta`sthuH su'ma`tim bhikSha'maaNaaH |
vai`shvaa`na`ro vara`m aa roda'syo`r aagniH sa'saada pi`tror u`pastha'm || {7}{006}{06}
aa de`vo da'de bu`dhnyaaKp vasuu'ni vaishvaana`ra udi'taa` suurya'sya |
aa sa'mu`draad ava'raa`d aa para'smaa`d aagnir da'de di`va aa pR^i'thi`vyaaH || {7}{006}{07}


(523)
pra vo' de`vaM ci't sahasaa`nam a`gnim ashvaM` na vaa`jinaM' hiShe` namo'bhiH |
bhavaa' no duu`to a'dhva`rasya' vi`dvaan tmanaa' de`veShu' vivide mi`tadruH' || {7}{007}{01}
aa yaa'hy agne pa`thyaaKp anu` svaa ma`ndro de`vaanaaM' sa`khyaM ju'Shaa`NaH |
aa saanu` shuShmai'r na`daya'n pR^ithi`vyaa jambhe'bhi`r vishva'm u`shadha`g vanaa'ni || {7}{007}{02}
praa`ciino' ya`j~naH sudhi'taM` hi ba`rhiH prii'Nii`te a`gnir ii'Li`to na hotaa' |
aa maa`taraa' vi`shvavaa're huvaa`no yato' yaviShTha jaj~ni`She su`shevaH' || {7}{007}{03}
sa`dyo a'dhva`re ra'thi`raM ja'nanta` maanu'Shaaso` vice'taso` ya e'Shaam |
vi`shaam a'dhaayi vi`shpati'r duro`Ne .a`gnir ma`ndro madhu'vacaa R^i`taavaa' || {7}{007}{04}
asaa'di vR^i`to vahni'r aajaga`nvaan a`gnir bra`hmaa nR^i`Shada'ne vidha`rtaa |
dyaush ca` yam pR^i'thi`vii vaa'vR^i`dhaate` aa yaM hotaa` yaja'ti vi`shvavaa'ram || {7}{007}{05}
e`te dyu`mnebhi`r vishva`m aati'ranta` mantraM` ye vaaraM` naryaa` ata'kShan |
pra ye visha's ti`ranta` shroSha'maaNaa` aa ye me' a`sya diidha'yann R^i`tasya' || {7}{007}{06}
nuu tvaam a'gna iimahe` vasi'ShThaa iishaa`naM suu'no sahaso` vasuu'naam |
iShaM' sto`tR^ibhyo' ma`ghava'dbhya aanaD yuu`yam paa'ta sva`stibhiH` sadaa' naH || {7}{007}{07}


(524)
i`ndhe raajaa` sam a`ryo namo'bhi`r yasya` pratii'ka`m aahu'taM ghR^i`ta' |
naro' ha`vyebhi'r iiLate sa`baadha` aagnir agra' u`Shasaa'm ashoci || {7}{008}{01}
a`yam u` Shya suma'haam+ avedi` hotaa' ma`ndro manu'Sho ya`hvo a`gniH |
vi bhaa a'kaH sasR^ijaa`naH pR^i'thi`vyaaM kR^i`ShNapa'vi`r oSha'dhiibhir vavakShe || {7}{008}{02}
kayaa' no agne` vi va'saH suvR^i`ktiM kaam u' sva`dhaam R^i'NavaH sha`syamaa'naH |
ka`daa bha'vema` pata'yaH sudatra raa`yo va`ntaaro' du`ShTara'sya saa`dhoH || {7}{008}{03}
pra-praa`yam a`gnir bha'ra`tasya' shR^iNve` vi yat suuryo` na roca'te bR^i`had bhaaH |
a`bhi yaH puu`rum pR^ita'naasu ta`sthau dyu'taa`no daivyo` ati'thiH shushoca || {7}{008}{04}
asa`nn it tve aa`hava'naani` bhuuri` bhuvo` vishve'bhiH su`manaa` anii'kaiH |
stu`tash ci'd agne shR^iNviShe gR^iNaa`naH sva`yaM va'rdhasva ta`nvaM sujaata || {7}{008}{05}
i`daM vacaH' shata`saaH saMsa'hasra`m ud a`gnaye' janiShiiShTa dvi`barhaaH' |
shaM yat sto`tR^ibhya' aa`paye` bhavaa'ti dyu`mad a'miiva`caata'naM rakSho`haa || {7}{008}{06}
nuu tvaam a'gna iimahe` vasi'ShThaa iishaa`naM suu'no sahaso` vasuu'naam |
iShaM' sto`tR^ibhyo' ma`ghava'dbhya aanaD yuu`yam paa'ta sva`stibhiH` sadaa' naH || {7}{008}{07}


(525)
abo'dhi jaa`ra u`Shasaa'm u`pasthaa`d dhotaa' ma`ndraH ka`vita'maH paava`kaH |
dadhaa'ti ke`tum u`bhaya'sya ja`ntor ha`vyaa de`veShu` dravi'NaM su`kR^itsu' || {7}{009}{01}
sa su`kratu`r yo vi duraH' paNii`naam pu'naa`no a`rkam pu'ru`bhoja'saM naH |
hotaa' ma`ndro vi`shaaM damuu'naas ti`ras tamo' dadR^ishe raa`myaaNaa'm || {7}{009}{02}
amuu'raH ka`vir adi'tir vi`vasvaa'n susaM`san mi`tro ati'thiH shi`vo naH' |
ci`trabhaa'nur u`Shasaa'm bhaa`ty agre' .a`paaM garbhaH' pra`svakp aa vi'vesha || {7}{009}{03}
ii`Lyo' vo` manu'Sho yu`geShu' samana`gaa a'shucaj jaa`tave'daaH |
su`saM`dR^ishaa' bhaa`nunaa` yo vi`bhaati` prati` gaavaH' samidhaa`nam bu'dhanta || {7}{009}{04}
agne' yaa`hi duu`tyakp m maa ri'ShaNyo de`vaam+ acChaa' brahma`kR^itaa' ga`Na' |
sara'svatiim ma`ruto' a`shvinaa`po yakShi' de`vaan ra'tna`dheyaa'ya` vishvaa'n || {7}{009}{05}
tvaam a'gne samidhaa`no vasi'ShTho` jaruu'thaM ha`n yakShi' raa`ye puraM'dhim |
pu`ru`Nii`thaa jaa'tavedo jarasva yuu`yam paa'ta sva`stibhiH` sadaa' naH || {7}{009}{06}


(526)
u`Sho na jaa`raH pR^i`thu paajo' ashre`d davi'dyuta`d diidya`c Choshu'caanaH |
vR^iShaa` hariH` shuci`r aa bhaa'ti bhaa`saa dhiyo' hinvaa`na u'sha`tiir a'jiigaH || {7}{010}{01}
svakp r Na vasto'r u`Shasaa'm aroci ya`j~naM ta'nvaa`naa u`shijo` na manma' |
a`gnir janmaa'ni de`va aa vi vi`dvaan dra`vad duu`to de'va`yaavaa` vani'ShThaH || {7}{010}{02}
acChaa` giro' ma`tayo' deva`yantii'r a`gniM ya'nti` dravi'Na`m bhikSha'maaNaaH |
su`saM`dR^ishaM' su`pratii'kaM` sva~ncaM' havya`vaaha'm ara`tim maanu'ShaaNaam || {7}{010}{03}
indraM' no agne` vasu'bhiH sa`joShaa' ru`draM ru`drebhi`r aa va'haa bR^i`hanta'm |
aa`di`tyebhi`r adi'tiM vi`shvaja'nyaa`m bR^iha`spati`m R^ikva'bhir vi`shvavaa'ram || {7}{010}{04}
ma`ndraM hotaa'ram u`shijo` yavi'ShTham a`gniM visha' iiLate adhva`reShu' |
sa hi kShapaa'vaa`m+ abha'vad rayii`Naam ata'ndro duu`to ya`jathaa'ya de`vaan || {7}{010}{05}


(527)
ma`haam+ a'sy adhva`rasya' prake`to na R^i`te tvad a`mR^itaa' maadayante |
aa vishve'bhiH sa`rathaM' yaahi de`vair ny agne` hotaa' pratha`maH sa'de`ha || {7}{011}{01}
tvaam ii'Late aji`raM duu`tyaaya ha`viShma'ntaH` sada`m in maanu'ShaasaH |
yasya' de`vair aasa'do ba`rhir a`gne .a'haany asmai su`dinaa' bhavanti || {7}{011}{02}
trish ci'd a`ktoH pra ci'kitu`r vasuu'ni` tve a`ntar daa`shuShe` martyaa'ya |
ma`nu`Shvad a'gna i`ha ya'kShi de`vaan bhavaa' no duu`to a'bhishasti`paavaa' || {7}{011}{03}
a`gnir ii'she bR^iha`to a'dhva`rasyaa`gnir vishva'sya ha`viShaH' kR^i`tasya' |
kratuM` hy asya` vasa'vo ju`Shantaathaa' de`vaa da'dhire havya`vaaha'm || {7}{011}{04}
aagne' vaha havi`radyaa'ya de`vaan indra'jyeShThaasa i`ha maa'dayantaam |
i`maM ya`j~naM di`vi de`veShu' dhehi yuu`yam paa'ta sva`stibhiH` sadaa' naH || {7}{011}{05}


(528)
aga'nma ma`haa nama'saa` yavi'ShThaM` yo dii`daaya` sami'ddhaH` sve du'ro`Ne |
ci`trabhaa'nuM` roda'sii a`ntar u`rvii svaahutaM vi`shvataH' pra`tya~nca'm || {7}{012}{01}
sa ma`hnaa vishvaa' duri`taani' saa`hvaan a`gni ShTa've` dama` aa jaa`tave'daaH |
sa no' rakShiShad duri`taad a'va`dyaad a`smaan gR^i'Na`ta u`ta no' ma`ghonaH' || {7}{012}{02}
tvaM varu'Na u`ta mi`tro a'gne` tvaaM va'rdhanti ma`tibhi`r vasi'ShThaaH |
tve vasu' suShaNa`naani' santu yuu`yam paa'ta sva`stibhiH` sadaa' naH || {7}{012}{03}


(529)
praagnaye' vishva`shuce' dhiyaM`dhe .asura`ghne manma' dhii`tim bha'radhvam |
bhare' ha`vir na ba`rhiShi' priiNaa`no vai'shvaana`raaya` yata'ye matii`naam || {7}{013}{01}
tvam a'gne sho`ciShaa` shoshu'caana` aa roda'sii apR^iNaa` jaaya'maanaH |
tvaM de`vaam+ a`bhisha'ster amu~nco` vaishvaa'nara jaatavedo mahi`tvaa || {7}{013}{02}
jaa`to yad a'gne` bhuva'naa` vy akhyaH' pa`shuun na go`paa iryaH` pari'jmaa |
vaishvaa'nara` brahma'Ne vinda gaa`tuM yuu`yam paa'ta sva`stibhiH` sadaa' naH || {7}{013}{03}

(530)
sa`midhaa' jaa`tave'dase de`vaaya' de`vahuu'tibhiH |
ha`virbhiH' shu`krasho'ciShe nama`svino' va`yaM daa'shemaa`gnaye' || {7}{014}{01}
va`yaM te' agne sa`midhaa' vidhema va`yaM daa'shema suShTu`tii ya'jatra |
va`yaM ghR^i`taa'dhvarasya hotar va`yaM de'va ha`viShaa' bhadrashoce || {7}{014}{02}
aa no' de`vebhi`r upa' de`vahuu'ti`m agne' yaa`hi vaSha'TkR^itiM juShaa`NaH |
tubhyaM' de`vaaya` daasha'taH syaama yuu`yam paa'ta sva`stibhiH` sadaa' naH || {7}{014}{03}


(531)
u`pa`sadyaa'ya mii`LhuSha' aa`sye juhutaa ha`viH |
yo no` nedi'ShTha`m aapya'm || {7}{015}{01}
yaH pa~nca' carSha`Niir a`bhi ni'Sha`saada` dame'-dame |
ka`vir gR^i`hapa'ti`r yuvaa' || {7}{015}{02}
sa no` vedo' a`maatya'm a`gnii ra'kShatu vi`shvataH' |
u`taasmaan paa`tv aMha'saH || {7}{015}{03}
navaM` nu stoma'm a`gnaye' di`vaH shye`naaya' jiijanam |
vasvaH' ku`vid va`naati' naH || {7}{015}{04}
spaa`rhaa yasya` shriyo' dR^i`she ra`yir vii`rava'to yathaa |
agre' ya`j~nasya` shoca'taH || {7}{015}{05}
semaaM ve'tu` vaSha'TkR^itim a`gnir ju'Shata no` giraH' |
yaji'ShTho havya`vaaha'naH || {7}{015}{06}
ni tvaa' nakShya vishpate dyu`mantaM' deva dhiimahi |
su`viira'm agna aahuta || {7}{015}{07}
kShapa' u`srash ca' diidihi sva`gnaya`s tvayaa' va`yam |
su`viira`s tvam a'sma`yuH || {7}{015}{08}
upa' tvaa saa`taye` naro` vipraa'so yanti dhii`tibhiH' |
upaakSha'raa saha`sriNii' || {7}{015}{09}
a`gnii rakShaaM'si sedhati shu`krasho'ci`r ama'rtyaH |
shuciH' paava`ka iiDyaH' || {7}{015}{10}
sa no` raadhaaM`sy aa bha`reshaa'naH sahaso yaho |
bhaga'sh ca daatu` vaarya'm || {7}{015}{11}
tvam a'gne vii`rava`d yasho' de`vash ca' savi`taa bhagaH' |
diti'sh ca daati` vaarya'm || {7}{015}{12}
agne` rakShaa' No` aMha'saH` prati' Shma deva` riiSha'taH |
tapi'ShThair a`jaro' daha || {7}{015}{13}
adhaa' ma`hii na` aaya`sy anaa'dhR^iShTo` nR^ipii'taye |
puur bha'vaa sha`tabhu'jiH || {7}{015}{14}
tvaM naH' paa`hy aMha'so` doShaa'vastar aghaaya`taH |
divaa` nakta'm adaabhya || {7}{015}{15}


(532)
e`naa vo' a`gniM nama'so`rjo napaa'ta`m aa hu've |
pri`yaM ceti'ShTham ara`tiM sva'dhva`raM vishva'sya duu`tam a`mR^ita'm || {7}{016}{01}
sa yo'jate aru`Shaa vi`shvabho'jasaa` sa du'drava`t svaahutaH |
su`brahmaa' ya`j~naH su`shamii` vasuu'naaM de`vaM raadho` janaa'naam || {7}{016}{02}
ud a'sya sho`cir a'sthaad aa`juhvaa'nasya mii`LhuShaH' |
ud dhuu`maaso' aru`Shaaso' divi`spR^ishaH` sam a`gnim i'ndhate` naraH' || {7}{016}{03}
taM tvaa' duu`taM kR^i'Nmahe ya`shasta'maM de`vaam+ aa vii`taye' vaha |
vishvaa' suuno sahaso marta`bhoja'naa` raasva` tad yat tvema'he || {7}{016}{04}
tvam a'gne gR^i`hapa'ti`s tvaM hotaa' no adhva`re |
tvam potaa' vishvavaara` prace'taa` yakShi` veShi' ca` vaarya'm || {7}{016}{05}
kR^i`dhi ratnaM` yaja'maanaaya sukrato` tvaM hi ra'tna`dhaa asi' |
aa na' R^i`te shi'shiihi` vishva'm R^i`tvijaM' su`shaMso` yash ca` dakSha'te || {7}{016}{06}
tve a'gne svaahuta pri`yaasaH' santu suu`rayaH' |
ya`ntaaro` ye ma`ghavaa'no` janaa'naam uu`rvaan daya'nta` gonaa'm || {7}{016}{07}
yeShaa`m iLaa' ghR^i`taha'staa duro`Na aam+ api' praa`taa ni`Shiida'ti |
taaMs traa'yasva sahasya dru`ho ni`do yacChaa' naH` sharma' diirgha`shrut || {7}{016}{08}
sa ma`ndrayaa' ca ji`hvayaa` vahni'r aa`saa vi`duShTa'raH |
agne' ra`yim ma`ghava'dbhyo na` aa va'ha ha`vyadaa'tiM ca suudaya || {7}{016}{09}
ye raadhaaM'si` dada`ty ashvyaa' ma`ghaa kaame'na` shrava'so ma`haH |
taam+ aMha'saH pipR^ihi pa`rtR^ibhi`Sh TvaM sha`tam puu`rbhir ya'viShThya || {7}{016}{10}
de`vo vo' draviNo`daaH puu`rNaaM vi'vaShTy aa`sica'm |
ud vaa' si`~ncadhva`m upa' vaa pR^iNadhva`m aad id vo' de`va o'hate || {7}{016}{11}
taM hotaa'ram adhva`rasya` prace'tasaM` vahniM' de`vaa a'kR^iNvata |
dadhaa'ti` ratnaM' vidha`te su`viirya'm a`gnir janaa'ya daa`shuShe' || {7}{016}{12}


(533)
agne` bhava' suSha`midhaa` sami'ddha u`ta ba`rhir u'rvi`yaa vi stR^i'Niitaam || {7}{017}{01}
u`ta dvaara' usha`tiir vi shra'yantaam u`ta de`vaam+ u'sha`ta aa va'he`ha || {7}{017}{02}
agne' vii`hi ha`viShaa` yakShi' de`vaan sva'dhva`raa kR^i'Nuhi jaatavedaH || {7}{017}{03}
sva`dhva`raa ka'rati jaa`tave'daa` yakSha'd de`vaam+ a`mR^itaa'n pi`praya'c ca || {7}{017}{04}
vaMsva` vishvaa` vaaryaa'Ni pracetaH sa`tyaa bha'vantv aa`shiSho' no a`dya || {7}{017}{05}
tvaam u` te da'dhire havya`vaahaM' de`vaaso' agna uu`rja aa napaa'tam || {7}{017}{06}
te te' de`vaaya` daasha'taH syaama ma`ho no` ratnaa` vi da'dha iyaa`naH || {7}{017}{07}


(534)
tve ha` yat pi`tara'sh cin na indra` vishvaa' vaa`maa ja'ri`taaro` asa'nvan |
tve gaavaH' su`dughaa`s tve hy ashvaa`s tvaM vasu' devaya`te vani'ShThaH || {7}{018}{01}
raaje'va` hi jani'bhiH` kSheShy e`vaava` dyubhi'r a`bhi vi`duSh ka`viH san |
pi`shaa giro' maghava`n gobhi`r ashvai's tvaaya`taH shi'shiihi raa`ye a`smaan || {7}{018}{02}
i`maa u' tvaa paspR^idhaa`naaso` atra' ma`ndraa giro' deva`yantii`r upa' sthuH |
a`rvaacii' te pa`thyaa raa`ya e'tu` syaama' te suma`taav i'ndra` sharma'n || {7}{018}{03}
dhe`nuM na tvaa' suu`yava'se` dudu'kSha`nn upa` brahmaa'Ni sasR^ije` vasi'ShThaH |
tvaam in me` gopa'tiM` vishva' aa`haa na` indraH' suma`tiM ga`ntv acCha' || {7}{018}{04}
arNaaM'si cit paprathaa`naa su`daasa` indro' gaa`dhaany a'kR^iNot supaa`raa |
shardha'ntaM shi`myum u`catha'sya` navyaH` shaapaM` sindhuu'naam akR^iNo`d asha'stiiH || {7}{018}{05}
pu`ro`Laa it tu`rvasho` yakShu'r aasiid raa`ye matsyaa'so` nishi'taa` apii'va |
shru`ShTiM ca'kru`r bhR^iga'vo dru`hyava'sh ca` sakhaa` sakhaa'yam atara`d viShuu'coH || {7}{018}{06}
aa pa`kthaaso' bhalaa`naso' bhana`ntaali'naaso viShaa`NinaH' shi`vaasaH' |
aa yo .a'nayat sadha`maa aarya'sya ga`vyaa tR^itsu'bhyo ajagan yu`dhaa nR^In || {7}{018}{07}
du`raa`dhyoKp adi'tiM sre`vaya'nto .ace`taso` vi ja'gR^ibhre` paru'ShNiim |
ma`hnaavi'vyak pR^ithi`viim patya'maanaH pa`shuSh ka`vir a'shaya`c caaya'maanaH || {7}{018}{08}
ii`yur arthaM` na nya`rtham paru'ShNiim aa`shush ca`ned a'bhipi`tvaM ja'gaama |
su`daasa` indraH' su`tukaa'm+ a`mitraa`n ara'ndhaya`n maanu'She` vadhri'vaacaH || {7}{018}{09}
ii`yur gaavo` na yava'saa`d ago'paa yathaakR^i`tam a`bhi mi`traM ci`taasaH' |
pR^ishni'gaavaH` pR^ishni'nipreShitaasaH shru`ShTiM ca'krur ni`yuto` ranta'yash ca || {7}{018}{10}
ekaM' ca` yo viM'sha`tiM ca' shrava`syaa vai'ka`rNayo`r janaa`n raajaa` ny astaH' |
da`smo na sadma`n ni shi'shaati ba`rhiH shuuraH` sarga'm akR^iNo`d indra' eShaam || {7}{018}{11}
adha' shru`taM ka`vaShaM' vR^i`ddham a`psv anu' dru`hyuM ni vR^i'Na`g vajra'baahuH |
vR^i`Naa`naa atra' sa`khyaaya' sa`khyaM tvaa`yanto` ye ama'da`nn anu' tvaa || {7}{018}{12}
vi sa`dyo vishvaa' dR^iMhi`taany e'Shaa`m indraH` puraH` saha'saa sa`pta da'rdaH |
vy aana'vasya` tR^itsa've` gaya'm bhaa`g jeShma' puu`ruM vi`dathe' mR^i`dhravaa'cam || {7}{018}{13}
ni ga`vyavo .a'navo dru`hyava'sh ca Sha`ShTiH sha`taa su'ShupuH` ShaT sa`hasraa' |
Sha`ShTir vii`raaso` adhi` ShaD du'vo`yu vishved indra'sya vii`ryaa kR^i`taani' || {7}{018}{14}
indre'Nai`te tR^itsa'vo` vevi'ShaaNaa` aapo` na sR^i`ShTaa a'dhavanta` niiciiH' |
du`rmi`traasaH' prakala`vin mimaa'naa ja`hur vishvaa'ni` bhoja'naa su`daase' || {7}{018}{15}
a`rdhaM vii`rasya' shR^ita`paam a'ni`ndram paraa` shardha'ntaM nunude a`bhi kShaam |
indro' ma`nyum ma'nyu`myo mimaaya bhe`je pa`tho va'rta`nim patya'maanaH || {7}{018}{16}
aa`dhra' ci`t tad v ekaM' cakaara siM`hyaM ci`t petve'naa jaghaana |
ava' sra`ktiir ve`shyaavR^ishca`d indraH` praaya'cCha`d vishvaa` bhoja'naa su`daase' || {7}{018}{17}
shashva'nto` hi shatra'vo raara`dhuSh Te' bhe`dasya' ci`c Chardha'to vinda` randhi'm |
martaa`m+ a' stuva`to yaH kR^i`Noti' ti`gmaM tasmi`n ni ja'hi` vajra'm indra || {7}{018}{18}
aava`d indraM' ya`munaa` tR^itsa'vash ca` praatra' bhe`daM sa`rvataa'taa muShaayat |
a`jaasa'sh ca` shigra'vo` yakSha'vash ca ba`liM shii`rShaaNi' jabhru`r ashvyaa'ni || {7}{018}{19}
na ta' indra suma`tayo` na raayaH' saM`cakShe` puurvaa' u`Shaso` na nuutnaaH' |
deva'kaM cin maanyamaa`naM ja'gha`nthaava` tmanaa' bR^iha`taH shamba'ram bhet || {7}{018}{20}
pra ye gR^i`haad ama'madus tvaa`yaa pa'raasha`raH sha`tayaa'tu`r vasi'ShThaH |
na te' bho`jasya' sa`khyam mR^i'Sha`ntaadhaa' suu`ribhyaH' su`dinaa` vy ucChaan || {7}{018}{21}
dve naptu'r de`vava'taH sha`te gor dvaa rathaa' va`dhuuma'ntaa su`daasaH' |
arha'nn agne paijava`nasya` daanaM` hote'va` sadma` pary e'mi` rebha'n || {7}{018}{22}
ca`tvaaro' maa paijava`nasya` daanaaH` smaddi'ShTayaH kR^isha`nino' nire`ke |
R^i`jraaso' maa pR^ithivi`ShThaaH su`daasa's to`kaM to`kaaya` shrava'se vahanti || {7}{018}{23}
yasya` shravo` roda'sii a`ntar u`rvii shii`rShNe-shii'rShNe viba`bhaajaa' vibha`ktaa |
sa`pted indraM` na sra`vato' gR^iNanti` ni yu'dhyaama`dhim a'shishaad a`bhiike' || {7}{018}{24}
i`maM na'ro marutaH sashca`taanu` divo'daasaM` na pi`taraM' su`daasaH' |
a`vi`ShTanaa' paijava`nasya` ketaM' duu`NaashaM' kSha`tram a`jaraM' duvo`yu || {7}{018}{25}


(535)
yas ti`gmashR^i'~Ngo vR^iSha`bho na bhii`ma ekaH' kR^i`ShTiish cyaa`vaya'ti` pra vishvaaH' |
yaH shashva'to` adaa'shuSho` gaya'sya praya`ntaasi` suShvi'taraaya` vedaH' || {7}{019}{01}
tvaM ha` tyad i'ndra` kutsa'm aavaH` shushruu'ShamaaNas ta`nvaa sama`rye |
daasaM` yac ChuShNaM` kuya'vaM` ny asmaa` ara'ndhaya aarjune`yaaya` shikSha'n || {7}{019}{02}
tvaM dhR^i'ShNo dhR^iSha`taa vii`taha'vya`m praavo` vishvaa'bhir uu`tibhiH' su`daasa'm |
pra pauru'kutsiM tra`sada'syum aavaH` kShetra'saataa vR^itra`hatye'Shu puu`rum || {7}{019}{03}
tvaM nR^ibhi'r nR^imaNo de`vavii'tau` bhuurii'Ni vR^i`traa ha'ryashva haMsi |
tvaM ni dasyuM` cumu'riM` dhuniM` caasvaa'payo da`bhiita'ye su`hantu' || {7}{019}{04}
tava' cyau`tnaani' vajrahasta` taani` nava` yat puro' nava`tiM ca' sa`dyaH |
ni`vesha'ne shatata`maavi'veShii`r aha'~n ca vR^i`traM namu'cim u`taaha'n || {7}{019}{05}
sanaa` taa ta' indra` bhoja'naani raa`taha'vyaaya daa`shuShe' su`daase' |
vR^iShNe' te` harii` vR^iSha'Naa yunajmi` vyantu` brahmaa'Ni purushaaka` vaaja'm || {7}{019}{06}
maa te' a`syaaM sa'hasaava`n pari'ShTaav a`ghaaya' bhuuma harivaH paraa`dai |
traaya'sva no .avR^i`kebhi`r varuu'thai`s tava' pri`yaasaH' suu`riShu' syaama || {7}{019}{07}
pri`yaasa` it te' maghavann a`bhiShTau` naro' madema shara`Ne sakhaa'yaH |
ni tu`rvashaM` ni yaadvaM' shishiihy atithi`gvaaya` shaMsyaM' kari`Shyan || {7}{019}{08}
sa`dyash ci`n nu te ma'ghavann a`bhiShTau` naraH' shaMsanty uktha`shaasa' u`kthaa |
ye te` have'bhi`r vi pa`Niim+r adaa'shann a`smaan vR^i'NiiShva` yujyaa'ya` tasmai' || {7}{019}{09}
e`te stomaa' na`raaM nR^i'tama` tubhya'm asma`drya~nco` dada'to ma`ghaani' |
teShaa'm indra vR^itra`hatye' shi`vo bhuuH` sakhaa' ca` shuuro' .avi`taa ca' nR^i`Naam || {7}{019}{10}
nuu i'ndra shuura` stava'maana uu`tii brahma'juutas ta`nvaa vaavR^idhasva |
upa' no` vaajaa'n mimii`hy upa` stiin yuu`yam paa'ta sva`stibhiH` sadaa' naH || {7}{019}{11}


(536)
u`gro ja'j~ne vii`ryaaya sva`dhaavaa`~n cakri`r apo` naryo` yat ka'ri`Shyan |
jagmi`r yuvaa' nR^i`Shada'na`m avo'bhis traa`taa na` indra` a'so ma`hash ci't || {7}{020}{01}
hantaa' vR^i`tram indraH` shuushu'vaanaH` praavii`n nu vii`ro ja'ri`taara'm uu`tii |
kartaa' su`daase` aha` vaa u'lo`kaM daataa` vasu` muhu`r aa daa`shuShe' bhuut || {7}{020}{02}
yu`dhmo a'na`rvaa kha'ja`kR^it sa`madvaa` shuuraH' satraa`ShaaD ja`nuShe`m aShaa'LhaH |
vy aasa` indraH` pR^ita'naaH` svojaa` adhaa` vishvaM' shatruu`yantaM' jaghaana || {7}{020}{03}
u`bhe ci'd indra` roda'sii mahi`tvaa pa'praatha` tavi'Shiibhis tuviShmaH |
ni vajra`m indro` hari'vaa`n mimi'kSha`n sam andha'saa` made'Shu` vaa u'voca || {7}{020}{04}
vR^iShaa' jajaana` vR^iSha'NaM` raNaa'ya` tam u' ci`n naarii` naryaM' sasuuva |
pra yaH se'naa`niir adha` nR^ibhyo` astii`naH satvaa' ga`veSha'NaH` sa dhR^i`ShNuH || {7}{020}{05}
nuu ci`t sa bhre'Shate` jano` na re'Sha`n mano` yo a'sya gho`ram aa`vivaa'saat |
ya`j~nair ya indre` dadha'te` duvaaM'si` kShaya`t sa raa`ya R^i'ta`paa R^i'te`jaaH || {7}{020}{06}
yad i'ndra` puurvo` apa'raaya` shikSha`nn aya`j jyaayaa`n kanii'yaso de`ShNam |
a`mR^ita` it pary aa'siita duu`ram aa ci'tra` citrya'm bharaa ra`yiM naH' || {7}{020}{07}
yas ta' indra pri`yo jano` dadaa'sha`d asa'n nire`ke a'drivaH` sakhaa' te |
va`yaM te' a`syaaM su'ma`tau cani'ShThaaH` syaama` varuu'the` aghna'to` nR^ipii'tau || {7}{020}{08}
e`Sha stomo' acikrada`d vR^iShaa' ta u`ta staa`mur ma'ghavann akrapiShTa |
raa`yas kaamo' jari`taaraM' ta` aaga`n tvam a`~Nga sha'kra` vasva` aa sha'ko naH || {7}{020}{09}
sa na' indra` tvaya'taayaa i`She dhaa`s tmanaa' ca` ye ma`ghavaa'no ju`nanti' |
vasvii` Shu te' jari`tre a'stu sha`ktir yuu`yam paa'ta sva`stibhiH` sadaa' naH || {7}{020}{10}


(537)
asaa'vi de`vaM goR^i'jiika`m andho` ny asmi`nn indro' ja`nuShe'm uvoca |
bodhaa'masi tvaa haryashva ya`j~nair bodhaa' na` stoma`m andha'so` made'Shu || {7}{021}{01}
pra ya'nti ya`j~naM vi`paya'nti ba`rhiH so'ma`maado' vi`dathe' du`dhravaa'caH |
ny u bhriyante ya`shaso' gR^i`bhaad aa duu`ra.a'upabdo` vR^iSha'No nR^i`ShaacaH' || {7}{021}{02}
tvam i'ndra` sravi'ta`vaa a`pas kaH` pari'ShThitaa` ahi'naa shuura puu`rviiH |
tvad vaa'vakre ra`thyoKp na dhaa` reja'nte` vishvaa' kR^i`trimaa'Ni bhii`Shaa || {7}{021}{03}
bhii`mo vi've`Shaayu'dhebhir eShaa`m apaaM'si` vishvaa` naryaa'Ni vi`dvaan |
indraH` puro` jarhR^i'ShaaNo` vi duu'dho`d vi vajra'hasto mahi`naa ja'ghaana || {7}{021}{04}
na yaa`tava' indra juujuvur no` na vanda'naa shaviShTha ve`dyaabhiH' |
sa sha'rdhad a`ryo viShu'Nasya ja`ntor maa shi`shnade'vaa` api' gur R^i`taM naH' || {7}{021}{05}
a`bhi kratve'ndra bhuu`r adha` jman na te' vivya~N mahi`maanaM` rajaaM'si |
svaa` hi vR^i`traM shava'saa ja`ghantha` na shatru`r antaM' vividad yu`dhaa te' || {7}{021}{06}
de`vaash ci't te asu`ryaaya` puurve .a'nu kSha`traaya' mamire` sahaaM'si |
indro' ma`ghaani' dayate vi`ShahydraM` vaaja'sya johuvanta saa`tau || {7}{021}{07}
kii`rish ci`d dhi tvaam ava'se ju`haaveshaa'nam indra` saubha'gasya` bhuureH' |
avo' babhuutha shatamuute a`sme a'bhikSha`ttus tvaava'to varuu`taa || {7}{021}{08}
sakhaa'yas ta indra vi`shvaha' syaama namovR^i`dhaaso' mahi`naa ta'rutra |
va`nvantu' smaa` te .a'vasaa samii`ke .a`bhiitim a`ryo va`nuShaaM` shavaaM'si || {7}{021}{09}
sa na' indra` tvaya'taayaa i`She dhaa`s tmanaa' ca` ye ma`ghavaa'no ju`nanti' |
vasvii` Shu te' jari`tre a'stu sha`ktir yuu`yam paa'ta sva`stibhiH` sadaa' naH || {7}{021}{10}


(538)
pibaa` soma'm indra` manda'tu tvaa` yaM te' su`Shaava' harya`shvaadriH' |
so`tur baa`hubhyaaM` suya'to` naarvaa' || {7}{022}{01}
yas te` mado` yujya`sh caaru`r asti` ya' vR^i`traaNi' haryashva` haMsi' |
sa tvaam i'ndra prabhuuvaso mamattu || {7}{022}{02}
bodhaa` su me' maghava`n vaaca`m emaaM yaaM te` vasi'ShTho` arca'ti` prasha'stim |
i`maa brahma' sadha`maade' juShasva || {7}{022}{03}
shru`dhii havaM' vipipaa`nasyaadre`r bodhaa` vipra`syaarca'to manii`Shaam |
kR^i`Shvaa duvaaM`sy anta'maa` sace`maa || {7}{022}{04}
na te` giro` api' mR^iShye tu`rasya` na su'ShTu`tim a'su`ryasya vi`dvaan |
sadaa' te` naama' svayasho vivakmi || {7}{022}{05}
bhuuri` hi te` sava'naa` maanu'SheShu` bhuuri' manii`Shii ha'vate` tvaam it |
maare a`sman ma'ghava`~n jyok kaH' || {7}{022}{06}
tubhyed i`maa sava'naa shuura` vishvaa` tubhya`m brahmaa'Ni` vardha'naa kR^iNomi |
tvaM nR^ibhi`r havyo' vi`shvadhaa'si || {7}{022}{07}
nuu ci`n nu te` manya'maanasya da`smod a'shnuvanti mahi`maana'm ugra |
na vii`ryam indra te` na raadhaH' || {7}{022}{08}
ye ca` puurva` R^iSha'yo` ye ca` nuutnaa` indra` brahmaa'Ni ja`naya'nta` vipraaH' |
a`sme te' santu sa`khyaa shi`vaani' yuu`yam paa'ta sva`stibhiH` sadaa' naH || {7}{022}{09}


(539)
ud u` brahmaa'Ny airata shrava`sydraM' sama`rye ma'hayaa vasiShTha |
aa yo vishvaa'ni` shava'saa ta`taano'pashro`taa ma` iiva'to` vacaaM'si || {7}{023}{01}
ayaa'mi` ghoSha' indra de`vajaa'mir ira`jyanta` yac Chu`rudho` vivaa'ci |
na`hi svam aayu'sh ciki`te jane'Shu` taaniid aMhaaM`sy ati' parShy a`smaan || {7}{023}{02}
yu`je rathaM' ga`veSha'NaM` hari'bhyaa`m upa` brahmaa'Ni jujuShaa`Nam a'sthuH |
vi baa'dhiShTa` sya roda'sii mahi`tvdro' vR^i`traaNy a'pra`tii ja'gha`nvaan || {7}{023}{03}
aapa'sh cit pipyu sta`ryoKp na gaavo` nakSha'nn R^i`taM ja'ri`taara's ta indra |
yaa`hi vaa`yur na ni`yuto' no` acChaa` tvaM hi dhii`bhir daya'se` vi vaajaa'n || {7}{023}{04}
te tvaa` madaa' indra maadayantu shu`ShmiNaM' tuvi`raadha'saM jari`tre |
eko' deva`traa daya'se` hi martaa'n a`smi~n Chuu'ra` sava'ne maadayasva || {7}{023}{05}
e`ved indraM` vR^iSha'NaM` vajra'baahuM` vasi'ShThaaso a`bhy arcanty a`rkaiH |
sa na' stu`to vii`rava'd dhaatu` goma'd yuu`yam paa'ta sva`stibhiH` sadaa' naH || {7}{023}{06}


(540)
yoni'Sh Ta indra` sada'ne akaari` tam aa nR^ibhiH' puruhuuta` pra yaa'hi |
aso` yathaa' no .avi`taa vR^i`dhe ca` dado` vasuu'ni ma`mada'sh ca` somaiH' || {7}{024}{01}
gR^i`bhii`taM te` mana' indra dvi`barhaaH' su`taH somaH` pari'Shiktaa` madhuu'ni |
visR^i'ShTadhaa bharate suvR^i`ktir i`yam indraM` johu'vatii manii`Shaa || {7}{024}{02}
aa no' di`va aa pR^i'thi`vyaa R^i'jiiShinn i`dam ba`rhiH so'ma`peyaa'ya yaahi |
vaha'ntu tvaa` hara'yo ma`drya~ncam aa~Nguu`Sham acChaa' ta`vasa`m madaa'ya || {7}{024}{03}
aa no` vishvaa'bhir uu`tibhiH' sa`joShaa` brahma' juShaa`No ha'ryashva yaahi |
varii'vR^ija`t sthavi'rebhiH sushipraa`sme dadha`d vR^iSha'NaM` shuShma'm indra || {7}{024}{04}
e`Sha stomo' ma`ha u`graaya` vaahe' dhu`riiKp vaatyo` na vaa`jaya'nn adhaayi |
indra' tvaa`yam a`rka ii'TTe` vasuu'naaM di`viiva` dyaam adhi' naH` shroma'taM dhaaH || {7}{024}{05}
e`vaa na' indra` vaarya'sya puurdhi` pra te' ma`hiiM su'ma`tiM ve'vidaama |
iSha'm pinva ma`ghava'dbhyaH su`viiraaM' yuu`yam paa'ta sva`stibhiH` sadaa' naH || {7}{024}{06}


(541)
aa te' ma`ha i'ndro`ty ugra` sama'nyavo` yat sa`mara'nta` saaH' |
pataa'ti di`dyun narya'sya baa`hvor maa te` mano' viShva`dryakp g vi caa'riit || {7}{025}{01}
ni du`rga i'ndra shnathihy a`mitraa'm+ a`bhi ye no` martaa'so a`manti' |
aa`re taM shaMsaM' kR^iNuhi nini`tsor aa no' bhara sa`mbhara'NaM` vasuu'naam || {7}{025}{02}
sha`taM te' shiprinn uu`tayaH' su`daase' sa`hasraM` shaMsaa' u`ta raa`tir a'stu |
ja`hi vadha'r va`nuSho` martya'syaa`sme dyu`mnam adhi` ratnaM' ca dhehi || {7}{025}{03}
tvaava'to` hiindra` kratve` asmi` tvaava'to .avi`tuH shuu'ra raa`tau |
vishved ahaa'ni taviShiiva ugra`m+ okaH' kR^iNuShva harivo` na ma'rdhiiH || {7}{025}{04}
kutsaa' e`te harya'shvaaya shuu`Sham indre` saho' de`vajuu'tam iyaa`naaH |
sa`traa kR^i'dhi su`hanaa' shuura vR^i`traa va`yaM taru'traaH sanuyaama` vaaja'm || {7}{025}{05}
e`vaa na' indra` vaarya'sya puurdhi` pra te' ma`hiiM su'ma`tiM ve'vidaama |
iSha'm pinva ma`ghava'dbhyaH su`viiraaM' yuu`yam paa'ta sva`stibhiH` sadaa' naH || {7}{025}{06}


(542)
na soma` indra`m asu'to mamaada` naabra'hmaaNo ma`ghavaa'naM su`taasaH' |
tasmaa' u`kthaM ja'naye` yaj jujo'Shan nR^i`van navii'yaH shR^i`Nava`d yathaa' naH || {7}{026}{01}
u`ktha-u'kthe` soma` indra'm mamaada nii`the-nii'the ma`ghavaa'naM su`taasaH' |
yad iiM' sa`baadhaH' pi`taraM` na pu`traaH sa'maa`nada'kShaa` ava'se` hava'nte || {7}{026}{02}
ca`kaara` taa kR^i`Nava'n nuu`nam a`nyaa yaani' bru`vanti' ve`dhasaH' su`teShu' |
janii'r iva` pati`r ekaH' samaa`no ni maa'mR^ije` pura` indraH` su sarvaaH' || {7}{026}{03}
e`vaa tam aa'hur u`ta shR^i'Nva` indra` eko' vibha`ktaa ta`raNi'r ma`ghaanaa'm |
mi`tha`stura' uu`tayo` yasya' puu`rviir a`sme bha`draaNi' sashcata pri`yaaNi' || {7}{026}{04}
e`vaa vasi'ShTha` indra'm uu`taye` nR^In kR^i'ShTii`naaM vR^i'Sha`bhaM su`te gR^i'Naati |
sa`ha`sriNa` upa' no maahi` vaajaa'n yuu`yam paa'ta sva`stibhiH` sadaa' naH || {7}{026}{05}


(543)
indraM` naro' ne`madhi'taa havante` yat paaryaa' yu`naja'te` dhiya`s taaH |
shuuro` nR^iShaa'taa` shava'sash cakaa`na aa goma'ti vra`je bha'jaa` tvaM naH' || {7}{027}{01}
ya i'ndra` shuShmo' maghavan te` asti` shikShaa` sakhi'bhyaH puruhuuta` nR^ibhyaH' |
tvaM hi dR^i`Lhaa ma'ghava`n vice'taa` apaa' vR^idhi` pari'vR^itaM` na raadhaH' || {7}{027}{02}
indro` raajaa` jaga'tash carShaNii`naam adhi` kShami` viShu'ruupaM` yad asti' |
tato' dadaati daa`shuShe` vasuu'ni` coda`d raadha` upa'stutash cid a`rvaak || {7}{027}{03}
nuu ci'n na` indro' ma`ghavaa` sahuu'tii daa`no vaajaM` ni ya'mate na uu`tii |
anuu'naa` yasya` dakShi'Naa pii`paaya' vaa`maM nR^ibhyo' a`bhivii'taa` sakhi'bhyaH || {7}{027}{04}
nuu i'ndra raa`ye vari'vas kR^idhii na` aa te` mano' vavR^ityaama ma`ghaaya' |
goma`d ashvaa'va`d ratha'va`d vyanto' yuu`yam paa'ta sva`stibhiH` sadaa' naH || {7}{027}{05}


(544)
brahmaa' Na i`ndropa' yaahi vi`dvaan a`rvaa~nca's te` hara'yaH santu yu`ktaaH |
vishve' ci`d dhi tvaa' vi`hava'nta` martaa' a`smaaka`m ic ChR^i'Nuhi vishvaminva || {7}{028}{01}
havaM' ta indra mahi`maa vy aana`D brahma` yat paasi' shavasi`nn R^iShii'Naam |
aa yad vajraM' dadhi`She hasta' ugra gho`raH san kratvaa' janiShThaa` aShaa'LhaH || {7}{028}{02}
tava` praNii'tiindra` johu'vaanaa`n saM yan nR^In na roda'sii ni`netha' |
ma`he kSha`traaya` shava'se` hi ja`j~ne .a'tuutujiM ci`t tuutu'jir ashishnat || {7}{028}{03}
e`bhir na' i`ndraaha'bhir dashasya durmi`traaso` hi kShi`tayaH` pava'nte |
prati` yac caShTe` anR^i'tam ane`naa ava' dvi`taa varu'No maa`yii naH' saat || {7}{028}{04}
vo`cemed indra'm ma`ghavaa'nam am ma`ho raa`yo raadha'so` yad dada'n naH |
yo arca'to` brahma'kR^iti`m avi'ShTho yuu`yam paa'ta sva`stibhiH` sadaa' naH || {7}{028}{05}


(545)
a`yaM soma' indra` tubhyaM' sunva` aa tu pra yaa'hi hariva`s tado'kaaH |
pibaa` tv akp sya suShu'tasya` caaro`r dado' ma`ghaani' maghavann iyaa`naH || {7}{029}{01}
brahma'n viira` brahma'kR^itiM juShaa`No .arvaacii`no hari'bhir yaahi` tuuya'm |
a`sminn uu` Shu sava'ne maadaya`svopa` brahmaa'Ni shR^iNava i`maa naH' || {7}{029}{02}
kaa te' a`sty araM'kR^itiH suu`ktaiH ka`daa nuu`naM te' maghavan daashema |
vishvaa' ma`tiir aa ta'tane tvaa`yaadhaa' ma indra shR^iNavo` have`maa || {7}{029}{03}
u`to ghaa` te pu'ru`ShyaaKp id aa'sa`n yeShaa`m puurve'Shaa`m ashR^i'No`r R^iShii'Naam |
adhaa`haM tvaa' maghava~n johaviimi` tvaM na' indraasi` prama'tiH pi`teva' || {7}{029}{04}
vo`cemed indra'm ma`ghavaa'nam am ma`ho raa`yo raadha'so` yad dada'n naH |
yo arca'to` brahma'kR^iti`m avi'ShTho yuu`yam paa'ta sva`stibhiH` sadaa' naH || {7}{029}{05}


(546)
aa no' deva` shava'saa yaahi shuShmi`n bhavaa' vR^i`dha i'ndra raa`yo a`sya |
ma`he nR^i`mNaaya' nR^ipate suvajra` mahi' kSha`traaya` pauMsyaa'ya shuura || {7}{030}{01}
hava'nta u tvaa` havyaM` vivaa'ci ta`nuuShu` shuuraaH` suurya'sya saa`tau |
tvaM vishve'Shu` syo` jane'Shu` tvaM vR^i`traaNi' randhayaa su`hantu' || {7}{030}{02}
ahaa` yad i'ndra su`dinaa' vyu`cChaan dadho` yat ke`tum u'pa`maM sa`matsu' |
ny akp gniH sii'da`d asu'ro` na hotaa' huvaa`no atra' su`bhagaa'ya de`vaan || {7}{030}{03}
va`yaM te ta' indra` ye ca' deva` stava'nta shuura` dada'to ma`ghaani' |
yacChaa' suu`ribhya' upa`maM varuu'thaM svaa`bhuvo' jara`Naam a'shnavanta || {7}{030}{04}
vo`cemed indra'm ma`ghavaa'nam am ma`ho raa`yo raadha'so` yad dada'n naH |
yo arca'to` brahma'kR^iti`m avi'ShTho yuu`yam paa'ta sva`stibhiH` sadaa' naH || {7}{030}{05}


(547)
pra va` indraa'ya` maada'naM` harya'shvaaya gaayata |
sakhaa'yaH soma`paavne' || {7}{031}{01}
shaMsed u`kthaM su`daana'va u`ta dyu`kShaM yathaa` naraH' |
ca`kR^i`maa sa`tyaraa'dhase || {7}{031}{02}
tvaM na' indra vaaja`yus tvaM ga`vyuH sha'takrato |
tvaM hi'raNya`yur va'so || {7}{031}{03}
va`yam i'ndra tvaa`yavo' .a`bhi pra No'numo vR^iShan |
vi`ddhii tv akp sya no' vaso || {7}{031}{04}
maa no' ni`de ca` vakta've .a`ryo ra'ndhii`r araa'vNe |
tve api` kratu`r mama' || {7}{031}{05}
tvaM varmaa'si sa`prathaH' puroyo`dhash ca' vR^itrahan |
tvayaa` prati' bruve yu`jaa || {7}{031}{06}
ma`haam+ u`taasi` yasya` te .a'nu sva`dhaava'rii` sahaH' |
ma`mnaate' indra` roda'sii || {7}{031}{07}
taM tvaa' ma`rutva'tii` pari` bhuva`d vaaNii' sa`yaava'rii |
nakSha'maaNaa sa`ha dyubhiH' || {7}{031}{08}
uu`rdhvaasa`s tvaanv inda'vo` bhuva'n da`smam upa` dyavi' |
saM te' namanta kR^i`ShTayaH' || {7}{031}{09}
pra vo' ma`he ma'hi`vR^idhe' bharadhva`m prace'tase` pra su'ma`tiM kR^i'Nudhvam |
vishaH' puu`rviiH pra ca'raa carShaNi`praaH || {7}{031}{10}
u`ru`vyaca'se ma`hine' suvR^i`ktim indraa'ya` brahma' janayanta` vipraaH' |
tasya' vra`taani` na mi'nanti` dhiiraaH' || {7}{031}{11}
indraM` vaaNii`r anu'ttamanyum e`va sa`traa raajaa'naM dadhire` saha'dhyai |
harya'shvaaya barhayaa` sam aa`piin || {7}{031}{12}


(548)
mo Shu tvaa' vaa`ghata'sh ca`naare a`sman ni rii'raman |
aa`raattaa'c cit sadha`maadaM' na` aa ga'hii`ha vaa` sann upa' shrudhi || {7}{032}{01}
i`me hi te' brahma`kR^itaH' su`te sacaa` madhau` na makSha` aasa'te |
indre` kaamaM' jari`taaro' vasuu`yavo` rathe` na paada`m aa da'dhuH || {7}{032}{02}
raa`yaskaa'mo` vajra'hastaM su`dakShi'Nam pu`tro na pi`taraM' huve || {7}{032}{03}
i`ma indraa'ya sunvire` somaa'so` dadhyaa'shiraH |
taam+ aa madaa'ya vajrahasta pii`taye` hari'bhyaaM yaa`hy oka` aa || {7}{032}{04}
shrava`c Chrutka'rNa iiyate` vasuu'naaM` nuu ci'n no mardhiSha`d giraH' |
sa`dyash ci`d yaH sa`hasraa'Ni sha`taa dada`n naki`r ditsa'nta`m aa mi'nat || {7}{032}{05}
sa vii`ro apra'tiShkuta` indre'Na shuushuve` nR^ibhiH' |
yas te' gabhii`raa sava'naani vR^itrahan su`noty aa ca` dhaava'ti || {7}{032}{06}
bhavaa` varuu'tham maghavan ma`ghonaaM` yat sa`majaa'si` shardha'taH |
vi tvaaha'tasya` veda'nam bhajema`hy aa duu`Naasho' bharaa` gaya'm || {7}{032}{07}
su`notaa' soma`paavne` soma`m indraa'ya va`jriNe' |
paca'taa pa`ktiir ava'se kR^iNu`dhvam it pR^i`Nann it pR^i'Na`te mayaH' || {7}{032}{08}
maa sre'dhata somino` dakSha'taa ma`he kR^i'Nu`dhvaM raa`ya aa`tuje' |
ta`raNi`r ij ja'yati` kSheti` puShya'ti` na de`vaasaH' kava`tnave' || {7}{032}{09}
nakiH' su`daaso` ratha`m pary aa'sa` na rii'ramat |
indro` yasyaa'vi`taa yasya' ma`ruto` gama`t sa goma'ti vra`je || {7}{032}{10}
gama`d vaajaM' vaa`jaya'nn indra` martyo` yasya` tvam a'vi`taa bhuvaH' |
a`smaaka'm bodhy avi`taa rathaa'naam a`smaakaM' shuura nR^i`Naam || {7}{032}{11}
ud in nv asya ricya`te .a'Msho` dhanaM` na ji`gyuShaH' |
ya indro` hari'vaa`n na da'bhanti` taM ripo` dakShaM' dadhaati so`mini' || {7}{032}{12}
mantra`m akha'rvaM` sudhi'taM su`pesha'saM` dadhaa'ta ya`j~niye`Shv aa |
puu`rviish ca`na prasi'tayas taranti` taM ya indre` karma'Naa` bhuva't || {7}{032}{13}
kas tam i'ndra` tvaava'su`m aa martyo' dadharShati |
shra`ddhaa it te' maghava`n paarye' di`vi vaa`jii vaajaM' siShaasati || {7}{032}{14}
ma`ghonaH' sma vR^itra`hatye'Shu codaya` ye dada'ti pri`yaa vasu' |
tava` praNii'tii haryashva suu`ribhi`r vishvaa' tarema duri`taa || {7}{032}{15}
taved i'ndraava`maM vasu` tvam pu'Shyasi madhya`mam |
sa`traa vishva'sya para`masya' raajasi` naki'Sh Tvaa` goShu' vR^iNvate || {7}{032}{16}
tvaM vishva'sya dhana`daa a'si shru`to ya ii`m bhava'nty aa`jayaH' |
tavaa`yaM vishvaH' puruhuuta` paarthi'vo .ava`syur naama' bhikShate || {7}{032}{17}
yad i'ndra` yaava'ta`s tvam e`taava'd a`ham iishii'ya |
sto`taara`m id di'dhiSheya radaavaso` na paa'pa`tvaaya' raasiiya || {7}{032}{18}
shikShe'ya`m in ma'haya`te di`ve-di've raa`ya aa ku'haci`dvide' |
na`hi tvad a`nyan ma'ghavan na` aapyaM` vasyo` asti' pi`taa ca`na || {7}{032}{19}
ta`raNi`r it si'Shaasati` vaaja`m puraM'dhyaa yu`jaa |
aa va` indra'm puruhuu`taM na'me gi`raa ne`miM taShTe'va su`drvam || {7}{032}{20}
na du'ShTu`tii martyo' vindate` vasu` na sredha'ntaM ra`yir na'shat |
su`shakti`r in ma'ghava`n tubhya`m maava'te de`ShNaM yat paarye' di`vi || {7}{032}{21}
a`bhi tvaa' shuura nonu`mo .a'dugdhaa iva dhe`navaH' |
iishaa'nam a`sya jaga'taH sva`rdR^isha`m iishaa'nam indra ta`sthuShaH' || {7}{032}{22}
na tvaavaa'm+ a`nyo di`vyo na paarthi'vo` na jaa`to na ja'niShyate |
a`shvaa`yanto' maghavann indra vaa`jino' ga`vyanta's tvaa havaamahe || {7}{032}{23}
a`bhii Sha`tas tad aa bha`rdra` jyaayaH` kanii'yasaH |
pu`ruu`vasu`r hi ma'ghavan sa`naad asi` bhare'-bhare ca` havyaH' || {7}{032}{24}
paraa' Nudasva maghavann a`mitraa'n su`vedaa' no` vasuu' kR^idhi |
a`smaaka'm bodhy avi`taa ma'haadha`ne bhavaa' vR^i`dhaH sakhii'naam || {7}{032}{25}
indra` kratuM' na` aa bha'ra pi`taa pu`trebhyo` yathaa' |
shikShaa' No a`smin pu'ruhuuta` yaama'ni jii`vaa jyoti'r ashiimahi || {7}{032}{26}
maa no` aj~naa'taa vR^i`janaa' duraa`dhyoKp maashi'vaaso` ava' kramuH |
tvayaa' va`yam pra`vataH` shashva'tiir a`po .a'ti shuura taraamasi || {7}{032}{27}


(549)
shvi`tya~nco' maa dakShiNa`taska'pardaa dhiyaMji`nvaaso' a`bhi hi pra'ma`nduH |
u`ttiShTha'n voce` pari' ba`rhiSho` nR^In na me' duu`raad avi'tave` vasi'ShThaaH || {7}{033}{01}
duu`raad indra'm anaya`nn aa su`ta' ti`ro vai'sha`ntam ati` paanta'm u`gram |
paasha'dyumnasya vaaya`tasya` somaa't su`taad indro' .avR^iNiitaa` vasi'ShThaan || {7}{033}{02}
e`v nu kaM` sindhu'm ebhis tataare`v nu ka'm bhe`dam e'bhir jaghaana |
e`v nu kaM' daasharaa`j~ne su`daasa`m praava`d indro` brahma'Naa vo vasiShThaaH || {7}{033}{03}
juShTii' naro` brahma'Naa vaH pitR^I`Naam akSha'm avyayaM` na kilaa' riShaatha |
yac Chakva'riiShu bR^iha`taa rave`Ndre` shuShma`m ada'dhaataa vasiShThaaH || {7}{033}{04}
ud dyaam i`vet tR^i`ShNajo' naathi`taaso .a'diidhayur daasharaa`j~ne vR^i`taasaH' |
vasi'ShThasya stuva`ta indro' ashrod u`ruM tR^itsu'bhyo akR^iNod ulo`kam || {7}{033}{05}
da`NDaa i`ved go`aja'naasa aasa`n pari'cChinnaa bhara`taa a'rbha`kaasaH' |
abha'vac ca purae`taa vasi'ShTha` aad it tR^itsuu'naaM` visho' aprathanta || {7}{033}{06}
trayaH' kR^iNvanti` bhuva'neShu` reta's ti`sraH pra`jaa aaryaa` jyoti'ragraaH |
trayo' gha`rmaasa' u`ShasaM' sacante` sarvaa`m+ it taam+ anu' vidu`r vasi'ShThaaH || {7}{033}{07}
suurya'syeva va`kShatho` jyoti'r eShaaM samu`drasye'va mahi`maa ga'bhii`raH |
vaata'syeva praja`vo naanya` stomo' vasiShThaa` anve'tave vaH || {7}{033}{08}
ta in ni`NyaM hR^ida'yasya prake`taiH sa`hasra'valsham a`bhi saM ca'ranti |
ya`ma' ta`tam pa'ri`dhiM vaya'nto .apsa`rasa` upa' sedu`r vasi'ShThaaH || {7}{033}{09}
vi`dyuto` jyotiH` pari' saM`jihaa'nam mi`traavaru'Naa` yad apa'shyataaM tvaa |
tat te` janmo`taikaM' vasiShThaa`gastyo` yat tvaa' vi`sha aa'ja`bhaara' || {7}{033}{10}
u`taasi' maitraavaru`No va'siShTho`rvashyaa' brahma`n mana`so .a'dhi jaa`taH |
dra`psaM ska`nnam brahma'Naa` daivye'na` vishve' de`vaaH puShka're tvaadadanta || {7}{033}{11}
sa pra'ke`ta u`bhaya'sya pravi`dvaan sa`hasra'daana u`ta vaa` sadaa'naH |
ya`ma' ta`tam pa'ri`dhiM va'yi`Shyann a'psa`rasaH` pari' jaj~ne` vasi'ShThaH || {7}{033}{12}
sa`tre ha' jaa`taav i'Shi`taa namo'bhiH ku`mbhe retaH' siShicatuH samaa`nam |
tato' ha` maana` ud i'yaaya` madhyaa`t tato' jaa`tam R^iShi'm aahu`r vasi'ShTham || {7}{033}{13}
u`ktha`bhR^itaM' saama`bhR^ita'm bibharti` graavaa'Na`m bibhra`t pra va'daa`ty agre' |
upai'nam aadhvaM sumana`syamaa'naa` aa vo' gacChaati pratR^ido` vasi'ShThaH || {7}{033}{14}

(550)
pra shu`kraitu' de`vii ma'nii`Shaa a`smat suta'ShTo` ratho` na vaa`jii || {7}{034}{01}
vi`duH pR^i'thi`vyaa di`vo ja`nitraM' shR^i`Nvanty aapo` adha` kShara'ntiiH || {7}{034}{02}
aapa'sh cid asmai` pinva'nta pR^i`thviir vR^i`treShu` shuuraa` maMsa'nta u`graaH || {7}{034}{03}
aa dhuu`rShv asmai` dadhaa`taashvaa`n indro` na va`jrii hira'NyabaahuH || {7}{034}{04}
a`bhi pra sthaa`taahe'va ya`j~naM yaate'va` patma`n tmanaa' hinota || {7}{034}{05}
tmanaa' sa`matsu' hi`nota' ya`j~naM dadhaa'ta ke`tuM janaa'ya vii`ram || {7}{034}{06}
ud a'sya` shuShmaa'd bhaa`nur naarta` bibha'rti bhaa`ram pR^i'thi`vii na bhuuma' || {7}{034}{07}
hvayaa'mi de`vaam+ ayaa'tur agne` saadha'nn R^i`ta` dhiyaM' dadhaami || {7}{034}{08}
a`bhi vo' de`viiM dhiyaM' dadhidhva`m pra vo' deva`traa vaacaM' kR^iNudhvam || {7}{034}{09}
aa ca'ShTa aasaa`m paatho' na`diinaaM` varu'Na u`graH sa`hasra'cakShaaH || {7}{034}{10}
raajaa' raa`ShTraanaa`m pesho' na`diinaa`m anu'ttam asmai kSha`traM vi`shvaayu' || {7}{034}{11}
avi'ShTo a`smaan vishvaa'su vi`kShv adyuM' kR^iNota` shaMsaM' nini`tsoH || {7}{034}{12}
vy etu di`dyud dvi`Shaam ashe'vaa yu`yota` viShva`g rapa's ta`nuunaa'm || {7}{034}{13}
avii'n no a`gnir ha`vyaan namo'bhiH` preShTho' asmaa adhaayi` stomaH' || {7}{034}{14}
sa`juur de`vebhi'r a`paaM napaa'taM` sakhaa'yaM kR^idhvaM shi`vo no' astu || {7}{034}{15}
a`bjaam u`kthair ahiM' gR^iNiiShe bu`dhne na`diinaaM` raja'ssu` Shiida'n || {7}{034}{16}
maa no .a'hir bu`dhnyo ri`She dhaa`n maa ya`j~no a'sya sridhad R^itaa`yoH || {7}{034}{17}
u`ta na' e`Shu nR^iShu` shravo' dhuH` pra raa`ye ya'ntu` shardha'nto a`ryaH || {7}{034}{18}
tapa'nti` shatruM` svakp r Na bhuumaa' ma`haase'naaso` ame'bhir eShaam || {7}{034}{19}
aa yan naH` patnii`r gama`nty acChaa` tvaShTaa' supaa`Nir dadhaa'tu vii`raan || {7}{034}{20}
prati' na` stomaM` tvaShTaa' juSheta` syaad a`sme a`rama'tir vasuu`yuH || {7}{034}{21}
taa no' raasan raati`Shaaco` vasuu`ny aa roda'sii varuNaa`nii shR^i'Notu |
varuu'triibhiH sushara`No no' astu` tvaShTaa' su`datro` vi da'dhaatu` raayaH' || {7}{034}{22}
tan no` raayaH` parva'taa`s tan na` aapa`s tad raa'ti`Shaaca` oSha'dhiir u`ta dyauH |
vana`spati'bhiH pR^ithi`vii sa`joShaa' u`bhe roda'sii` pari' paasato naH || {7}{034}{23}
anu` tad u`rvii roda'sii jihaataa`m anu' dyu`kSho varu'Na` indra'sakhaa |
anu` vishve' ma`ruto` ye sa`haaso' raa`yaH syaa'ma dha`ruNaM' dhi`yadhyai' || {7}{034}{24}
tan na` indro` varu'No mi`tro a`gnir aapa` oSha'dhiir va`nino' juShanta |
sharma'n syaama ma`rutaa'm u`pasthe' yuu`yam paa'ta sva`stibhiH` sadaa' naH || {7}{034}{25}


(551)
shaM na' indraa`gnii bha'vataa`m avo'bhiH` shaM na` indraa`varu'Naa raa`taha'vyaa |
sham indraa`somaa' suvi`taaya` shaM yoH shaM na` indraa'puu`ShaNaa` vaaja'saatau || {7}{035}{01}
shaM no` bhagaH` sham u' naH` shaMso' astu` shaM naH` puraM'dhiH` sham u' santu` raayaH' |
shaM naH' sa`tyasya' su`yama'sya` shaMsaH` shaM no' arya`maa pu'rujaa`to a'stu || {7}{035}{02}
shaM no' dhaa`taa sham u' dha`rtaa no' astu` shaM na' uruu`cii bha'vatu sva`dhaabhiH' |
shaM roda'sii bR^iha`tii shaM no` adriH` shaM no' de`vaanaaM' su`havaa'ni santu || {7}{035}{03}
shaM no' a`gnir jyoti'raniiko astu` shaM no' mi`traavaru'Naav a`shvinaa` sham |
shaM naH' su`kR^itaaM' sukR^i`taani' santu` shaM na' iShi`ro a`bhi vaa'tu` vaataH' || {7}{035}{04}
shaM no` dyaavaa'pR^ithi`vii puu`rvahuu'tau` sham a`ntari'kShaM dR^i`shaye' no astu |
shaM na` oSha'dhiir va`nino' bhavantu` shaM no` raja'sa`s pati'r astu ji`ShNuH || {7}{035}{05}
shaM na` indro` vasu'bhir de`vo a'stu` sham aa'di`tyebhi`r varu'NaH su`shaMsaH' |
shaM no' ru`dro ru`drebhi`r jalaa'ShaH` shaM na`s tvaShTaa` gnaabhi'r i`ha shR^i'Notu || {7}{035}{06}
shaM naH` somo' bhavatu` brahma` shaM naH` shaM no` graavaa'NaH` sham u' santu ya`j~naaH |
shaM naH` svaruu'Naam mi`tayo' bhavantu` shaM naH' pra`svakp H sham v a'stu` vediH' || {7}{035}{07}
shaM naH` suurya' uru`cakShaa` ud e'tu` shaM na`sh cata'sraH pra`disho' bhavantu |
shaM naH` parva'taa dhru`vayo' bhavantu` shaM naH` sindha'vaH` sham u' sa`ntv aapaH' || {7}{035}{08}
shaM no` adi'tir bhavatu vra`tebhiH` shaM no' bhavantu ma`rutaH' sva`rkaaH |
shaM no` viShNuH` sham u' puu`Shaa no' astu` shaM no' bha`vitraM` sham v a'stu vaa`yuH || {7}{035}{09}
shaM no' de`vaH sa'vi`taa traaya'maaNaH` shaM no' bhavantuu`Shaso' vibhaa`tiiH |
shaM naH' pa`rjanyo' bhavatu pra`jaabhyaH` shaM naH` kShetra'sya` pati'r astu sha`mbhuH || {7}{035}{10}
shaM no' de`vaa vi`shvade'vaa bhavantu` shaM sara'svatii sa`ha dhii`bhir a'stu |
sham a'bhi`ShaacaH` sham u' raati`ShaacaH` shaM no' di`vyaaH paarthi'vaaH` shaM no` apyaaH' || {7}{035}{11}
shaM naH' sa`tyasya` pata'yo bhavantu` shaM no` arva'ntaH` sham u' santu` gaavaH' |
shaM na' R^i`bhavaH' su`kR^itaH' su`hastaaH` shaM no' bhavantu pi`taro` have'Shu || {7}{035}{12}
shaM no' a`ja eka'paad de`vo a'stu` shaM no .a'hir bu`dhnyakp H shaM sa'mu`draH |
shaM no' a`paaM napaa't pe`rur a'stu` shaM naH` pR^ishni'r bhavatu de`vago'paa || {7}{035}{13}
aa`di`tyaa ru`draa vasa'vo juShante`dam brahma' kri`yamaa'NaM` navii'yaH |
shR^i`Nvantu' no di`vyaaH paarthi'vaaso` gojaa'taa u`ta ye ya`j~niyaa'saH || {7}{035}{14}
ye de`vaanaaM' ya`j~niyaa' ya`j~niyaa'naa`m mano`r yaja'traa a`mR^itaa' R^ita`j~naaH |
te no' raasantaam urugaa`yam a`dya yuu`yam paa'ta sva`stibhiH` sadaa' naH || {7}{035}{15}


(552)
pra brahmai'tu` sada'naad R^i`tasya` vi ra`shmibhiH' sasR^ije` suuryo` gaaH |
vi saanu'naa pR^ithi`vii sa'sra u`rvii pR^i`thu pratii'ka`m adhy edhe' a`gniH || {7}{036}{01}
i`maaM vaa'm mitraavaruNaa suvR^i`ktim iShaM` na kR^i'Nve asuraa` navii'yaH |
i`no vaa'm a`nyaH pa'da`viir ada'bdho` janaM' ca mi`tro ya'tati bruvaa`NaH || {7}{036}{02}
aa vaata'sya` dhraja'to ranta i`tyaa apii'payanta dhe`navo` na suudaaH' |
ma`ho di`vaH sada'ne` jaaya'maa`no .a'cikradad vR^iSha`bhaH sasmi`nn uudha'n || {7}{036}{03}
gi`raa ya e`taa yu`naja`d dharii' ta` indra' pri`yaa su`rathaa' shuura dhaa`yuu |
pra yo ma`nyuM riri'kShato mi`naaty aa su`kratu'm arya`maNaM' vavR^ityaam || {7}{036}{04}
yaja'nte asya sa`khyaM vaya'sh ca nama`svinaH` sva R^i`tasya` dhaama'n |
vi pR^ikSho' baabadhe` nR^ibhi` stavaa'na i`daM namo' ru`draaya` preShTha'm || {7}{036}{05}
aa yat saa`kaM ya`shaso' vaavashaa`naaH sara'svatii sa`ptathii` sindhu'maataa |
yaaH su`Shvaya'nta su`dughaaH' sudhaa`raa a`bhi sva` paya'saa` piipyaa'naaH || {7}{036}{06}
u`ta tye no' ma`ruto' mandasaa`naa dhiyaM' to`kaM ca' vaa`jino' .avantu |
maa naH` pari' khya`d akSha'raa` cara`nty avii'vR^idha`n yujyaM` te ra`yiM naH' || {7}{036}{07}
pra vo' ma`hiim a`rama'tiM kR^iNudhva`m pra puu`ShaNaM' vida`thyakp M na vii`ram |
bhagaM' dhi`yo .avi`taaraM' no a`syaaH saa`tau vaajaM' raati`Shaaca`m puraM'dhim || {7}{036}{08}
acChaa`yaM vo' marutaH` shloka' e`tv acChaa` viShNuM' niShikta`paam avo'bhiH |
u`ta pra`jaayai' gR^iNa`te vayo' dhur yuu`yam paa'ta sva`stibhiH` sadaa' naH || {7}{036}{09}


(553)
aa vo` vaahi'ShTho vahatu sta`vadhyai` ratho' vaajaa R^ibhukShaNo` amR^i'ktaH |
a`bhi tri'pR^i`ShThaiH sava'neShu` somai`r made' sushipraa ma`habhiH' pR^iNadhvam || {7}{037}{01}
yuu`yaM ha` ratna'm ma`ghava'tsu dhattha sva`rdR^isha' R^ibhukShaNo` amR^i'ktam |
saM ya`j~neShu' svadhaavantaH pibadhvaM` vi no` raadhaaM'si ma`tibhi'r dayadhvam || {7}{037}{02}
u`voci'tha` hi ma'ghavan de`ShNam ma`ho arbha'sya` vasu'no vibhaa`ge |
u`bhaa te' puu`rNaa vasu'naa` gabha'stii` na suu`nR^itaa` ni ya'mate vasa`vyaa || {7}{037}{03}
tvam i'ndra` svaya'shaa R^ibhu`kShaa vaajo` na saa`dhur asta'm e`Shy R^ikvaa' |
va`yaM nu te' daa`shvaaMsaH' syaama` brahma' kR^i`Nvanto' harivo` vasi'ShThaaH || {7}{037}{04}
sani'taasi pra`vato' daa`shuShe' ci`d yaabhi`r vive'Sho haryashva dhii`bhiH |
va`va`nmaa nu te` yujyaa'bhir uu`tii ka`daa na' indra raa`ya aa da'shasyeH || {7}{037}{05}
vaa`saya'siiva ve`dhasa`s tvaM naH' ka`daa na' indra` vaca'so bubodhaH |
astaM' taa`tyaa dhi`yaa ra`yiM su`viira'm pR^i`kSho no` arvaa` ny uhiita vaa`jii || {7}{037}{06}
a`bhi yaM de`vii nirR^i'tish ci`d iishe` nakSha'nta` indraM' sha`radaH' su`pR^ikShaH' |
upa' triba`ndhur ja`rada'ShTim e`ty asva'veshaM` yaM kR^i`Nava'nta` martaaH' || {7}{037}{07}
aa no` raadhaaM'si savita sta`vadhyaa` aa raayo' yantu` parva'tasya raa`tau |
sadaa' no di`vyaH paa`yuH si'Shaktu yuu`yam paa'ta sva`stibhiH` sadaa' naH || {7}{037}{08}

(554)
ud u` Shya de`vaH sa'vi`taa ya'yaama hira`Nyayii'm a`matiM` yaam ashi'shret |
nuu`nam bhago` havyo` maanu'Shebhi`r vi yo ratnaa' puruu`vasu`r dadhaa'ti || {7}{038}{01}
ud u' tiShTha savitaH shru`dhy akp sya hira'NyapaaNe` prabhR^i'taav R^i`tasya' |
vy ukp rviim pR^i`thviim a`matiM' sR^ijaa`na aa nR^ibhyo' marta`bhoja'naM suvaa`naH || {7}{038}{02}
api' ShTu`taH sa'vi`taa de`vo a'stu` yam aa ci`d vishve` vasa'vo gR^i`Nanti' |
sa na` stomaa'n nama`syakp sh cano' dhaa`d vishve'bhiH paatu paa`yubhi`r ni suu`riin || {7}{038}{03}
a`bhi yaM de`vy adi'tir gR^i`Naati' sa`vaM de`vasya' savi`tur ju'Shaa`Naa |
a`bhi sa`mraajo` varu'No gR^iNanty a`bhi mi`traaso' arya`maa sa`joShaaH' || {7}{038}{04}
a`bhi ye mi`tho va`nuShaH` sapa'nte raa`tiM di`vo raa'ti`ShaacaH' pR^ithi`vyaaH |
ahi'r bu`dhnya u`ta naH' shR^iNotu` varuu`try eka'dhubhi`r ni paa'tu || {7}{038}{05}
anu` tan no` jaaspati'r maMsiiShTa` ratnaM' de`vasya' savi`tur i'yaa`naH |
bhaga'm u`gro .a'vase` joha'viiti` bhaga`m anu'gro` adha' yaati` ratna'm || {7}{038}{06}
shaM no' bhavantu vaa`jino` have'Shu de`vataa'taa mi`tadra'vaH sva`rkaaH |
ja`mbhaya`nto .a'hiM` vR^ikaM` rakShaaM'si` sane'my a`smad yu'yava`nn amii'vaaH || {7}{038}{07}
vaaje'-vaaje .avata vaajino no` dhane'Shu vipraa amR^itaa R^itaj~naaH |
a`sya madhvaH' pibata maa`daya'dhvaM tR^i`ptaa yaa'ta pa`thibhi'r deva`yaanaiH' || {7}{038}{08}


(555)
uu`rdhvo a`gniH su'ma`tiM vasvo' ashret pratii`cii juu`rNir de`vataa'tim eti |
bhe`jaate` adrii' ra`thyeva` panthaa'm R^i`taM hotaa' na iShi`to ya'jaati || {7}{039}{01}
pra vaa'vR^ije supra`yaa ba`rhir e'Shaa`m aa vi`shpatii'va` biiri'Ta iyaate |
vi`shaam a`ktor u`ShasaH' puu`rvahuu'tau vaa`yuH puu`Shaa sva`staye' ni`yutvaa'n || {7}{039}{02}
jma`yaa atra` vasa'vo ranta de`vaa u`raav a`ntari'kShe marjayanta shu`bhraaH |
a`rvaak pa`tha u'rujrayaH kR^iNudhvaM` shrotaa' duu`tasya' ja`gmuSho' no a`sya || {7}{039}{03}
te hi ya`j~neShu' ya`j~niyaa'sa` uumaaH' sa`dhasthaM` vishve' a`bhi santi' de`vaaH |
taam+ a'dhva`ra u'sha`to ya'kShy agne shru`ShTii bhagaM` naasa'tyaa` puraM'dhim || {7}{039}{04}
aagne` giro' di`va aa pR^i'thi`vyaa mi`traM va'ha` varu'Na`m indra'm a`gnim |
aarya`maNa`m adi'tiM` viShNu'm eShaaM` sara'svatii ma`ruto' maadayantaam || {7}{039}{05}
ra`re ha`vyam ma`tibhi'r ya`j~niyaa'naaM` nakSha`t kaama`m martyaa'naa`m asi'nvan |
dhaataa' ra`yim a'vida`syaM sa'daa`saaM sa'kShii`mahi` yujye'bhi`r nu de`vaiH || {7}{039}{06}
nuu roda'sii a`bhiShTu'te` vasi'ShThair R^i`taavaa'no` varu'No mi`tro a`gniH |
yacCha'ntu ca`ndraa u'pa`maM no' a`rkaM yuu`yam paa'ta sva`stibhiH` sadaa' naH || {7}{039}{07}


(556)
o shru`ShTir vi'da`thyaaKp sam e'tu` prati` stomaM' dadhiimahi tu`raaNaa'm |
yad a`dya de`vaH sa'vi`taa su`vaati` syaamaa'sya ra`tnino' vibhaa`ge || {7}{040}{01}
mi`tras tan no` varu'No` roda'sii ca` dyubha'kta`m indro' arya`maa da'daatu |
dide'ShTu de`vy adi'tii` rekNo' vaa`yush ca` yan ni'yu`vaite` bhaga'sh ca || {7}{040}{02}
sed u`gro a'stu marutaH` sa shu`Shmii yam martya'm pR^iShadashvaa` avaa'tha |
u`tem a`gniH sara'svatii ju`nanti` na tasya' raa`yaH pa'rye`taasti' || {7}{040}{03}
a`yaM hi ne`taa varu'Na R^i`tasya' mi`tro raajaa'no arya`maapo` dhuH |
su`havaa' de`vy adi'tir ana`rvaa te no` aMho` ati' parSha`nn ari'ShTaan || {7}{040}{04}
a`sya de`vasya' mii`LhuSho' va`yaa viShNo'r e`Shasya' prabhR^i`the ha`virbhiH' |
vi`de hi ru`dro ru`driya'm mahi`tvaM yaa'si`ShTaM va`rtir a'shvinaa`v iraa'vat || {7}{040}{05}
maatra' puuShann aaghR^iNa irasyo` varuu'trii` yad raa'ti`Shaaca'sh ca` raasa'n |
ma`yo`bhuvo' no` arva'nto` ni paa'ntu vR^i`ShTim pari'jmaa` vaato' dadaatu || {7}{040}{06}
nuu roda'sii a`bhiShTu'te` vasi'ShThair R^i`taavaa'no` varu'No mi`tro a`gniH |
yacCha'ntu ca`ndraa u'pa`maM no' a`rkaM yuu`yam paa'ta sva`stibhiH` sadaa' naH || {7}{040}{07}


(557)
praa`tar a`gnim praa`tar indraM' havaamahe praa`tar mi`traavaru'Naa praa`tar a`shvinaa' |
praa`tar bhaga'm puu`ShaNa`m brahma'Na`s pati'm praa`taH soma'm u`ta ru`draM hu'vema || {7}{041}{01}
praa`ta`rjita`m bhaga'm u`graM hu'vema va`yam pu`tram adi'te`r yo vi'dha`rtaa |
aa`dhrash ci`d yam manya'maanas tu`rash ci`d raajaa' ci`d yam bhaga'm bha`kShiity aaha' || {7}{041}{02}
bhaga` praNe'ta`r bhaga` satya'raadho` bhage`maaM dhiya`m ud a'vaa` dada'n naH |
bhaga` pra No' janaya` gobhi`r ashvai`r bhaga` pra nR^ibhi'r nR^i`vantaH' syaama || {7}{041}{03}
u`tedaanii`m bhaga'vantaH syaamo`ta pra'pi`tva u`ta madhye` ahnaa'm |
u`todi'taa maghava`n suurya'sya va`yaM de`vaanaaM' suma`tau syaa'ma || {7}{041}{04}
bhaga' e`va bhaga'vaam+ astu devaa`s ta' va`yam bhaga'vantaH syaama |
taM tvaa' bhaga` sarva` ij jo'haviiti` sa no' bhaga purae`taa bha've`ha || {7}{041}{05}
sam a'dhva`raayo`Shaso' namanta dadhi`kraave'va` shuca'ye pa`daaya' |
a`rvaa`cii`naM va'su`vida`m bhagaM' no` ratha'm i`vaashvaa' vaa`jina` aa va'hantu || {7}{041}{06}
ashvaa'vatii`r goma'tiir na u`Shaaso' vii`rava'tiiH` sada'm ucChantu bha`draaH |
ghR^i`taM duhaa'naa vi`shvataH` prapii'taa yuu`yam paa'ta sva`stibhiH` sadaa' naH || {7}{041}{07}


(558)
pra bra`hmaaNo` a~Ngi'raso nakShanta` pra kra'nda`nur na'bha`nyasya vetu |
pra dhe`nava' uda`pruto' navanta yu`jyaataa`m adrii' adhva`rasya` peshaH' || {7}{042}{01}
su`gas te' agne` sana'vitto` adhvaa' yu`kShvaa su`te ha`rito' ro`hita'sh ca |
ye vaa` sadma'nn aru`Shaa vii'ra`vaaho' hu`ve de`vaanaaM` jani'maani sa`ttaH || {7}{042}{02}
sam u' vo ya`j~nam ma'haya`n namo'bhiH` pra hotaa' ma`ndro ri'rica upaa`ke |
yaja'sva` su pu'rvaNiika de`vaan aa ya`j~niyaa'm a`rama'tiM vavR^ityaaH || {7}{042}{03}
ya`daa vii`rasya' re`vato' duro`Ne syo'na`shiir ati'thir aa`cike'tat |
suprii'to a`gniH sudhi'to` dama` aa sa vi`she daa'ti` vaarya`m iya'tyai || {7}{042}{04}
i`maM no' agne adhva`raM ju'Shasva ma`rutsv indre' ya`shasaM' kR^idhii naH |
aa naktaa' ba`rhiH sa'dataam u`Shaaso`shantaa' mi`traavaru'Naa yaje`ha || {7}{042}{05}
e`vaagniM sa'ha`syakp M vasi'ShTho raa`yaskaa'mo vi`shvapsnya'sya staut |
iShaM' ra`yim pa'pratha`d vaaja'm a`sme yuu`yam paa'ta sva`stibhiH` sadaa' naH || {7}{042}{06}


(559)
pra vo' ya`j~neShu' deva`yanto' arca`n dyaavaa` namo'bhiH pR^ithi`vii i`Shadhyai' |
yeShaa`m brahmaa`Ny asa'maani` vipraa` viShva'g vi`yanti' va`nino` na shaakhaaH' || {7}{043}{01}
pra ya`j~na e'tu` hetvo` na sapti`r ud ya'cChadhvaM` sama'naso ghR^i`taaciiH' |
stR^i`Nii`ta ba`rhir a'dhva`raaya' saa`dhuurdhvaa sho`ciiMShi' deva`yuuny a'sthuH || {7}{043}{02}
aa pu`traaso` na maa`taraM` vibhR^i'traaH` saanau' de`vaaso' ba`rhiShaH' sadantu |
aa vi`shvaacii' vida`thyaam ana`ktv agne` maa no' de`vataa'taa` mR^idha's kaH || {7}{043}{03}
te sii'Shapanta` joSha`m aa yaja'traa R^i`tasya` dhaaraaH' su`dughaa` duhaa'naaH |
jyeShThaM' vo a`dya maha` aa vasuu'naa`m aa ga'ntana` sama'naso` yati` ShTha || {7}{043}{04}
e`vaa no' agne vi`kShv aa da'shasya` tvayaa' va`yaM sa'hasaava`nn aaskraaH' |
raa`yaa yu`jaa sa'dha`maado` ari'ShTaa yuu`yam paa'ta sva`stibhiH` sadaa' naH || {7}{043}{05}


(560)
da`dhi`kraaM vaH' pratha`mam a`shvino`Shasa'm a`gniM sami'ddha`m bhaga'm uu`taye' huve |
indraM` viShNu'm puu`ShaNa`m brahma'Na`s pati'm aadi`tyaan dyaavaa'pR^ithi`vii a`paH svaH || {7}{044}{01}
da`dhi`kraam u` nama'saa bo`dhaya'nta u`diiraa'Naa ya`j~nam u'papra`yantaH' |
iLaaM' de`viim ba`rhiShi' saa`daya'nto .a`shvinaa` vipraa' su`havaa' huvema || {7}{044}{02}
da`dhi`kraavaa'Nam bubudhaa`no a`gnim upa' bruva u`ShasaM` suuryaM` gaam |
bra`dhnam maa'm+shca`tor varu'Nasya ba`bhruM te vishvaa`smad du'ri`taa yaa'vayantu || {7}{044}{03}
da`dhi`kraavaa' pratha`mo vaa`jy arvaagre` rathaa'naam bhavati prajaa`nan |
saM`vi`daa`na u`Shasaa` suurye'Naadi`tyebhi`r vasu'bhi`r a~Ngi'robhiH || {7}{044}{04}
aa no' dadhi`kraaH pa`thyaam anaktv R^i`tasya` panthaa`m anve'ta`vaa u' |
shR^i`Notu' no` daivyaM` shardho' a`gniH shR^i`Nvantu` vishve' mahi`Shaa amuu'raaH || {7}{044}{05}


(561)
aa de`vo yaa'tu savi`taa su`ratno' .antarikSha`praa vaha'maano` ashvaiH' |
haste` dadhaa'no` naryaa' pu`ruuNi' nive`shaya'~n ca prasu`va~n ca` bhuuma' || {7}{045}{01}
ud a'sya baa`huu shi'thi`raa bR^i`hantaa' hira`Nyayaa' di`vo antaa'm+ anaShTaam |
nuu`naM so a'sya mahi`maa pa'niShTa` suura'sh cid asmaa` anu' daad apa`syaam || {7}{045}{02}
sa ghaa' no de`vaH sa'vi`taa sa`haavaa saa'viSha`d vasu'pati`r vasuu'ni |
vi`shraya'maaNo a`mati'm uruu`ciim ma'rta`bhoja'na`m adha' raasate naH || {7}{045}{03}
i`maa giraH' savi`taaraM' suji`hvam puu`rNaga'bhastim iiLate supaa`Nim |
ci`traM vayo' bR^i`had a`sme da'dhaatu yuu`yam paa'ta sva`stibhiH` sadaa' naH || {7}{045}{04}


(562)
i`maa ru`draaya' sthi`radha'nvane` giraH' kShi`preSha've de`vaaya' sva`dhaavne' |
aShaa'Lhaaya` saha'maanaaya ve`dhase' ti`gmaayu'dhaaya bharataa shR^i`Notu' naH || {7}{046}{01}
sa hi kShaye'Na` kShamya'sya` janma'naH` saamraa'jya di`vyasya` ceta'ti |
ava`nn ava'ntii`r upa' no` dura'sh caraanamii`vo ru'dra` jaasu' no bhava || {7}{046}{02}
yaa te' di`dyud ava'sR^iShTaa di`vas pari' kShma`yaa cara'ti` pari` saa vR^i'Naktu naH |
sa`hasraM' te svapivaata bheSha`jaa maa na's to`keShu` tana'yeShu riiriShaH || {7}{046}{03}
maa no' vadhii rudra` maa paraa' daa` maa te' bhuuma` prasi'tau hiiLi`tasya' |
aa no' bhaja ba`rhiShi' jiivashaM`se yuu`yam paa'ta sva`stibhiH` sadaa' naH || {7}{046}{04}


(563)
aapo` yaM vaH' pratha`maM de'va`yanta' indra`paana'm uu`rmim akR^i'Nvate`LaH |
taM vo' va`yaM shuci'm ari`pram a`dya ghR^i'ta`pruSha`m madhu'mantaM vanema || {7}{047}{01}
tam uu`rmim aa'po` madhu'mattamaM vo .a`paaM napaa'd avatv aashu`hemaa' |
yasmi`nn indro` vasu'bhir maa`dayaa'te` tam a'shyaama deva`yanto' vo a`dya || {7}{047}{02}
sha`tapa'vitraaH sva`dhayaa` mada'ntiir de`viir de`vaanaa`m api' yanti` paathaH' |
taa indra'sya` na mi'nanti vra`taani` sindhu'bhyo ha`vyaM ghR^i`tava'j juhota || {7}{047}{03}
yaaH suuryo' ra`shmibhi'r aata`taana` yaabhya` indro` ara'dad gaa`tum uu`rmim |
te si'ndhavo` vari'vo dhaatanaa no yuu`yam paa'ta sva`stibhiH` sadaa' naH || {7}{047}{04}


(564)
R^ibhu'kShaNo vaajaa maa`daya'dhvam a`sme na'ro maghavaanaH su`tasya' |
aa vo' .a`rvaacaH` krata'vo` na yaa`taaM vibhvo` rathaM` naryaM' vartayantu || {7}{048}{01}
R^i`bhur R^i`bhubhi'r a`bhi vaH' syaama` vibhvo' vi`bhubhiH` shava'saa` shavaaM'si |
vaajo' a`smaam+ a'vatu` vaaja'saataa`v indre'Na yu`jaa ta'ruShema vR^i`tram || {7}{048}{02}
te ci`d dhi puu`rviir a`bhi santi' shaa`saa vishvaa'm+ a`rya u'pa`rataa'ti vanvan |
indro` vibhvaa'm+ R^ibhu`kShaa vaajo' a`ryaH shatro'r mitha`tyaa kR^i'Nava`n vi nR^i`mNam || {7}{048}{03}
nuu de'vaaso` vari'vaH kartanaa no bhuu`ta no` vishve .a'vase sa`joShaaH' |
sam a`sme iShaM` vasa'vo dadiiran yuu`yam paa'ta sva`stibhiH` sadaa' naH || {7}{048}{04}


(565)
sa`mu`drajye'ShThaaH sali`lasya` madhyaa't punaa`naa ya`nty ani'vishamaanaaH |
indro` yaa va`jrii vR^i'Sha`bho ra`raada` taa aapo' de`viir i`ha maam a'vantu || {7}{049}{01}
yaa aapo' di`vyaa u`ta vaa` srava'nti kha`nitri'maa u`ta vaa` yaaH sva'yaM`jaaH |
sa`mu`draarthaa` yaaH shuca'yaH paava`kaas taa aapo' de`viir i`ha maam a'vantu || {7}{049}{02}
yaasaaM` raajaa` varu'No` yaati` madhye' satyaanR^i`te a'va`pashya`~n janaa'naam |
ma`dhu`shcutaH` shuca'yo` yaaH paa'va`kaas taa aapo' de`viir i`ha maam a'vantu || {7}{049}{03}
yaasu` raajaa` varu'No` yaasu` somo` vishve' de`vaa yaasuurja`m mada'nti |
vai`shvaa`na`ro yaasv a`gniH pravi'ShTa`s taa aapo' de`viir i`ha maam a'vantu || {7}{049}{04}


(566)
aa maam mi'traavaruNe`ha ra'kShataM kulaa`yaya'd vi`shvaya`n maa na` aa ga'n |
a`ja`kaa`vaM du`rdR^ishii'kaM ti`ro da'dhe` maa maam padye'na` rapa'saa vida`t tsaruH' || {7}{050}{01}
yad vi`jaama`n paru'Shi` vanda'na`m bhuva'd aShThii`vantau` pari' ku`lphau ca` deha't |
a`gniSh Tac Choca`nn apa' baadhataam i`to maa maam padye'na` rapa'saa vida`t tsaruH' || {7}{050}{02}
yac Cha'lma`lau bhava'ti` yan na`diiShu` yad oSha'dhiibhyaH` pari` jaaya'te vi`Sham |
vishve' de`vaa nir i`tas tat su'vantu` maa maam padye'na` rapa'saa vida`t tsaruH' || {7}{050}{03}
yaaH pra`vato' ni`vata' u`dvata' uda`nvatii'r anuda`kaash ca` yaaH |
taa a`smabhya`m paya'saa` pinva'maanaaH shi`vaa de`viir a'shipa`daa bha'vantu` sarvaa' na`dyo ashimi`daa bha'vantu || {7}{050}{04}


(567)
aa`di`tyaanaa`m ava'saa` nuuta'na sakShii`mahi` sharma'Naa` shaMta'ma |
a`naa`gaa`stve a'diti`tve tu`raasa' i`maM ya`j~naM da'dhatu` shroSha'maaNaaH || {7}{051}{01}
aa`di`tyaaso` adi'tir maadayantaam mi`tro a'rya`maa varu'No` raji'ShThaaH |
a`smaakaM' santu` bhuva'nasya go`paaH piba'ntu` soma`m ava'se no a`dya || {7}{051}{02}
aa`di`tyaa vishve' ma`ruta'sh ca` vishve' de`vaash ca` vishva' R^i`bhava'sh ca` vishve' |
indro' a`gnir a`shvinaa' tuShTuvaa`naa yuu`yam paa'ta sva`stibhiH` sadaa' naH || {7}{051}{03}


(568)
aa`di`tyaaso` adi'tayaH syaama` puur de'va`traa va'savo martya`traa |
sane'ma mitraavaruNaa` sana'nto` bhave'ma dyaavaapR^ithivii` bhava'ntaH || {7}{052}{01}
mi`tras tan no` varu'No maamahanta` sharma' to`kaaya` tana'yaaya go`paaH |
maa vo' bhujemaa`nyajaa'ta`m o` maa tat ka'rma vasavo` yac caya'dhve || {7}{052}{02}
tu`ra`Nyavo .a'~Ngiraso nakShanta` ratnaM' de`vasya' savi`tur i'yaa`naaH |
pi`taa ca` tan no' ma`haan yaja'tro` vishve' de`vaaH sama'naso juShanta || {7}{052}{03}


(569)
pra dyaavaa' ya`j~naiH pR^i'thi`vii namo'bhiH sa`baadha' iiLe bR^iha`tii yaja'tre |
te ci`d dhi puurve' ka`vayo' gR^i`NantaH' pu`ro ma`hii da'dhi`re de`vapu'tre || {7}{053}{01}
pra puu'rva`je pi`taraa` navya'siibhir gii`rbhiH kR^i'NudhvaM` sada'ne R^i`tasya' |
aa no' dyaavaapR^ithivii` daivye'na` jane'na yaata`m mahi' vaaM` varuu'tham || {7}{053}{02}
u`to hi vaaM' ratna`dheyaa'ni` santi' pu`ruuNi' dyaavaapR^ithivii su`daase' |
a`sme dha'ttaM` yad asa`d askR^i'dhoyu yuu`yam paa'ta sva`stibhiH` sadaa' naH || {7}{053}{03}


(570)
vaasto'Sh pate` prati' jaaniihy a`smaan svaa've`sho a'namii`vo bha'vaa naH |
yat tvema'he` prati` tan no' juShasva` shaM no' bhava dvi`pade` shaM catu'Shpade || {7}{054}{01}
vaasto'Sh pate pra`tara'No na edhi gaya`sphaano` gobhi`r ashve'bhir indo |
a`jaraa'sas te sa`khye syaa'ma pi`teva' pu`traan prati' no juShasva || {7}{054}{02}
vaasto'Sh pate sha`gmayaa' saM`sadaa' te sakShii`mahi' ra`Nvayaa' gaatu`matyaa' |
paa`hi kShema' u`ta yoge` varaM' no yuu`yam paa'ta sva`stibhiH` sadaa' naH || {7}{054}{03}


(571)
a`mii`va`haa vaa'stoSh pate` vishvaa' ruu`paaNy aa'vi`shan |
sakhaa' su`sheva' edhi naH || {7}{055}{01}
yad a'rjuna saarameya da`taH pi'sha~Nga` yacCha'se |
viiva bhraajanta R^i`ShTaya` upa` srakve'Shu` bapsa'to` ni Shu sva'pa || {7}{055}{02}
ste`naM raa'ya saarameya` taska'raM vaa punaHsara |
sto`tR^In indra'sya raayasi` kim a`smaan du'cChunaayase` ni Shu sva'pa || {7}{055}{03}
tvaM suu'ka`rasya' dardR^ihi` tava' dardartu suuka`raH |
sto`tR^In indra'sya raayasi` kim a`smaan du'cChunaayase` ni Shu sva'pa || {7}{055}{04}
sastu' maa`taa sastu' pi`taa sastu` shvaa sastu' vi`shpatiH' |
sa`santu` sarve' j~naa`tayaH` sastv a`yam a`bhito` janaH' || {7}{055}{05}
ya aaste` yash ca` cara'ti` yash ca` pashya'ti no` janaH' |
teShaaM` saM ha'nmo a`kShaaNi` yathe`daM ha`rmyaM tathaa' || {7}{055}{06}
sa`hasra'shR^i~Ngo vR^iSha`bho yaH sa'mu`draad u`daaca'rat |
taa' saha`syaa va`yaM ni janaa'n svaapayaamasi || {7}{055}{07}
pro`ShThe`sha`yaa va'hyesha`yaa naarii`r yaas ta'lpa`shiiva'riiH |
striyo` yaaH puNya'gandhaa`s taaH sarvaaH' svaapayaamasi || {7}{055}{08}


(572)
ka iiM` vyaktaa` naraH` sanii'Laa ru`drasya` maryaa` adha` svashvaaH' |
naki`r hy eShaaM ja`nuuMShi` veda` te a`~Nga vi'dre mi`tho ja`nitra'm |
a`bhi sva`puubhi'r mi`tho va'panta` vaata'svanasaH shye`naa a'spR^idhran |
e`taani` dhiiro' ni`Nyaa ci'keta` pR^ishni`r yad uudho' ma`hii ja`bhaara' |
saa viT su`viiraa' ma`rudbhi'r astu sa`naat saha'ntii` puShya'ntii nR^i`mNam |
yaamaM` yeShThaaH' shu`bhaa shobhi'ShThaaH shri`yaa sammi'shlaa` ojo'bhir u`graaH |
u`graM va` oja' sthi`raa shavaaM`sy adhaa' ma`rudbhi'r ga`Nas tuvi'Shmaan |
shu`bhro vaH` shuShmaH` krudhmii` manaaM'si` dhuni`r muni'r iva` shardha'sya dhR^i`ShNoH |
sane'my a`smad yu`yota' di`dyum maa vo' durma`tir i`ha praNa'~N naH |
pri`yaa vo` naama' huve tu`raaNaa`m aa yat tR^i`pan ma'ruto vaavashaa`naaH |
svaa`yu`dhaasa' i`ShmiNaH' suni`Shkaa u`ta sva`yaM ta`nvakp H shumbha'maanaaH |
shucii' vo ha`vyaa ma'rutaH` shucii'naaM` shuciM' hinomy adhva`raM shuci'bhyaH |
R^i`ta' sa`tyam R^i'ta`saapa' aaya`~n Chuci'janmaanaH` shuca'yaH paava`kaaH || {7}{056}{12}
aMse`Shv aa ma'rutaH khaa`dayo' vo` vakSha'ssu ru`kmaa u'pashishriyaa`NaaH |
vi vi`dyuto` na vR^i`ShTibhii' rucaa`naa anu' sva`dhaam aayu'dhai`r yacCha'maanaaH || {7}{056}{13}
pra bu`dhnyaa va iirate` mahaaM'si` pra naamaa'ni prayajyavas tiradhvam |
sa`ha`sriyaM` damya'm bhaa`gam e`taM gR^i'hame`dhiiya'm maruto juShadhvam || {7}{056}{14}
yadi' stu`tasya' maruto adhii`thetthaa vipra'sya vaa`jino` havii'man |
ma`kShuu raa`yaH su`viirya'sya daata` nuu ci`d yam a`nya aa`dabha`d araa'vaa || {7}{056}{15}
atyaa'so` na ye ma`rutaH` sva~nco' yakSha`dR^isho` na shu`bhaya'nta` maryaaH' |
te ha'rmye`ShThaaH shisha'vo` na shu`bhraa va`tsaaso` na pra'krii`LinaH' payo`dhaaH || {7}{056}{16}
da`sha`syanto' no ma`ruto' mR^iLantu variva`syanto` roda'sii su`meke' |
aa`re go`haa nR^i`haa va`dho vo' astu su`mnebhi'r a`sme va'savo namadhvam || {7}{056}{17}
aa vo` hotaa' johaviiti sa`ttaH sa`traaciiM' raa`tim ma'ruto gR^iNaa`naH |
ya iiva'to vR^iShaNo` asti' go`paaH so adva'yaavii havate va u`kthaiH || {7}{056}{18}
i`me tu`ram ma`ruto' raamayantii`me sahaH` saha'sa` aa na'manti |
i`me shaMsaM' vanuShya`to ni paa'nti gu`ru dveSho` ara'ruShe dadhanti || {7}{056}{19}
i`me ra`dhraM ci'n ma`ruto' junanti` bhR^imiM' ci`d yathaa` vasa'vo ju`Shanta' |
apa' baadhadhvaM vR^iShaNa`s tamaaM'si dha`tta vishvaM` tana'yaM to`kam a`sme || {7}{056}{20}
maa vo' daa`traan ma'ruto` nir a'raama` maa pa`shcaad da'ghma rathyo vibhaa`ge |
aa na' spaa`rhe bha'jatanaa vasa`vyeKp yad iiM' sujaa`taM vR^i'ShaNo vo` asti' || {7}{056}{21}
saM yad dhana'nta ma`nyubhi`r janaa'saH` shuuraa' ya`hviiShv oSha'dhiiShu vi`kShu |
adha' smaa no maruto rudriyaasas traa`taaro' bhuuta` pR^ita'naasv a`ryaH || {7}{056}{22}
bhuuri' cakra marutaH` pitryaa'Ny u`kthaani` yaa vaH' sha`syante' pu`raa ci't |
ma`rudbhi'r u`graH pR^ita'naasu` saaLhaa' ma`rudbhi`r it sani'taa` vaaja`m arvaa' || {7}{056}{23}
a`sme vii`ro ma'rutaH shu`Shmy astu` janaa'naaM` yo asu'ro vidha`rtaa |
a`po ya' sukShi`taye` tare`maadha` svam oko' a`bhi vaH' syaama || {7}{056}{24}
tan na` indro` varu'No mi`tro a`gnir aapa` oSha'dhiir va`nino' juShanta |
sharma'n syaama ma`rutaa'm u`pasthe' yuu`yam paa'ta sva`stibhiH` sadaa' naH || {7}{056}{25}


(573)
madhvo' vo` naama` maaru'taM yajatraaH` pra ya`j~neShu` shava'saa madanti |
ye re`jaya'nti` roda'sii cid u`rvii pinva`nty utsaM` yad ayaa'sur u`graaH || {7}{057}{01}
ni`ce`taaro` hi ma`ruto' gR^i`Nanta'm praNe`taaro` yaja'maanasya` manma' |
a`smaaka'm a`dya vi`dathe'Shu ba`rhir aa vii`taye' sadata pipriyaa`NaaH || {7}{057}{02}
naitaava'd a`nye ma`ruto` yathe`me bhraaja'nte ru`kmair aayu'dhais ta`nuubhiH' |
aa roda'sii vishva`pishaH' pishaa`naaH sa'maa`nam a`~njy a~njate shu`bhe kam || {7}{057}{03}
R^idha`k saa vo' maruto di`dyud a'stu` yad va` aagaH' puru`Shataa` karaa'ma |
maa va`s tasyaa`m api' bhuumaa yajatraa a`sme vo' astu suma`tish cani'ShThaa || {7}{057}{04}
kR^i`te ci`d atra' ma`ruto' raNantaanava`dyaasaH` shuca'yaH paava`kaaH |
pra No' .avata suma`tibhi'r yajatraaH` pra vaaje'bhis tirata pu`Shyase' naH || {7}{057}{05}
u`ta stu`taaso' ma`ruto' vyantu` vishve'bhi`r naama'bhi`r naro' ha`viiMShi' |
dadaa'ta no a`mR^ita'sya pra`jaayai' jigR^i`ta raa`yaH suu`nR^itaa' ma`ghaani' || {7}{057}{06}
aa stu`taaso' maruto` vishva' uu`tii acChaa' suu`riin sa`rvataa'taa jigaata |
ye na`s tmanaa' sha`tino' va`rdhaya'nti yuu`yam paa'ta sva`stibhiH` sadaa' naH || {7}{057}{07}


(574)
pra saa'ka`mukShe' arcataa ga`Naaya` yo daivya'sya` dhaamna`s tuvi'Shmaan |
u`ta kSho'danti` roda'sii mahi`tvaa nakSha'nte` naakaM` nirR^i'ter avaM`shaat || {7}{058}{01}
ja`nuush ci'd vo marutas tve`Shya` bhiimaa'sa`s tuvi'manya`vo .a'yaasaH |
pra ye maho'bhi`r oja'so`ta santi` vishvo' vo` yaama'n bhayate sva`rdR^ik || {7}{058}{02}
bR^i`had vayo' ma`ghava'dbhyo dadhaata` jujo'Sha`nn in ma`rutaH' suShTu`tiM naH' |
ga`to naadhvaa` vi ti'raati ja`ntum pra Na' spaa`rhaabhi'r uu`tibhi's tireta || {7}{058}{03}
yu`Shmoto` vipro' marutaH shata`svii yu`Shmoto` arvaa` sahu'riH saha`srii |
yu`ShmotaH' sa`mraaL u`ta ha'nti vR^i`tram pra tad vo' astu dhuutayo de`ShNam || {7}{058}{04}
taam+ aa ru`drasya' mii`LhuSho' vivaase ku`vin naMsa'nte ma`rutaH` puna'r naH |
yat sa`svartaa' jihiiLi`re yad aa`vir ava` tad a' iimahe tu`raaNaa'm || {7}{058}{05}
pra saa vaa'ci suShTu`tir ma`ghonaa'm i`daM suu`ktam ma`ruto' juShanta |
aa`raac ci`d dveSho' vR^iShaNo yuyota yuu`yam paa'ta sva`stibhiH` sadaa' naH || {7}{058}{06}


(575)
yaM traaya'dhva i`dam-i'daM` devaa'so` yaM ca` naya'tha |
tasmaa' agne` varu'Na` mitraarya'ma`n maru'taH` sharma' yacChata || {7}{059}{01}
yu`ShmaakaM' devaa` ava`saaha'ni pri`ya ii'jaa`nas ta'rati` dviShaH' |
pra sa kShayaM' tirate` vi ma`hiir iSho` yo vo` varaa'ya` daasha'ti || {7}{059}{02}
na`hi va'sh cara`maM ca`na vasi'ShThaH pari`maMsa'te |
a`smaaka'm a`dya ma'rutaH su`te sacaa` vishve' pibata kaa`minaH' || {7}{059}{03}
na`hi va' uu`tiH pR^ita'naasu` mardha'ti` yasmaa` araa'dhvaM naraH |
a`bhi va` aava'rt suma`tir navii'yasii` tuuyaM' yaata pipiiShavaH || {7}{059}{04}
o Shu ghR^i'Shviraadhaso yaa`tanaandhaaM'si pii`taye' |
i`maa vo' ha`vyaa ma'ruto ra`re hi ka`m mo Shv akp nyatra' gantana || {7}{059}{05}
aa ca' no ba`rhiH sada'taavi`taa ca' na spaa`rhaaNi` daata've` vasu' |
asre'dhanto marutaH so`mye madhau` svaahe`ha maa'dayaadhvai || {7}{059}{06}
sa`svash ci`d dhi ta`nvakp H shumbha'maanaa` aa haM`saaso` niila'pR^iShThaa apaptan |
vishvaM` shardho' a`bhito' maa` ni She'da` naro` na ra`NvaaH sava'ne` mada'ntaH || {7}{059}{07}
yo no' maruto a`bhi du'rhR^iNaa`yus ti`rash ci`ttaani' vasavo` jighaaM'sati |
dru`haH paashaa`n prati` sa mu'ciiShTa` tapi'ShTha` hanma'naa hantanaa` tam || {7}{059}{08}
saaMta'panaa i`daM ha`vir maru'ta`s taj ju'juShTana |
yu`Shmaako`tii ri'shaadasaH || {7}{059}{09}
gR^iha'medhaasa` aa ga'ta` maru'to` maapa' bhuutana |
yu`Shmaako`tii su'daanavaH || {7}{059}{10}
i`heha' vaH svatavasaH` kava'yaH` suurya'tvacaH |
ya`j~nam ma'ruta` aa vR^i'Ne || {7}{059}{11}
tryambakaM yajaamahe su`gandhi'm puShTi`vardha'nam |
u`rvaa`ru`kam i'va` bandha'naan mR^i`tyor mu'kShiiya` maamR^itaa't || {7}{059}{12}


(576)
yad a`dya suu'rya` bravo .a'naagaa u`dyan mi`traaya` varu'Naaya sa`tyam |
va`yaM de'va`traadi'te syaama` tava' pri`yaaso' aryaman gR^i`NantaH' || {7}{060}{01}
e`Sha sya mi'traavaruNaa nR^i`cakShaa' u`bhe ud e'ti` suuryo' a`bhi jman |
vishva'sya sthaa`tur jaga'tash ca go`paa R^i`ju marte'Shu vR^iji`naa ca` pashya'n || {7}{060}{02}
ayu'kta sa`pta ha`ritaH' sa`dhasthaa`d yaa iiM` vaha'nti` suuryaM' ghR^i`taaciiH' |
dhaamaa'ni mitraavaruNaa yu`vaakuH` saM yo yuu`theva` jani'maani` caShTe' || {7}{060}{03}
ud vaa'm pR^i`kShaaso` madhu'manto asthu`r aa suuryo' aruhac Chu`kram arNaH' |
yasmaa' aadi`tyaa adhva'no` rada'nti mi`tro a'rya`maa varu'NaH sa`joShaaH' || {7}{060}{04}
i`me ce`taaro` anR^i'tasya` bhuure'r mi`tro a'rya`maa varu'No` hi santi' |
i`ma R^i`tasya' vaavR^idhur duro`Ne sha`gmaasaH' pu`traa adi'te`r ada'bdhaaH || {7}{060}{05}
i`me mi`tro varu'No duu`Labhaa'so .ace`tasaM' cic citayanti` dakShaiH' |
api` kratuM' su`ceta'saM` vata'ntas ti`rash ci`d aMhaH' su`pathaa' nayanti || {7}{060}{06}
i`me di`vo ani'miShaa pR^ithi`vyaash ci'ki`tvaaMso' ace`tasaM' nayanti |
pra`vraa`je ci'n na`dyo gaa`dham a'sti paa`raM no' a`sya vi'Shpi`tasya' parShan || {7}{060}{07}
yad go`paava`d adi'tiH` sharma' bha`dram mi`tro yacCha'nti` varu'NaH su`daase' |
tasmi`nn aa to`kaM tana'yaM` dadhaa'naa` maa ka'rma deva`heLa'naM turaasaH || {7}{060}{08}
ava` vediM` hotraa'bhir yajeta` ripaH` kaash ci'd varuNa`dhrutaH` saH |
pari` dveSho'bhir arya`maa vR^i'Naktuu`ruM su`daase' vR^iShaNaa ulo`kam || {7}{060}{09}
sa`svash ci`d dhi samR^i'tis tve`Shy eShaam apii`cya` saha'saa` saha'nte |
yu`Shmad bhi`yaa vR^i'ShaNo` reja'maanaa` dakSha'sya cin mahi`naa mR^i`Lataa' naH || {7}{060}{10}
yo brahma'Ne suma`tim aa`yajaa'te` vaaja'sya saa`tau pa'ra`masya' raa`yaH |
siikSha'nta ma`nyum ma`ghavaa'no a`rya u`ru kShayaa'ya cakrire su`dhaatu' || {7}{060}{11}
i`yaM de'va pu`rohi'tir yu`vabhyaaM' ya`j~neShu' mitraavaruNaav akaari |
vishvaa'ni du`rgaa pi'pR^itaM ti`ro no' yuu`yam paa'ta sva`stibhiH` sadaa' naH || {7}{060}{12}


(577)
ud vaaM` cakShu'r varuNa su`pratii'kaM de`vayo'r eti` suurya's tata`nvaan |
a`bhi yo vishvaa` bhuva'naani` caShTe` sa ma`nyum martye`Shv aa ci'keta || {7}{061}{01}
pra vaaM` sa mi'traavaruNaav R^i`taavaa` vipro` manmaa'ni diirgha`shrud i'yarti |
yasya` brahmaa'Ni sukratuu` avaa'tha` aa yat kratvaa` na sha`radaH' pR^i`Naithe' || {7}{061}{02}
proror mi'traavaruNaa pR^ithi`vyaaH pra di`va R^i`Shvaad bR^i'ha`taH su'daanuu |
spasho' dadhaathe` oSha'dhiiShu vi`kShv R^idha'g ya`to ani'miShaM` rakSha'maaNaa || {7}{061}{03}
shaMsaa' mi`trasya` varu'Nasya` dhaama` shuShmo` roda'sii badbadhe mahi`tvaa |
aya`n maasaa` aya'jvanaam a`viiraaH` pra ya`j~nama'nmaa vR^i`janaM' tiraate || {7}{061}{04}
amuu'raa` vishvaa' vR^iShaNaav i`maa vaaM` na yaasu' ci`traM dadR^i'she` na ya`kSham |
druhaH' sacante` anR^i'taa` janaa'naaM` na vaaM' ni`Nyaany a`cite' abhuuvan || {7}{061}{05}
sam u' vaaM ya`j~nam ma'hayaM` namo'bhir hu`ve vaa'm mitraavaruNaa sa`baadhaH' |
pra vaa`m manmaa'ny R^i`case` navaa'ni kR^i`taani` brahma' jujuShann i`maani' || {7}{061}{06}
i`yaM de'va pu`rohi'tir yu`vabhyaaM' ya`j~neShu' mitraavaruNaav akaari |
vishvaa'ni du`rgaa pi'pR^itaM ti`ro no' yuu`yam paa'ta sva`stibhiH` sadaa' naH || {7}{061}{07}


(578)
ut suuryo' bR^i`had a`rciiMShy a'shret pu`ru vishvaa` jani'ma` maanu'ShaaNaam |
sa`mo di`vaa da'dR^ishe` roca'maanaH` kratvaa' kR^i`taH sukR^i'taH ka`rtR^ibhi'r bhuut || {7}{062}{01}
sa suu'rya` prati' pu`ro na` ud gaa' e`bhi stome'bhir eta`shebhi`r evaiH' |
pra no' mi`traaya` varu'Naaya vo`co .a'naagaso arya`mNe a`gnaye' ca || {7}{062}{02}
vi naH' sa`hasraM' shu`rudho' radantv R^i`taavaa'no` varu'No mi`tro a`gniH |
yacCha'ntu ca`ndraa u'pa`maM no' a`rkam aa naH` kaama'm puupurantu` stavaa'naaH || {7}{062}{03}
dyaavaa'bhuumii adite` traasii'thaaM no` ye vaaM' ja`j~nuH su`jani'maana R^iShve |
maa heLe' bhuuma` varu'Nasya vaa`yor maa mi`trasya' pri`yata'masya nR^i`Naam || {7}{062}{04}
pra baa`havaa' sisR^itaM jii`vase' na` aa no` gavyuu'tim ukShataM ghR^i`ta' |
aa no` jane' shravayataM yuvaanaa shru`tam me' mitraavaruNaa` have`maa || {7}{062}{05}
nuu mi`tro varu'No arya`maa na`s tmane' to`kaaya` vari'vo dadhantu |
su`gaa no` vishvaa' su`pathaa'ni santu yuu`yam paa'ta sva`stibhiH` sadaa' naH || {7}{062}{06}


(579)
ud v e'ti su`bhago' vi`shvaca'kShaaH` saadhaa'raNaH` suuryo` maanu'ShaaNaam |
cakShu'r mi`trasya` varu'Nasya de`vash carme'va` yaH sa`mavi'vya`k tamaaM'si || {7}{063}{01}
ud v e'ti prasavii`taa janaa'naam ma`haan ke`tur a'rNa`vaH suurya'sya |
sa`maa`naM ca`kram pa'ryaa`vivR^i'tsa`n yad e'ta`sho vaha'ti dhuu`rShu yu`ktaH || {7}{063}{02}
vi`bhraaja'maana u`Shasaa'm u`pasthaa'd re`bhair ud e'ty anuma`dyamaa'naH |
e`Sha me' de`vaH sa'vi`taa ca'cChanda` yaH sa'maa`naM na pra'mi`naati` dhaama' || {7}{063}{03}
di`vo ru`kma u'ru`cakShaa` ud e'ti duu`rea'rthas ta`raNi`r bhraaja'maanaH |
nuu`naM janaaH` suurye'Na` prasuu'taa` aya`nn arthaa'ni kR^i`Nava`nn apaaM'si || {7}{063}{04}
yatraa' ca`krur a`mR^itaa' gaa`tum a'smai shye`no na diiya`nn anv e'ti` paathaH' |
prati' vaaM` suura` udi'te vidhema` namo'bhir mitraavaruNo`ta ha`vyaiH || {7}{063}{05}
nuu mi`tro varu'No arya`maa na`s tmane' to`kaaya` vari'vo dadhantu |
su`gaa no` vishvaa' su`pathaa'ni santu yuu`yam paa'ta sva`stibhiH` sadaa' naH || {7}{063}{06}


(580)
di`vi kShaya'ntaa` raja'saH pR^ithi`vyaam pra vaaM' ghR^i`tasya' ni`rNijo' dadiiran |
ha`vyaM no' mi`tro a'rya`maa sujaa'to` raajaa' sukSha`tro varu'No juShanta || {7}{064}{01}
aa raa'jaanaa maha R^itasya gopaa` sindhu'patii kShatriyaa yaatam a`rvaak |
iLaaM' no mitraavaruNo`ta vR^i`ShTim ava' di`va i'nvataM jiiradaanuu || {7}{064}{02}
mi`tras tan no` varu'No de`vo a`ryaH pra saadhi'ShThebhiH pa`thibhi'r nayantu |
brava`d yathaa' na` aad a`riH su`daasa' i`Shaa ma'dema sa`ha de`vago'paaH || {7}{064}{03}
yo vaaM` garta`m mana'saa` takSha'd e`tam uu`rdhvaaM dhii`tiM kR^i`Nava'd dhaa`raya'c ca |
u`kShethaa'm mitraavaruNaa ghR^i`ta` taa raa'jaanaa sukShi`tiis ta'rpayethaam || {7}{064}{04}
e`Sha stomo' varuNa mitra` tubhyaM` somaH' shu`kro na vaa`yave' .ayaami |
a`vi`ShTaM dhiyo' jigR^i`tam puraM'dhiir yuu`yam paa'ta sva`stibhiH` sadaa' naH || {7}{064}{05}


(581)
prati' vaaM` suura` udi'te suu`ktair mi`traM hu've` varu'Nam puu`tada'kSham |
yayo'r asu`ryakp m akShi'taM` jyeShThaM` vishva'sya` yaama'nn aa`citaa' jiga`tnu || {7}{065}{01}
taa hi de`vaanaa`m asu'raa` taav a`ryaa taa naH' kShi`tiiH ka'ratam uu`rjaya'ntiiH |
a`shyaama' mitraavaruNaa va`yaM vaaM` dyaavaa' ca` yatra' pii`paya`nn ahaa' ca || {7}{065}{02}
taa bhuuri'paashaa`v anR^i'tasya` setuu' dura`tyetuu' ri`pave` martyaa'ya |
R^i`tasya' mitraavaruNaa pa`thaa vaa'm a`po na naa`vaa du'ri`taa ta'rema || {7}{065}{03}
aa no' mitraavaruNaa ha`vyaju'ShTiM ghR^i`tair gavyuu'tim ukShata`m iLaa'bhiH |
prati' vaa`m atra` vara`m aa janaa'ya pR^iNii`tam u`dno di`vyasya` caaroH' || {7}{065}{04}
e`Sha stomo' varuNa mitra` tubhyaM` somaH' shu`kro na vaa`yave' .ayaami |
a`vi`ShTaM dhiyo' jigR^i`tam puraM'dhiir yuu`yam paa'ta sva`stibhiH` sadaa' naH || {7}{065}{05}


(582)
pra mi`trayo`r varu'Nayo` stomo' na etu shuu`ShyaH |
nama'svaan tuvijaa`tayoH' || {7}{066}{01}
yaa dhaa`raya'nta de`vaaH su`dakShaa` dakSha'pitaraa |
a`su`ryaaya` prama'hasaa || {7}{066}{02}
taa na' sti`paa ta'nuu`paa varu'Na jaritR^I`Naam |
mitra' saa`dhaya'taM` dhiyaH' || {7}{066}{03}
yad a`dya suura` udi`te .a'naagaa mi`tro a'rya`maa |
su`vaati' savi`taa bhagaH' || {7}{066}{04}
su`praa`viir a'stu` sa kShayaH` pra nu yaama'n sudaanavaH |
ye no` aMho' .ati`pipra'ti || {7}{066}{05}
u`ta sva`raajo` adi'ti`r ada'bdhasya vra`tasya` ye |
ma`ho raajaa'na iishate || {7}{066}{06}
prati' vaaM` suura` udi'te mi`traM gR^i'NiiShe` varu'Nam |
a`rya`maNaM' ri`shaada'sam || {7}{066}{07}
raa`yaa hi'raNya`yaa ma`tir i`yam a'vR^i`kaaya` shava'se |
i`yaM vipraa' me`dhasaa'taye || {7}{066}{08}
te syaa'ma deva varuNa` te mi'tra suu`ribhiH' sa`ha |
iShaM` svash ca dhiimahi || {7}{066}{09}
ba`havaH` suura'cakShaso .agniji`hvaa R^i'taa`vR^idhaH' |
triiNi` ye ye`mur vi`dathaa'ni dhii`tibhi`r vishvaa'ni` pari'bhuutibhiH || {7}{066}{10}
vi ye da`dhuH sha`rada`m maasa`m aad aha'r ya`j~nam a`ktuM caad R^ica'm |
a`naa`pyaM varu'No mi`tro a'rya`maa kSha`traM raajaa'na aashata || {7}{066}{11}
tad vo' a`dya ma'naamahe suu`ktaiH suura` udi'te |
yad oha'te` varu'No mi`tro a'rya`maa yuu`yam R^i`tasya' rathyaH || {7}{066}{12}
R^i`taavaa'na R^i`tajaa'taa R^itaa`vR^idho' gho`raaso' anR^ita`dviShaH' |
teShaaM' vaH su`mne su'cCha`rdiShTa'me naraH` syaama` ye ca' suu`rayaH' || {7}{066}{13}
ud u` tyad da'rsha`taM vapu'r di`va e'ti pratihva`re |
yad ii'm aa`shur vaha'ti de`va eta'sho` vishva'smai` cakSha'se` ara'm || {7}{066}{14}
shii`rShNaH-shii'rShNo` jaga'tas ta`sthuSha`s patiM' sa`mayaa` vishva`m aa rajaH' |
sa`pta svasaa'raH suvi`taaya` suuryaM` vaha'nti ha`rito` rathe' || {7}{066}{15}
tac cakShu'r de`vahi'taM shu`kram u`ccara't |
pashye'ma sha`radaH' sha`taM jiive'ma sha`radaH' sha`tam || {7}{066}{16}
kaavye'bhir adaa`bhyaa yaa'taM varuNa dyu`mat |
mi`trash ca` soma'piitaye || {7}{066}{17}
di`vo dhaama'bhir varuNa mi`trash caa yaa'tam a`druhaa' |
piba'taM` soma'm aatu`jii || {7}{066}{18}
aa yaa'tam mitraavaruNaa juShaa`Naav aahu'tiM naraa |
paa`taM soma'm R^itaavR^idhaa || {7}{066}{19}


(583)
prati' vaaM` rathaM' nR^ipatii ja`radhyai' ha`viShma'taa` mana'saa ya`j~niye'na |
yo vaaM' duu`to na dhi'ShNyaa`v ajii'ga`r acChaa' suu`nur na pi`taraa' vivakmi || {7}{067}{01}
asho'cy a`gniH sa'midhaa`no a`sme upo' adR^ishra`n tama'sash ci`d antaaH' |
ace'ti ke`tur u`ShasaH' pu`rastaa'c Chri`ye di`vo du'hi`tur jaaya'maanaH || {7}{067}{02}
a`bhi vaaM' nuu`nam a'shvinaa` suho'taa` stomaiH' siShakti naasatyaa viva`kvaan |
puu`rviibhi'r yaatam pa`thyaabhir a`rvaak sva`rvidaa` vasu'mataa` rathe'na || {7}{067}{03}
a`vor vaaM' nuu`nam a'shvinaa yu`vaaku'r hu`ve yad vaaM' su`te maa'dhvii vasuu`yuH |
aa vaaM' vahantu` sthavi'raaso` ashvaaH` pibaa'tho a`sme suShu'taa` madhuu'ni || {7}{067}{04}
praacii'm u devaashvinaa` dhiya`m me .a'mR^idhraaM saa`taye' kR^itaM vasuu`yum |
vishvaa' aviShTaM` vaaja` aa puraM'dhii`s taa naH' shaktaM shaciipatii` shacii'bhiH || {7}{067}{05}
a`vi`ShTaM dhii`Shv ashvinaa na aa`su pra`jaava`d reto` ahra'yaM no astu |
aa vaaM' to`ke tana'ye` tuutu'jaanaaH su`ratnaa'so de`vavii'tiM gamema || {7}{067}{06}
e`Sha sya vaa'm puurva`gatve'va` sakhye' ni`dhir hi`to maa'dhvii raa`to a`sme |
ahe'Lataa` mana`saa yaa'tam a`rvaag a`shnantaa' ha`vyam maanu'ShiiShu vi`kShu || {7}{067}{07}
eka'smi`n yoge' bhuraNaa samaa`ne pari' vaaM sa`pta sra`vato` ratho' gaat |
na vaa'yanti su`bhvo de`vayu'ktaa` ye vaaM' dhuu`rShu ta`raNa'yo` vaha'nti || {7}{067}{08}
a`sa`shcataa' ma`ghava'dbhyo` hi bhuu`taM ye raa`yaa ma'gha`deyaM' ju`nanti' |
pra ye bandhuM' suu`nR^itaa'bhis ti`rante` gavyaa' pR^i`~ncanto` ashvyaa' ma`ghaani' || {7}{067}{09}
nuu me` hava`m aa shR^i'NutaM yuvaanaa yaasi`ShTaM va`rtir a'shvinaa`v iraa'vat |
dha`ttaM ratnaa'ni` jara'taM ca suu`riin yuu`yam paa'ta sva`stibhiH` sadaa' naH || {7}{067}{10}


(584)
aa shu'bhraa yaatam ashvinaa` svashvaa` giro' dasraa jujuShaa`Naa yu`vaakoH' |
ha`vyaani' ca` prati'bhR^itaa vii`taM naH' || {7}{068}{01}
pra vaa`m andhaaM'si` madyaa'ny asthu`r araM' gantaM ha`viSho' vii`taye' me |
ti`ro a`ryo hava'naani shru`taM naH' || {7}{068}{02}
pra vaaM` ratho` mano'javaa iyarti ti`ro rajaaM'sy ashvinaa sha`totiH' |
a`smabhyaM' suuryaavasuu iyaa`naH || {7}{068}{03}
a`yaM ha` yad vaaM' deva`yaa u` adri'r uu`rdhvo viva'kti soma`sud yu`vabhyaa'm |
aa va`lguu vipro' vavR^itiita ha`vyaiH || {7}{068}{04}
ci`traM ha` yad vaa`m bhoja'naM` nv asti` ny atra'ye` mahi'ShvantaM yuyotam |
yo vaa'm o`maanaM` dadha'te pri`yaH san || {7}{068}{05}
u`ta tyad vaaM' jura`te a'shvinaa bhuu`c cyavaa'naaya pra`tiityaM' havi`rde |
adhi` yad varpa' i`tauu'ti dha`tthaH || {7}{068}{06}
u`ta tyam bhu`jyum a'shvinaa` sakhaa'yo` madhye' jahur du`revaa'saH samu`dre |
nir ii'm parSha`d araa'vaa` yo yu`vaakuH' || {7}{068}{07}
vR^ikaa'ya ci`j jasa'maanaaya shaktam u`ta shru'taM sha`yave' huu`yamaa'naa |
yaav a`ghnyaam api'nvatam a`po na sta`ryaM cic Cha`kty ashvinaa` shacii'bhiH || {7}{068}{08}
e`Sha sya kaa`rur ja'rate suu`ktair agre' budhaa`na u`ShasaaM' su`manmaa' |
i`Shaa taM va'rdhad a`ghnyaa payo'bhir yuu`yam paa'ta sva`stibhiH` sadaa' naH || {7}{068}{09}


(585)
aa vaaM` ratho` roda'sii badbadhaa`no hi'ra`Nyayo` vR^iSha'bhir yaa`tv ashvaiH' |
ghR^i`tava'rtaniH pa`vibhii' rucaa`na i`ShaaM vo`Lhaa nR^i`pati'r vaa`jinii'vaan || {7}{069}{01}
sa pa'prathaa`no a`bhi pa~nca` bhuumaa' trivandhu`ro mana`saa yaa'tu yu`ktaH |
visho` ya` gacCha'tho deva`yantiiH` kutraa' ci`d yaama'm ashvinaa` dadhaa'naa || {7}{069}{02}
svashvaa' ya`shasaa yaa'tam a`rvaag dasraa' ni`dhim madhu'mantam pibaathaH |
vi vaaM` ratho' va`dhvaaKp yaada'maa`no .a'ntaan di`vo baa'dhate varta`nibhyaa'm || {7}{069}{03}
yu`voH shriya`m pari` yoShaa'vR^iNiita` suuro' duhi`taa pari'takmyaayaam |
yad de'va`yanta`m ava'thaH` shacii'bhiH` pari' ghraM`sam o`manaa' vaaM` vayo' gaat || {7}{069}{04}
yo ha` sya vaaM' rathiraa` vasta' u`sraa ratho' yujaa`naH pa'ri`yaati' va`rtiH |
ta' naH` shaM yor u`Shaso` vyuShTau` ny ashvinaa vahataM ya`j~ne a`smin || {7}{069}{05}
naraa' gau`reva' vi`dyutaM' tR^iShaa`Naasmaaka'm a`dya sava`nopa' yaatam |
pu`ru`traa hi vaa'm ma`tibhi`r hava'nte` maa vaa'm a`nye ni ya'man deva`yantaH' || {7}{069}{06}
yu`vam bhu`jyum ava'viddhaM samu`dra ud uu'hathu`r arNa'so` asri'dhaanaiH |
pa`ta`tribhi'r ashra`mair a'vya`thibhi'r daM`sanaa'bhir ashvinaa paa`raya'ntaa || {7}{069}{07}
nuu me` hava`m aa shR^i'NutaM yuvaanaa yaasi`ShTaM va`rtir a'shvinaa`v iraa'vat |
dha`ttaM ratnaa'ni` jara'taM ca suu`riin yuu`yam paa'ta sva`stibhiH` sadaa' naH || {7}{069}{08}


(586)
aa vi'shvavaaraashvinaa gataM naH` pra tat sthaana'm avaaci vaam pR^ithi`vyaam |
ashvo` na vaa`jii shu`napR^i'ShTho asthaa`d aa yat se`dathu'r dhru`vase` na yoni'm || {7}{070}{01}
siSha'kti` saa vaaM' suma`tish cani`ShThaataa'pi gha`rmo manu'Sho duro`Ne |
yo vaaM' samu`draan sa`ritaH` pipa`rty eta'gvaa ci`n na su`yujaa' yujaa`naH || {7}{070}{02}
yaani` sthaanaa'ny ashvinaa da`dhaathe' di`vo ya`hviiShv oSha'dhiiShu vi`kShu |
ni parva'tasya muu`rdhani` sada`nteShaM` janaa'ya daa`shuShe` vaha'ntaa || {7}{070}{03}
ca`ni`ShTaM de'vaa` oSha'dhiiShv a`psu yad yo`gyaa a`shnavai'the` R^iShii'Naam |
pu`ruuNi` ratnaa` dadha'tau` ny akp sme anu` puurvaa'Ni cakhyathur yu`gaani' || {7}{070}{04}
shu`shru`vaaMsaa' cid ashvinaa pu`ruuNy a`bhi brahmaa'Ni cakShaathe` R^iShii'Naam |
prati` pra yaa'taM` vara`m aa janaa'yaa`sme vaa'm astu suma`tish cani'ShThaa || {7}{070}{05}
yo vaaM' ya`j~no naa'satyaa ha`viShmaa'n kR^i`tabra'hmaa sama`ryoKp bhavaa'ti |
upa` pra yaa'taM` vara`m aa vasi'ShTham i`maa brahmaa'Ny R^icyante yu`vabhyaa'm || {7}{070}{06}
i`yam ma'nii`Shaa i`yam a'shvinaa` giir i`maaM su'vR^i`ktiM vR^i'ShaNaa juShethaam |
i`maa brahmaa'Ni yuva`yuuny a'gman yuu`yam paa'ta sva`stibhiH` sadaa' naH || {7}{070}{07}


(587)
apa` svasu'r u`Shaso` nag ji'hiite ri`Nakti' kR^i`ShNiir a'ru`Shaaya` panthaa'm |
ashvaa'maghaa` goma'ghaa vaaM huvema` divaa` naktaM` sharu'm a`smad yu'yotam || {7}{071}{01}
u`paayaa'taM daa`shuShe` martyaa'ya` rathe'na vaa`mam a'shvinaa` vaha'ntaa |
yu`yu`tam a`smad ani'raa`m amii'vaaM` divaa` nakta'm maadhvii` traasii'thaaM naH || {7}{071}{02}
aa vaaM` ratha'm ava`masyaaM` vyuShTau sumnaa`yavo` vR^iSha'No vartayantu |
syuuma'gabhastim R^ita`yugbhi`r ashvai`r aashvi'naa` vasu'mantaM vahethaam || {7}{071}{03}
yo vaaM` ratho' nR^ipatii` asti' vo`Lhaa tri'vandhu`ro vasu'maam+ u`srayaa'maa |
aa na' e`naa naa'sa`tyopa' yaatam a`bhi yad vaaM' vi`shvapsnyo` jigaa'ti || {7}{071}{04}
yu`vaM cyavaa'naM ja`raso' .amumuktaM` ni pe`dava' uuhathur aa`shum ashva'm |
nir aMha'sa`s tama'sa sparta`m atriM` ni jaa'hu`ShaM shi'thi`re dhaa'tam a`ntaH || {7}{071}{05}
i`yam ma'nii`Shaa i`yam a'shvinaa` giir i`maaM su'vR^i`ktiM vR^i'ShaNaa juShethaam |
i`maa brahmaa'Ni yuva`yuuny a'gman yuu`yam paa'ta sva`stibhiH` sadaa' naH || {7}{071}{06}


(588)
aa goma'taa naasatyaa` rathe`naashvaa'vataa purushca`ndra' yaatam |
a`bhi vaaM` vishvaa' ni`yutaH' sacante spaa`rhayaa' shri`yaa ta`nvaa shubhaa`naa || {7}{072}{01}
aa no' de`vebhi`r upa' yaatam a`rvaak sa`joSha'saa naasatyaa` rathe'na |
yu`vor hi naH' sa`khyaa pitryaa'Ni samaa`no bandhu'r u`ta tasya' vittam || {7}{072}{02}
ud u` stomaa'so a`shvino'r abudhra~n jaa`mi brahmaa'Ny u`Shasa'sh ca de`viiH |
aa`vivaa'sa`n roda'sii` dhiShNye`me acChaa` vipro` naasa'tyaa vivakti || {7}{072}{03}
vi ced u`cChanty a'shvinaa u`ShaasaH` pra vaa`m brahmaa'Ni kaa`ravo' bharante |
uu`rdhvam bhaa`nuM sa'vi`taa de`vo a'shred bR^i`had a`gnayaH' sa`midhaa' jarante || {7}{072}{04}
aa pa`shcaataa'n naasa`tyaa pu`rastaa`d aashvi'naa yaatam adha`raad uda'ktaat |
aa vi`shvataH` paa~nca'janya raa`yaa yuu`yam paa'ta sva`stibhiH` sadaa' naH || {7}{072}{05}


(589)
ataa'riShma` tama'sas paa`ram a`sya prati` stomaM' deva`yanto` dadhaa'naaH |
pu`ru`daMsaa' puru`tamaa' puraa`jaama'rtyaa havate a`shvinaa` giiH || {7}{073}{01}
ny u pri`yo manu'ShaH saadi` hotaa` naasa'tyaa` yo yaja'te` vanda'te ca |
a`shnii`tam madhvo' ashvinaa upaa`ka aa vaaM' voce vi`dathe'Shu` praya'svaan || {7}{073}{02}
ahe'ma ya`j~nam pa`thaam u'raa`Naa i`maaM su'vR^i`ktiM vR^i'ShaNaa juShethaam |
shru`ShTii`veva` preShi'to vaam abodhi` prati` stomai`r jara'maaNo` vasi'ShThaH || {7}{073}{03}
upa` tyaa vahnii' gamato` vishaM' no rakSho`haNaa` sambhR^i'taa vii`Lupaa'Nii |
sam andhaaM'sy agmata matsa`raaNi` maa no' mardhiShTa`m aa ga'taM shi`va' || {7}{073}{04}
aa pa`shcaataa'n naasa`tyaa pu`rastaa`d aashvi'naa yaatam adha`raad uda'ktaat |
aa vi`shvataH` paa~nca'janya raa`yaa yuu`yam paa'ta sva`stibhiH` sadaa' naH || {7}{073}{05}


(590)
i`maa u' vaaM` divi'ShTaya u`sraa ha'vante ashvinaa |
a`yaM vaa'm a`hve .a'vase shaciivasuu` vishaM'-vishaM` hi gacCha'thaH || {7}{074}{01}
yu`vaM ci`traM da'dathu`r bhoja'naM naraa` code'thaaM suu`nR^itaa'vate |
a`rvaag rathaM` sama'nasaa` ni ya'cChata`m piba'taM so`myam madhu' || {7}{074}{02}
aa yaa'ta`m upa' bhuuShata`m madhvaH' pibatam ashvinaa |
du`gdham payo' vR^iShaNaa jyaavasuu` maa no' mardhiShTa`m aa ga'tam || {7}{074}{03}
ashvaa'so` ye vaa`m upa' daa`shuSho' gR^i`haM yu`vaaM diiya'nti` bibhra'taH |
ma`kShuu`yubhi'r naraa` haye'bhir ashvi`naa de'vaa yaatam asma`yuu || {7}{074}{04}
adhaa' ha` yanto' a`shvinaa` pR^ikShaH' sacanta suu`rayaH' |
taa yaM'sato ma`ghava'dbhyo dhru`vaM yasha'sh Cha`rdir a`smabhyaM` naasa'tyaa || {7}{074}{05}
pra ye ya`yur a'vR^i`kaaso` rathaa' iva nR^ipaa`taaro` janaa'naam |
u`ta sva` shava'saa shuushuvu`r nara' u`ta kShi'yanti sukShi`tim || {7}{074}{06}


(591)
vy ukp Shaa aa'vo divi`jaa R^i`taa'viShkR^iNvaa`naa ma'hi`maana`m aagaa't |
apa` druha`s tama' aava`r aju'ShTa`m a~Ngi'rastamaa pa`thyaa ajiigaH || {7}{075}{01}
ma`he no' a`dya su'vi`taaya' bo`dhy uSho' ma`he saubha'gaaya` pra ya'ndhi |
ci`traM ra`yiM ya`shasaM' dhehy a`sme devi` marte'Shu maanuShi shrava`syum || {7}{075}{02}
e`te tye bhaa`navo' darsha`taayaa'sh ci`traa u`Shaso' a`mR^itaa'sa` aaguH' |
ja`naya'nto` daivyaa'ni vra`taany aa'pR^i`Nanto' a`ntari'kShaa` vy asthuH || {7}{075}{03}
e`Shaa syaa yu'jaa`naa pa'raa`kaat pa~nca' kShi`tiiH pari' sa`dyo ji'gaati |
a`bhi`pashya'ntii va`yunaa` janaa'naaM di`vo du'hi`taa bhuva'nasya` patnii' || {7}{075}{04}
vaa`jinii'vatii` suurya'sya` yoShaa' ci`traama'ghaa raa`ya ii'she` vasuu'naam |
R^iShi'ShTutaa ja`raya'ntii ma`ghony u`Shaa u'cChati` vahni'bhir gR^iNaa`naa || {7}{075}{05}
prati' dyutaa`naam a'ru`Shaaso` ashvaa'sh ci`traa a'dR^ishrann u`ShasaM` vaha'ntaH |
yaati' shu`bhraa vi'shva`pishaa` rathe'na` dadhaa'ti` ratnaM' vidha`te janaa'ya || {7}{075}{06}
sa`tyaa sa`tyebhi'r maha`tii ma`hadbhi'r de`vii de`vebhi'r yaja`taa yaja'traiH |
ru`jad dR^i`Lhaani` dada'd u`sriyaa'Naa`m prati` gaava' u`ShasaM' vaavashanta || {7}{075}{07}
nuu no` goma'd vii`rava'd dhehi` ratna`m uSho` ashvaa'vad puru`bhojo' a`sme |
maa no' ba`rhiH pu'ru`Shataa' ni`de ka'r yuu`yam paa'ta sva`stibhiH` sadaa' naH || {7}{075}{08}


(592)
ud u` jyoti'r a`mR^itaM' vi`shvaja'nyaM vi`shvaana'raH savi`taa de`vo a'shret |
kratvaa' de`vaanaa'm ajaniShTa` cakShu'r aa`vir a'ka`r bhuva'naM` vishva'm u`ShaaH || {7}{076}{01}
pra me` panthaa' deva`yaanaa' adR^ishra`nn ama'rdhanto` vasu'bhi`r iShkR^i'taasaH |
abhuu'd u ke`tur u`ShasaH' pu`rastaa't pratii`cy aagaa`d adhi' ha`rmyebhyaH' || {7}{076}{02}
taaniid ahaa'ni bahu`laany aa'sa`n yaa praa`ciina`m udi'taa` suurya'sya |
yataH` pari' jaa`ra i'vaa`cara`nty uSho' dadR^i`kShe na puna'r ya`tiiva' || {7}{076}{03}
ta id de`vaanaaM' sadha`maada' aasann R^i`taavaa'naH ka`vayaH' puu`rvyaasaH' |
guu`LhaM jyotiH' pi`taro` anv a'vindan sa`tyama'ntraa ajanayann u`Shaasa'm || {7}{076}{04}
sa`maa`na uu`rve adhi` saMga'taasaH` saM jaa'nate` na ya'tante mi`thas te |
te de`vaanaaM` na mi'nanti vra`taany ama'rdhanto` vasu'bhi`r yaada'maanaaH || {7}{076}{05}
prati' tvaa` stomai'r iiLate` vasi'ShThaa uSha`rbudhaH' subhage tuShTu`vaaMsaH' |
gavaaM' ne`trii vaaja'patnii na u`cChoShaH' sujaate pratha`maa ja'rasva || {7}{076}{06}
e`Shaa ne`trii raadha'saH suu`nR^itaa'naam u`Shaa u`cChantii' ribhyate` vasi'ShThaiH |
dii`rgha`shrutaM' ra`yim a`sme dadhaa'naa yuu`yam paa'ta sva`stibhiH` sadaa' naH || {7}{076}{07}


(593)
upo' ruruce yuva`tir na yoShaa` vishvaM' jii`vam pra'su`vantii' ca`raayai' |
abhuu'd a`gniH sa`midhe` maanu'ShaaNaa`m aka`r jyoti`r baadha'maanaa` tamaaM'si || {7}{077}{01}
vishva'm pratii`cii sa`prathaa` ud a'sthaa`d rusha`d vaaso` bibhra'tii shu`kram a'shvait |
hira'NyavarNaa su`dR^ishii'kasaMdR^i`g gavaa'm maa`taa ne`try ahnaa'm aroci || {7}{077}{02}
de`vaanaaM` cakShuH' su`bhagaa` vaha'ntii shve`taM naya'ntii su`dR^ishii'ka`m ashva'm |
u`Shaa a'darshi ra`shmibhi`r vyaktaa ci`traama'ghaa` vishva`m anu` prabhuu'taa || {7}{077}{03}
anti'vaamaa duu`re a`mitra'm ucCho`rviiM gavyuu'ti`m abha'yaM kR^idhii naH |
yaa`vaya` dveSha` aa bha'raa` vasuu'ni co`daya` raadho' gR^iNa`te ma'ghoni || {7}{077}{04}
a`sme shreShThe'bhir bhaa`nubhi`r vi bhaa`hy uSho' devi prati`rantii' na` aayuH' |
iShaM' ca no` dadha'tii vishvavaare` goma`d ashvaa'va`d ratha'vac ca` raadhaH' || {7}{077}{05}
yaaM tvaa' divo duhitar va`rdhaya`nty uShaH' sujaate ma`tibhi`r vasi'ShThaaH |
saasmaasu' dhaa ra`yim R^i`Shvam bR^i`hantaM' yuu`yam paa'ta sva`stibhiH` sadaa' naH || {7}{077}{06}


(594)
prati' ke`tavaH' pratha`maa a'dR^ishrann uu`rdhvaa a'syaa a`~njayo` vi shra'yante |
uSho' a`rvaacaa' bR^iha`taa rathe'na` jyoti'Shmataa vaa`mam a`smabhyaM' vakShi || {7}{078}{01}
prati' Shiim a`gnir ja'rate` sami'ddhaH` prati` vipraa'so ma`tibhi'r gR^i`NantaH' |
u`Shaa yaa'ti` jyoti'Shaa` baadha'maanaa` vishvaa` tamaaM'si duri`taapa' de`vii || {7}{078}{02}
e`taa u` tyaaH praty a'dR^ishran pu`rastaa`j jyoti`r yacCha'ntiir u`Shaso' vibhaa`tiiH |
ajii'jana`n suuryaM' ya`j~nam a`gnim a'paa`ciinaM` tamo' agaa`d aju'ShTam || {7}{078}{03}
ace'ti di`vo du'hi`taa ma`ghonii` vishve' pashyanty u`ShasaM' vibhaa`tiim |
aasthaa`d rathaM' sva`dhayaa' yu`jyamaa'na`m aa yam ashvaa'saH su`yujo` vaha'nti || {7}{078}{04}
prati' tvaa`dya su`mana'so budhantaa`smaakaa'so ma`ghavaa'no va`yaM ca' |
ti`lvi`laa`yadhva'm uShaso vibhaa`tiir yuu`yam paa'ta sva`stibhiH` sadaa' naH || {7}{078}{05}


(595)
vy ukp Shaa aa'vaH pa`thyaaKp janaa'naa`m pa~nca' kShi`tiir maanu'Shiir bo`dhaya'ntii |
su`saM`dR^igbhi'r u`kShabhi'r bhaa`num a'shre`d vi suuryo` roda'sii` cakSha'saavaH || {7}{079}{01}
vy a~njate di`vo ante'Shv a`ktuun visho` na yu`ktaa u`Shaso' yatante |
saM te` gaava`s tama` aa va'rtayanti` jyoti'r yacChanti savi`teva' baa`huu || {7}{079}{02}
abhuu'd u`Shaa indra'tamaa ma`ghony ajii'janat suvi`taaya` shravaaM'si |
vi di`vo de`vii du'hi`taa da'dhaa`ty a~Ngi'rastamaa su`kR^ite` vasuu'ni || {7}{079}{03}
taava'd uSho` raadho' a`smabhyaM' raasva` yaava't sto`tR^ibhyo` ara'do gR^iNaa`naa |
yaaM tvaa' ja`j~nur vR^i'Sha`bhasyaa` rave'Na` vi dR^i`Lhasya` duro` adre'r aurNoH || {7}{079}{04}
de`vaM-de'vaM` raadha'se co`daya'nty asma`dryak suu`nR^itaa' ii`raya'ntii |
vyu`cChantii' naH sa`naye` dhiyo' dhaa yuu`yam paa'ta sva`stibhiH` sadaa' naH || {7}{079}{05}


(596)
prati` stome'bhir u`ShasaM` vasi'ShThaa gii`rbhir vipraa'saH pratha`maa a'budhran |
vi`va`rtaya'ntiiM` raja'sii` sama'nte aaviShkR^iNva`tiim bhuva'naani` vishvaa' || {7}{080}{01}
e`Shaa syaa navya`m aayu`r dadhaa'naa guu`Dhvii tamo` jyoti'Sho`Shaa a'bodhi |
agra' eti yuva`tir ahra'yaaNaa` praaci'kita`t suuryaM' ya`j~nam a`gnim || {7}{080}{02}
ashvaa'vatii`r goma'tiir na u`Shaaso' vii`rava'tiiH` sada'm ucChantu bha`draaH |
ghR^i`taM duhaa'naa vi`shvataH` prapii'taa yuu`yam paa'ta sva`stibhiH` sadaa' naH || {7}{080}{03}


(597)
praty u' adarshy aaya`ty ukp cChantii' duhi`taa di`vaH |
apo` mahi' vyayati` cakSha'se` tamo` jyoti'Sh kR^iNoti suu`narii' || {7}{081}{01}
ud u`sriyaaH' sR^ijate` suuryaH` sacaa'm+ u`dyan nakSha'tram arci`vat |
taved u'Sho` vyuShi` suurya'sya ca` sam bha`kta' gamemahi || {7}{081}{02}
prati' tvaa duhitar diva` uSho' jii`raa a'bhutsmahi |
yaa vaha'si pu`ru spaa`rhaM va'nanvati` ratnaM` na daa`shuShe` mayaH' || {7}{081}{03}
u`cChantii` yaa kR^i`NoShi' maM`hanaa' mahi pra`khyai de'vi` svar dR^i`she |
tasyaa's te ratna`bhaaja' iimahe va`yaM syaama' maa`tur na suu`navaH' || {7}{081}{04}
tac ci`traM raadha` aa bha`roSho` yad dii'rgha`shrutta'mam |
yat te' divo duhitar marta`bhoja'naM` tad raa'sva bhu`najaa'mahai || {7}{081}{05}
shravaH' suu`ribhyo' a`mR^itaM' vasutva`naM vaajaa'm+ a`smabhyaM` goma'taH |
co`da`yi`trii ma`ghonaH' suu`nR^itaa'vaty u`Shaa u'cCha`d apa` sridhaH' || {7}{081}{06}


(598)
indraa'varuNaa yu`vam a'dhva`raaya' no vi`she janaa'ya` mahi` sharma' yacChatam |
dii`rghapra'yajyu`m ati` yo va'nu`Shyati' va`yaM ja'yema` pR^ita'naasu duu`DhyaH || {7}{082}{01}
sa`mraaL a`nyaH sva`raaL a`nya u'cyate vaam ma`haantaa`v indraa`varu'Naa ma`haava'suu |
vishve' de`vaasaH' para`me vyomani` saM vaa`m ojo' vR^iShaNaa` sam balaM' dadhuH || {7}{082}{02}
anv a`paaM khaany a'tR^inta`m oja`saa suurya'm airayataM di`vi pra`bhum |
indraa'varuNaa` made' asya maa`yino .a'pinvatam a`pitaH` pinva'taM` dhiyaH' || {7}{082}{03}
yu`vaam id yu`tsu pR^ita'naasu` vahna'yo yu`vaaM kShema'sya prasa`ve mi`taj~na'vaH |
ii`shaa`naa vasva' u`bhaya'sya kaa`rava` indraa'varuNaa su`havaa' havaamahe || {7}{082}{04}
indraa'varuNaa` yad i`maani' ca`krathu`r vishvaa' jaa`taani` bhuva'nasya ma`jmanaa' |
kSheme'Na mi`tro varu'NaM duva`syati' ma`rudbhi'r u`graH shubha'm a`nya ii'yate || {7}{082}{05}
ma`he shu`lkaaya` varu'Nasya` nu tvi`Sha ojo' mimaate dhru`vam a'sya` yat svam |
ajaa'mim a`nyaH shna`thaya'nta`m aati'rad da`bhrebhi'r a`nyaH pra vR^i'Noti` bhuuya'saH || {7}{082}{06}
na tam aMho` na du'ri`taani` martya`m indraa'varuNaa` na tapaH` kuta'sh ca`na |
yasya' devaa` gacCha'tho vii`tho a'dhva`raM na tam marta'sya nashate` pari'hvR^itiH || {7}{082}{07}
a`rvaa~N na'raa` daivye`naava`saa ga'taM shR^iNu`taM havaM` yadi' me` jujo'ShathaH |
yu`vor hi sa`khyam u`ta vaa` yad aapya'm maarDii`kam i'ndraavaruNaa` ni ya'cChatam || {7}{082}{08}
a`smaaka'm indraavaruNaa` bhare'-bhare puroyo`dhaa bha'vataM kR^iShTyojasaa |
yad vaaM` hava'nta u`bhaye` adha' spR^i`dhi nara's to`kasya` tana'yasya saa`tiShu' || {7}{082}{09}
a`sme indro` varu'No mi`tro a'rya`maa dyu`mnaM ya'cChantu` mahi` sharma' sa`prathaH' |
a`va`dhraM jyoti`r adi'ter R^itaa`vR^idho' de`vasya` shlokaM' savi`tur ma'naamahe || {7}{082}{10}


(599)
yu`vaaM na'raa` pashya'maanaasa` aapya'm praa`caa ga`vyantaH' pR^ithu`parsha'vo yayuH |
daasaa' ca vR^i`traa ha`tam aaryaa'Ni ca su`daasa'm indraavaru`Naava'saavatam || {7}{083}{01}
yatraa` naraH' sa`maya'nte kR^i`tadhva'jo` yasmi'nn aa`jaa bhava'ti` kiM ca`na pri`yam |
yatraa` bhaya'nte` bhuva'naa sva`rdR^isha`s tatraa' na indraavaru`Naadhi' vocatam || {7}{083}{02}
sam bhuumyaa` antaa' dhvasi`raa a'dR^ikSha`tdraa'varuNaa di`vi ghoSha` aaru'hat |
asthu`r janaa'naa`m upa` maam araa'tayo .a`rvaag ava'saa havanashru`taa ga'tam || {7}{083}{03}
indraa'varuNaa va`dhanaa'bhir apra`ti bhe`daM va`nvantaa` pra su`daasa'm aavatam |
brahmaa'Ny eShaaM shR^iNutaM` havii'mani sa`tyaa tR^itsuu'naam abhavat pu`rohi'tiH || {7}{083}{04}
indraa'varuNaav a`bhy aa ta'panti maa`ghaany a`ryo va`nuShaa`m araa'tayaH |
yu`vaM hi vasva' u`bhaya'sya` raaja`tho .a'dha smaa no .avata`m paarye' di`vi || {7}{083}{05}
yu`vaaM ha'vanta u`bhayaa'sa aa`jiShv indraM' ca` vasvo` varu'NaM ca saa`taye' |
yatra` raaja'bhir da`shabhi`r nibaa'dhita`m pra su`daasa`m aava'taM` tR^itsu'bhiH sa`ha || {7}{083}{06}
dasha` raajaa'naH` sami'taa` aya'jyavaH su`daasa'm indraavaruNaa` na yu'yudhuH |
sa`tyaa nR^i`Naam a'dma`sadaa`m upa'stutir de`vaa e'Shaam abhavan de`vahuu'tiShu || {7}{083}{07}
daa`sha`raa`j~ne pari'yattaaya vi`shvataH' su`daasa' indraavaruNaav ashikShatam |
shvi`tya~nco` yatra` nama'saa kapa`rdino' dhi`yaa dhiiva'nto` asa'panta` tR^itsa'vaH || {7}{083}{08}
vR^i`traaNy a`nyaH sa'mi`theShu` jighna'te vra`taany a`nyo a`bhi ra'kShate` sadaa' |
havaa'mahe vaaM vR^iShaNaa suvR^i`ktibhi'r a`sme i'ndraavaruNaa` sharma' yacChatam || {7}{083}{09}
a`sme indro` varu'No mi`tro a'rya`maa dyu`mnaM ya'cChantu` mahi` sharma' sa`prathaH' |
a`va`dhraM jyoti`r adi'ter R^itaa`vR^idho' de`vasya` shlokaM' savi`tur ma'naamahe || {7}{083}{10}


(600)
aa vaaM' raajaanaav adhva`re va'vR^ityaaM ha`vyebhi'r indraavaruNaa` namo'bhiH |
pra vaaM' ghR^i`taacii' baa`hvor dadhaa'naa` pari` tmanaa` viShu'ruupaa jigaati || {7}{084}{01}
yu`vo raa`ShTram bR^i`had i'nvati` dyaur yau se`tR^ibhi'r ara`jjubhiH' sinii`thaH |
pari' no` heLo` varu'Nasya vR^ijyaa u`ruM na` indraH' kR^iNavad ulo`kam || {7}{084}{02}
kR^i`taM no' ya`j~naM vi`dathe'Shu` caaruM' kR^i`tam brahmaa'Ni suu`riShu' prasha`staa |
upo' ra`yir de`vajuu'to na etu` pra Na' spaa`rhaabhi'r uu`tibhi's tiretam || {7}{084}{03}
a`sme i'ndraavaruNaa vi`shvavaa'raM ra`yiM dha'ttaM` vasu'mantam puru`kShum |
pra ya aa'di`tyo anR^i'taa mi`naaty ami'taa` shuuro' dayate` vasuu'ni || {7}{084}{04}
i`yam indraM` varu'Nam aShTa me` giiH praava't to`ke tana'ye` tuutu'jaanaa |
su`ratnaa'so de`vavii'tiM gamema yuu`yam paa'ta sva`stibhiH` sadaa' naH || {7}{084}{05}


(601)
pu`nii`She vaa'm ara`kShasa'm manii`ShaaM soma`m indraa'ya` varu'Naaya` juhva't |
ghR^i`tapra'tiikaam u`ShasaM` na de`viiM taa no` yaama'nn uruShyataam a`bhiike' || {7}{085}{01}
spardha'nte` vaa u' deva`huuye` atra` yeShu' dhva`jeShu' di`dyavaH` pata'nti |
yu`vaM taam+ i'ndraavaruNaav a`mitraa'n ha`tam paraa'caH` sharvaa` viShuu'caH || {7}{085}{02}
aapa'sh ci`d dhi svaya'shasaH` sada'ssu de`viir indraM` varu'NaM de`vataa` dhuH |
kR^i`ShTiir a`nyo dhaa`raya'ti` pravi'ktaa vR^i`traaNy a`nyo a'pra`tiini' hanti || {7}{085}{03}
sa su`kratu'r R^ita`cid a'stu` hotaa` ya aa'ditya` shava'saa vaaM` nama'svaan |
aa`va`varta`d ava'se vaaM ha`viShmaa`n asa`d it sa su'vi`taaya` praya'svaan || {7}{085}{04}
i`yam indraM` varu'Nam aShTa me` giiH praava't to`ke tana'ye` tuutu'jaanaa |
su`ratnaa'so de`vavii'tiM gamema yuu`yam paa'ta sva`stibhiH` sadaa' naH || {7}{085}{05}


(602)
dhiiraa` tv asya mahi`naa ja`nuuMShi` vi yas ta`stambha` roda'sii cid u`rvii |
pra naaka'm R^i`ShvaM nu'nude bR^i`hantaM' dvi`taa nakSha'tram pa`pratha'c ca` bhuuma' || {7}{086}{01}
u`ta svayaa' ta`nvaaKp saM va'de` tat ka`daa nv akp ntar varu'Ne bhuvaani |
kim me' ha`vyam ahR^i'Naano juSheta ka`daa mR^i'Lii`kaM su`manaa' a`bhi khya'm || {7}{086}{02}
pR^i`cChe tad o' varuNa di`dR^ikShuupo' emi ciki`tuSho' vi`pR^icCha'm |
sa`maa`nam in me' ka`vaya'sh cid aahur a`yaM ha` tubhyaM` varu'No hR^iNiite || {7}{086}{03}
kim aaga' aasa varuNa` jyeShThaM` yat sto`taaraM` jighaaM'sasi` sakhaa'yam |
pra tan me' voco duuLabha svadhaa`vo .a'va tvaane`naa nama'saa tu`ra i'yaam || {7}{086}{04}
ava' dru`gdhaani` pitryaa' sR^ijaa` no .a'va` yaa va`yaM ca'kR^i`maa ta`nuubhiH' |
ava' raajan pashu`tR^ipaM` na taa`yuM sR^i`jaa va`tsaM na daamno` vasi'ShTham || {7}{086}{05}
na sa svo dakSho' varuNa` dhrutiH` saa suraa' ma`nyur vi`bhiida'ko` aci'ttiH |
asti` jyaayaa`n kanii'yasa upaa`re svapna'sh ca`ned anR^i'tasya prayo`taa || {7}{086}{06}
araM' daa`so na mii`LhuShe' karaaNy a`haM de`vaaya` bhuurNa`ye .a'naagaaH |
ace'tayad a`cito' de`vo a`ryo gR^itsaM' raa`ye ka`vita'ro junaati || {7}{086}{07}
a`yaM su tubhyaM' varuNa svadhaavo hR^i`di stoma` upa'shritash cid astu |
shaM naH` kSheme` sham u` yoge' no astu yuu`yam paa'ta sva`stibhiH` sadaa' naH || {7}{086}{08}


(603)
rada't pa`tho varu'NaH` suuryaa'ya` praarNaaM'si samu`driyaa' na`diinaa'm |
sargo` na sR^i`ShTo arva'tiir R^itaa`ya~n ca`kaara' ma`hiir a`vanii`r aha'bhyaH || {7}{087}{01}
aa`tmaa te` vaato` raja` aa na'viinot pa`shur na bhuurNi`r yava'se sasa`vaan |
a`ntar ma`hii bR^i'ha`tii roda'sii`me vishvaa' te` dhaama' varuNa pri`yaaNi' || {7}{087}{02}
pari` spasho` varu'Nasya` smadi'ShTaa u`bhe pa'shyanti` roda'sii su`meke' |
R^i`taavaa'naH ka`vayo' ya`j~nadhii'raaH` prace'taso` ya i`Shaya'nta` manma' || {7}{087}{03}
u`vaaca' me` varu'No` medhi'raaya` triH sa`pta naamaaghnyaa' bibharti |
vi`dvaan pa`dasya` guhyaa` na vo'cad yu`gaaya` vipra` upa'raaya` shikSha'n || {7}{087}{04}
ti`sro dyaavo` nihi'taa a`ntar a'smin ti`sro bhuumii`r upa'raaH` ShaDvi'dhaanaaH |
gR^itso` raajaa` varu'Nash cakra e`taM di`vi pre`~NkhaM hi'ra`NyayaM' shu`bhe kam || {7}{087}{05}
ava` sindhuM` varu'No` dyaur i'va sthaad dra`pso na shve`to mR^i`gas tuvi'Shmaan |
ga`mbhii`rashaM'so` raja'so vi`maanaH' supaa`rakSha'traH sa`to a`sya raajaa' || {7}{087}{06}
yo mR^i`Layaa'ti ca`kruShe' ci`d aago' va`yaM syaa'ma` varu'Ne` anaa'gaaH |
anu' vra`taany adi'ter R^i`dhanto' yuu`yam paa'ta sva`stibhiH` sadaa' naH || {7}{087}{07}


(604)
pra shu`ndhyuvaM` varu'Naaya` preShThaa'm ma`tiM va'siShTha mii`LhuShe' bharasva |
ya ii'm a`rvaa~ncaM` kara'te` yaja'traM sa`hasraa'maghaM` vR^iSha'Nam bR^i`hanta'm || {7}{088}{01}
adhaa` nv asya saM`dR^ishaM' jaga`nvaan a`gner anii'kaM` varu'Nasya maMsi |
svakp r yad ashma'nn adhi`paa u` andho' .a`bhi maa` vapu'r dR^i`shaye' niniiyaat || {7}{088}{02}
aa yad ru`haava` varu'Nash ca` naava`m pra yat sa'mu`dram ii`rayaa'va` madhya'm |
adhi` yad a`paaM snubhi`sh caraa'va` pra pre`~Nkha ii'~Nkhayaavahai shu`bhe kam || {7}{088}{03}
vasi'ShThaM ha` varu'No naa`vy aadhaa`d R^iShiM' cakaara` svapaa` maho'bhiH |
sto`taaraM` vipraH' sudina`tve ahnaaM` yaan nu dyaava's ta`tana`n yaad u`ShaasaH' || {7}{088}{04}
kvakp tyaani' nau sa`khyaa ba'bhuuvuH` sacaa'vahe` yad a'vR^i`kam pu`raa ci't |
bR^i`hanta`m maanaM' varuNa svadhaavaH sa`hasra'dvaaraM jagamaa gR^i`haM te' || {7}{088}{05}
ya aa`pir nityo' varuNa pri`yaH san tvaam aagaaM'si kR^i`Nava`t sakhaa' te |
maa ta` a'svanto yakShin bhujema ya`ndhi Shmaa` vipra' stuva`te varuu'tham || {7}{088}{06}
dhru`vaasu' tvaa`su kShi`tiShu' kShi`yanto` vy akp smat paashaM` varu'No mumocat |
avo' vanvaa`naa adi'ter u`pasthaa'd yuu`yam paa'ta sva`stibhiH` sadaa' naH || {7}{088}{07}


(605)
mo Shu va'ruNa mR^i`nmayaM' gR^i`haM raa'jann a`haM ga'mam |
mR^i`Laa su'kShatra mR^i`Laya' || {7}{089}{01}
yad emi' prasphu`rann i'va` dR^iti`r na dhmaa`to a'drivaH |
mR^i`Laa su'kShatra mR^i`Laya' || {7}{089}{02}
kratvaH' samaha dii`nataa' pratii`paM ja'gamaa shuce |
mR^i`Laa su'kShatra mR^i`Laya' || {7}{089}{03}
a`paam madhye' tasthi`vaaMsaM` tR^iShNaa'vidaj jari`taara'm |
mR^i`Laa su'kShatra mR^i`Laya' || {7}{089}{04}
yat kiM ce`daM va'ruNa` daivye` jane' .abhidro`ham ma'nu`ShyaaKp sh caraa'masi |
aci'ttii` yat tava` dharmaa' yuyopi`ma maa na`s tasmaa`d a'so deva riiriShaH || {7}{089}{05}


(606)
pra vii'ra`yaa shuca'yo dadrire vaam adhva`ryubhi`r madhu'mantaH su`taasaH' |
vaha' vaayo ni`yuto' yaa`hy acChaa` pibaa' su`tasyaandha'so` madaa'ya || {7}{090}{01}
ii`shaa`naaya` prahu'tiM` yas ta` aana`T ChuciM` somaM' shucipaa`s tubhyaM' vaayo |
kR^i`NoShi` tam martye'Shu prasha`staM jaa`to-jaa'to jaayate vaa`jy asya || {7}{090}{02}
raa`ye nu yaM ja`j~natuu` roda'sii`me raa`ye de`vii dhi`ShaNaa' dhaati de`vam |
adha' vaa`yuM ni`yutaH' sashcata` svaa u`ta shve`taM vasu'dhitiM nire`ke || {7}{090}{03}
u`cChann u`ShasaH' su`dinaa' ari`praa u`ru jyoti'r vividu`r diidhyaa'naaH |
gavyaM' cid uu`rvam u`shijo` vi va'vru`s teShaa`m anu' pra`divaH' sasru`r aapaH' || {7}{090}{04}
te sa`tya` mana'saa` diidhyaa'naaH` sva' yu`ktaasaH` kratu'naa vahanti |
indra'vaayuu viira`vaahaM` rathaM' vaam iishaa`nayo'r a`bhi pR^ikShaH' sacante || {7}{090}{05}
ii`shaa`naaso` ye dadha'te` svar No` gobhi`r ashve'bhi`r vasu'bhi`r hira'NyaiH |
indra'vaayuu suu`rayo` vishva`m aayu`r arva'dbhir vii`raiH pR^ita'naasu sahyuH || {7}{090}{06}
arva'nto` na shrava'so` bhikSha'maaNaa indravaa`yuu su'ShTu`tibhi`r vasi'ShThaaH |
vaa`ja`yantaH` sv ava'se huvema yuu`yam paa'ta sva`stibhiH` sadaa' naH || {7}{090}{07}


(607)
ku`vid a`~Nga nama'saa` ye vR^i`dhaasaH' pu`raa de`vaa a'nava`dyaasa` aasa'n |
te vaa`yave` mana've baadhi`taayaavaa'sayann u`ShasaM` suurye'Na || {7}{091}{01}
u`shantaa' duu`taa na dabhaa'ya go`paa maa`sash ca' paa`thaH sha`rada'sh ca puu`rviiH |
indra'vaayuu suShTu`tir vaa'm iyaa`naa maa'rDii`kam ii'TTe suvi`taM ca` navya'm || {7}{091}{02}
piivo'annaam+ rayi`vR^idhaH' sume`dhaaH shve`taH si'Shakti ni`yutaa'm abhi`shriiH |
te vaa`yave` sama'naso` vi ta'sthu`r vishv naraH' svapa`tyaani' cakruH || {7}{091}{03}
yaava`t tara's ta`nvoKp yaava`d ojo` yaava`n nara`sh cakSha'saa` diidhyaa'naaH |
shuciM` somaM' shucipaa paatam a`sme indra'vaayuu` sada'tam ba`rhir edam || {7}{091}{04}
ni`yu`vaa`naa ni`yuta' spaa`rhavii'raa` indra'vaayuu sa`rathaM' yaatam a`rvaak |
i`daM hi vaa`m prabhR^i'ta`m madhvo` agra`m adha' priiNaa`naa vi mu'muktam a`sme || {7}{091}{05}
yaa vaaM' sha`taM ni`yuto` yaaH sa`hasra`m indra'vaayuu vi`shvavaa'raaH` saca'nte |
aabhi'r yaataM suvi`datraa'bhir a`rvaak paa`taM na'raa` prati'bhR^itasya` madhvaH' || {7}{091}{06}
arva'nto` na shrava'so` bhikSha'maaNaa indravaa`yuu su'ShTu`tibhi`r vasi'ShThaaH |
vaa`ja`yantaH` sv ava'se huvema yuu`yam paa'ta sva`stibhiH` sadaa' naH || {7}{091}{07}


(608)
aa vaa'yo bhuuSha shucipaa` upa' naH sa`hasraM' te ni`yuto' vishvavaara |
upo' te` andho` madya'm ayaami` yasya' deva dadhi`She puu'rva`peya'm || {7}{092}{01}
pra sotaa' jii`ro a'dhva`reShv a'sthaa`t soma`m indraa'ya vaa`yave` piba'dhyai |
pra yad vaa`m madhvo' agri`yam bhara'nty adhva`ryavo' deva`yantaH` shacii'bhiH || {7}{092}{02}
pra yaabhi`r yaasi' daa`shvaaMsa`m acChaa' ni`yudbhi'r vaayav i`ShTaye' duro`Ne |
ni no' ra`yiM su`bhoja'saM yuvasva` ni vii`raM gavya`m ashvyaM' ca` raadhaH' || {7}{092}{03}
ye vaa`yava' indra`maada'naasa` aade'vaaso ni`tosha'naaso a`ryaH |
ghnanto' vR^i`traaNi' suu`ribhiH' Shyaama saasa`hvaaMso' yu`dhaa nR^ibhi'r a`mitraa'n || {7}{092}{04}
aa no' ni`yudbhiH' sha`tinii'bhir adhva`raM sa'ha`sriNii'bhi`r upa' yaahi ya`j~nam |
vaayo' a`smin sava'ne maadayasva yuu`yam paa'ta sva`stibhiH` sadaa' naH || {7}{092}{05}


(609)
shuciM` nu stomaM` nava'jaatam a`dydraa'gnii vR^itrahaNaa ju`Shethaa'm |
u`bhaa hi vaaM' su`havaa` joha'viimi` taa vaajaM' sa`dya u'sha`te dheShThaa' || {7}{093}{01}
taa saa'na`sii sha'vasaanaa` hi bhuu`taM saa'kaM`vR^idhaa` shava'saa shuushu`vaaMsaa' |
kShaya'ntau raa`yo yava'sasya` bhuureH' pR^i`~NktaM vaaja'sya` sthavi'rasya` ghR^iShveH' || {7}{093}{02}
upo' ha` yad vi`dathaM' vaa`jino` gur dhii`bhir vipraaH` prama'tim i`cChamaa'naaH |
arva'nto` na kaaShThaaM` nakSha'maaNaa indraa`gnii johu'vato` nara`s te || {7}{093}{03}
gii`rbhir vipraH` prama'tim i`cChamaa'na` iiTTe' ra`yiM ya`shasa'm puurva`bhaaja'm |
indraa'gnii vR^itrahaNaa suvajraa` pra no` navye'bhis tirataM de`ShNaiH || {7}{093}{04}
saM yan ma`hii mi'tha`tii spardha'maane tanuu`rucaa` shuura'saataa` yatai'te |
ade'vayuM vi`dathe' deva`yubhiH' sa`traa ha'taM soma`sutaa` jane'na || {7}{093}{05}
i`maam u` Shu soma'suti`m upa' na` draa'gnii saumana`saaya' yaatam |
nuu ci`d dhi pa'rima`mnaathe' a`smaan aa vaaM` shashva'dbhir vavR^itiiya` vaajaiH' || {7}{093}{06}
so a'gna e`naa nama'saa` sami`ddho .a'cChaa mi`traM varu'Na`m indraM' voceH |
yat sii`m aaga'sh cakR^i`maa tat su mR^i'La` tad a'rya`maadi'tiH shishrathantu || {7}{093}{07}
e`taa a'gna aashuShaa`Naasa' i`ShTiir yu`voH sacaa`bhy ashyaama` vaajaa'n |
mdro' no` viShNu'r ma`rutaH` pari' khyan yuu`yam paa'ta sva`stibhiH` sadaa' naH || {7}{093}{08}


(610)
i`yaM vaa'm a`sya manma'na` indraa'gnii puu`rvyastu'tiH |
a`bhraad vR^i`ShTir i'vaajani || {7}{094}{01}
shR^i`Nu`taM ja'ri`tur hava`m indraa'gnii` vana'taM` giraH' |
ii`shaa`naa pi'pyataM` dhiyaH' || {7}{094}{02}
maa paa'pa`tvaaya' no na`rdraa'gnii` maabhisha'staye |
maa no' riiradhataM ni`de || {7}{094}{03}
indre' a`gnaa namo' bR^i`hat su'vR^i`ktim era'yaamahe |
dhi`yaa dhaa' ava`syavaH' || {7}{094}{04}
taa hi shashva'nta` iiLa'ta i`tthaa vipraa'sa uu`taye' |
sa`baadho` vaaja'saataye || {7}{094}{05}
taa vaaM' gii`rbhir vi'pa`nyavaH` praya'svanto havaamahe |
me`dhasaa'taa sani`ShyavaH' || {7}{094}{06}
indraa'gnii` ava`saa ga'tam a`smabhyaM' carShaNiisahaa |
maa no' duH`shaMsa' iishata || {7}{094}{07}
maa kasya' no` ara'ruSho dhuu`rtiH praNa`~N martya'sya |
indraa'gnii` sharma' yacChatam || {7}{094}{08}
goma`d dhira'Nyava`d vasu` yad vaa`m ashvaa'va`d iima'he |
indraa'gnii` tad va'nemahi || {7}{094}{09}
yat soma` aa su`te nara' indraa`gnii ajo'havuH |
saptii'vantaa sapa`ryavaH' || {7}{094}{10}
u`kthebhi'r vR^itra`hanta'maa` yaa ma'ndaa`naa ci`d aa gi`raa |
aa`~Nguu`Shair aa`vivaa'sataH || {7}{094}{11}
taav id duH`shaMsa`m martyaM` durvi'dvaaMsaM rakSha`svina'm |
aa`bho`gaM hanma'naa hatam uda`dhiM hanma'naa hatam || {7}{094}{12}


(611)
pra kShoda'saa` dhaaya'saa sasra e`Shaa sara'svatii dha`ruNa`m aaya'sii` puuH |
pra`baaba'dhaanaa ra`thyeva yaati` vishvaa' a`po ma'hi`naa sindhu'r a`nyaaH || {7}{095}{01}
ekaa'ceta`t sara'svatii na`diinaaM` shuci'r ya`tii gi`ribhya` aa sa'mu`draat |
raa`yash ceta'ntii` bhuva'nasya` bhuure'r ghR^i`tam payo' duduhe` naahu'Shaaya || {7}{095}{02}
sa vaa'vR^idhe` naryo` yoSha'Naasu` vR^iShaa` shishu'r vR^iSha`bho ya`j~niyaa'su |
sa vaa`jina'm ma`ghava'dbhyo dadhaati` vi saa`taye' ta`nvam maamR^ijiita || {7}{095}{03}
u`ta syaa naH` sara'svatii juShaa`Nopa' shravat su`bhagaa' ya`jNe a`smin |
mi`taj~nu'bhir namasyaair iyaa`naa raa`yaa yu`jaa ci`d utta'raa` sakhi'bhyaH || {7}{095}{04}
i`maa juhvaa'naa yu`Shmad aa namo'bhiH` prati` stomaM' sarasvati juShasva |
tava` sharma'n pri`yata'me` dadhaa'naa` upa' stheyaama shara`NaM na vR^i`kSham || {7}{095}{05}
a`yam u' te sarasvati` vasi'ShTho` dvaaraa'v R^i`tasya' subhage` vy aavaH |
vardha' shubhre stuva`te raa'si` vaajaa'n yuu`yam paa'ta sva`stibhiH` sadaa' naH || {7}{095}{06}


(612)
bR^i`had u' gaayiShe` vaco' .asu`ryaa na`diinaa'm |
sara'svatii`m in ma'hayaa suvR^i`ktibhi` stomai'r vasiShTha` roda'sii || {7}{096}{01}
u`bhe yat te' mahi`naa shu'bhre` andha'sii adhikShi`yanti' puu`ravaH' |
saa no' bodhy avi`trii ma`rutsa'khaa` coda` raadho' ma`ghonaa'm || {7}{096}{02}
bha`dram id bha`draa kR^i'Nava`t sara'sva`ty aka'vaarii cetati vaa`jinii'vatii |
gR^i`Naa`naa ja'madagni`vat stu'vaa`naa ca' vasiShTha`vat || {7}{096}{03}
ja`nii`yanto` nv agra'vaH putrii`yantaH' su`daana'vaH |
sara'svantaM havaamahe || {7}{096}{04}
ye te' sarasva uu`rmayo` madhu'manto ghR^ita`shcutaH' |
tebhi'r no .avi`taa bha'va || {7}{096}{05}
pii`pi`vaaMsaM` sara'svata` stanaM` yo vi`shvada'rshataH |
bha`kShii`mahi' pra`jaam iSha'm || {7}{096}{06}


(613)
ya`j~ne di`vo nR^i`Shada'ne pR^ithi`vyaa naro` yatra' deva`yavo` mada'nti |
indraa'ya` yatra` sava'naani su`nve gama`n madaa'ya pratha`maM vaya'sh ca || {7}{097}{01}
aa daivyaa' vR^iNiima`he .a'vaaMsi` bR^iha`spati'r no maha` aa sa'khaayaH |
yathaa` bhave'ma mii`LhuShe` anaa'gaa` yo no' daa`taa pa'raa`vataH' pi`teva' || {7}{097}{02}
tam u` jyeShThaM` nama'saa ha`virbhiH' su`sheva`m brahma'Na`s patiM' gR^iNiiShe |
indraM` shloko` mahi` daivyaH' siShaktu` yo brahma'No de`vakR^i'tasya` raajaa' || {7}{097}{03}
sa aa no` yoniM' sadatu` preShTho` bR^iha`spati'r vi`shvavaa'ro` yo asti' |
kaamo' raa`yaH su`viirya'sya` taM daa`t parSha'n no` ati' sa`shcato` ari'ShTaan || {7}{097}{04}
tam aa no' a`rkam a`mR^itaa'ya` juShTa'm i`me dhaa'sur a`mR^itaa'saH puraa`jaaH |
shuci'krandaM yaja`tam pa`styaanaa`m bR^iha`spati'm ana`rvaaNaM' huvema || {7}{097}{05}
taM sha`gmaaso' aru`Shaaso` ashvaa` bR^iha`spatiM' saha`vaaho' vahanti |
saha'sh ci`d yasya` niila'vat sa`dhasthaM` nabho` na ruu`pam a'ru`ShaM vasaa'naaH || {7}{097}{06}
sa hi shuciH' sha`tapa'traH` sa shu`ndhyur hira'Nyavaashiir iShi`raH sva`rShaaH |
bR^iha`spatiH` sa svaa've`sha R^i`ShvaH pu`ruu sakhi'bhya aasu`tiM kari'ShThaH || {7}{097}{07}
de`vii de`vasya` roda'sii` jani'trii` bR^iha`spatiM' vaavR^idhatur mahi`tvaa |
da`kShaayyaa'ya dakShataa sakhaayaH` kara`d brahma'Ne su`taraa' sugaa`dhaa || {7}{097}{08}
i`yaM vaa'm brahmaNas pate suvR^i`ktir brahmdraa'ya va`jriNe' akaari |
a`vi`ShTaM dhiyo' jigR^i`tam puraM'dhiir jaja`stam a`ryo va`nuShaa`m araa'tiiH || {7}{097}{09}
bR^iha'spate yu`vam indra'sh ca` vasvo' di`vyasye'shaathe u`ta paarthi'vasya |
dha`ttaM ra`yiM stu'va`te kii`raye' cid yuu`yam paa'ta sva`stibhiH` sadaa' naH || {7}{097}{10}


(614)
adhva'ryavo .aru`NaM du`gdham aM`shuM ju`hota'na vR^iSha`bhaaya' kShitii`naam |
gau`raad vedii'yaam+ ava`paana`m indro' vi`shvaahed yaa'ti su`taso'mam i`cChan || {7}{098}{01}
yad da'dhi`She pra`divi` caarv annaM' di`ve-di've pii`tim id a'sya vakShi |
u`ta hR^i`dota mana'saa juShaa`Na u`shann i'ndra` prasthi'taan paahi` somaa'n || {7}{098}{02}
ja`j~naa`naH somaM` saha'se papaatha` pra te' maa`taa ma'hi`maana'm uvaaca |
dra' papraatho`rv akp ntari'kShaM yu`dhaa de`vebhyo` vari'vash cakartha || {7}{098}{03}
yad yo`dhayaa' maha`to manya'maanaa`n saakShaa'ma` taan baa`hubhiH` shaasha'daanaan |
yad vaa` nR^ibhi`r vR^ita' indraabhi`yudhyaa`s taM tvayaa`jiM sau'shrava`saM ja'yema || {7}{098}{04}
prdra'sya vocam pratha`maa kR^i`taani` pra nuuta'naa ma`ghavaa` yaa ca`kaara' |
ya`ded ade'vii`r asa'hiShTa maa`yaa athaa'bhava`t keva'laH` somo' asya || {7}{098}{05}
tave`daM vishva'm a`bhitaH' pasha`vyakp M yat pashya'si` cakSha'saa` suurya'sya |
gavaa'm asi` gopa'ti`r eka' indra bhakShii`mahi' te` praya'tasya` vasvaH' || {7}{098}{06}
bR^iha'spate yu`vam indra'sh ca` vasvo' di`vyasye'shaathe u`ta paarthi'vasya |
dha`ttaM ra`yiM stu'va`te kii`raye' cid yuu`yam paa'ta sva`stibhiH` sadaa' naH || {7}{098}{07}


(615)
pa`ro maatra'yaa ta`nvaa vR^idhaana` na te' mahi`tvam anv a'shnuvanti |
u`bhe te' vidma` raja'sii pR^ithi`vyaa viShNo' deva` tvam pa'ra`masya' vitse || {7}{099}{01}
na te' viShNo` jaaya'maano` na jaa`to deva' mahi`mnaH para`m anta'm aapa |
ud a'stabhnaa` naaka'm R^i`Shvam bR^i`hantaM' daa`dhartha` praaciiM' ka`kubha'm pR^ithi`vyaaH || {7}{099}{02}
iraa'vatii dhu`matii` hi bhuu`taM suu'yava`sinii` manu'She dasha`syaa |
vy astabhnaa` roda'sii viShNav e`te daa`dhartha' pR^ithi`viim a`bhito' ma`yuukhaiH' || {7}{099}{03}
u`ruM ya`j~naaya' cakrathur ulo`kaM ja`naya'ntaa` suurya'm u`Shaasa'm a`gnim |
daasa'sya cid vR^iShashi`prasya' maa`yaa ja`ghnathu'r naraa pR^ita`naajye'Shu || {7}{099}{04}
indraa'viShNuu dR^iMhi`taaH shamba'rasya` nava` puro' nava`tiM ca' shnathiShTam |
sha`taM va`rcinaH' sa`hasraM' ca saa`kaM ha`tho a'pra`ty asu'rasya vii`raan || {7}{099}{05}
i`yam ma'nii`Shaa bR^i'ha`tii bR^i`hanto'rukra`maa ta`vasaa' va`rdhaya'ntii |
ra`re vaaM` stomaM' vi`dathe'Shu viShNo` pinva'ta`m iSho' vR^i`jane'Shv indra || {7}{099}{06}
vaSha'T te viShNav aa`sa aa kR^i'Nomi` tan me' juShasva shipiviShTa ha`vyam |
vardha'ntu tvaa suShTu`tayo` giro' me yuu`yam paa'ta sva`stibhiH` sadaa' naH || {7}{099}{07}


(616)
nuu marto' dayate sani`Shyan yo viShNa'va urugaa`yaaya` daasha't |
pra yaH sa`traacaa` mana'saa` yajaa'ta e`taava'ntaM` narya'm aa`vivaa'saat || {7}{100}{01}
tvaM vi'ShNo suma`tiM vi`shvaja'nyaa`m apra'yutaam evayaavo ma`tiM daaH' |
parco` yathaa' naH suvi`tasya` bhuure`r ashvaa'vataH purushca`ndrasya' raa`yaH || {7}{100}{02}
trir de`vaH pR^i'thi`viim e`Sha e`taaM vi ca'krame sha`tarca'sam mahi`tvaa |
pra viShNu'r astu ta`vasa`s tavii'yaan tve`ShaM hy asya` sthavi'rasya` naama' || {7}{100}{03}
vi ca'krame pR^ithi`viim e`Sha e`taaM kShetraa'ya` viShNu`r manu'She dasha`syan |
dhru`vaaso' asya kii`rayo` janaa'sa urukShi`tiM su`jani'maa cakaara || {7}{100}{04}
pra tat te' a`dya shi'piviShTa` naamaa`ryaH shaM'saami va`yunaa'ni vi`dvaan |
taM tvaa' gR^iNaami ta`vasa`m ata'vyaa`n kShaya'ntam a`sya raja'saH paraa`ke || {7}{100}{05}
kim it te' viShNo pari`cakShya'm bhuu`t pra yad va'va`kShe shi'pivi`ShTo a'smi |
maa varpo' a`smad apa' guuha e`tad yad a`nyaruu'paH sami`the ba`bhuutha' || {7}{100}{06}
vaSha'T te viShNav aa`sa aa kR^i'Nomi` tan me' juShasva shipiviShTa ha`vyam |
vardha'ntu tvaa suShTu`tayo` giro' me yuu`yam paa'ta sva`stibhiH` sadaa' naH || {7}{100}{07}


(617)
ti`sro vaacaH` pra va'da` jyoti'ragraa` yaa e`tad du`hre ma'dhudo`gham uudhaH' |
sa va`tsaM kR^i`Nvan garbha`m oSha'dhiinaaM sa`dyo jaa`to vR^i'Sha`bho ro'raviiti || {7}{101}{01}
yo vardha'na` oSha'dhiinaaM` yo a`paaM yo vishva'sya` jaga'to de`va iishe' |
sa tri`dhaatu' shara`NaM sharma' yaMsat tri`vartu` jyotiH' svabhi`ShTy akp sme || {7}{101}{02}
sta`riir u' tva`d bhava'ti` suuta' u tvad yathaava`shaM ta`nvaM cakra e`ShaH |
pi`tuH payaH` prati' gR^ibhNaati maa`taa ta' pi`taa va'rdhate` ta' pu`traH || {7}{101}{03}
yasmi`n vishvaa'ni` bhuva'naani ta`sthus ti`sro dyaava's tre`dhaa sa`srur aapaH' |
trayaH` koshaa'sa upa`seca'naaso` madhva' shcotanty a`bhito' vira`psham || {7}{101}{04}
i`daM vacaH' pa`rjanyaa'ya sva`raaje' hR^i`do a`stv anta'raM` taj ju'joShat |
ma`yo`bhuvo' vR^i`ShTayaH' santv a`sme su'pippa`laa oSha'dhiir de`vago'paaH || {7}{101}{05}
sa re'to`dhaa vR^i'Sha`bhaH shashva'tiinaaM` tasmi'nn aa`tmaa jaga'tas ta`sthuSha'sh ca |
tan ma' R^i`tam paa'tu sha`tashaa'radaaya yuu`yam paa'ta sva`stibhiH` sadaa' naH || {7}{101}{06}


(618)
pa`rjanyaa'ya` pra gaa'yata di`vas pu`traaya' mii`LhuShe' |
sa no` yava'sam icChatu || {7}{102}{01}
yo garbha`m oSha'dhiinaaM` gavaaM' kR^i`Noty arva'taam |
pa`rjanyaH' puru`ShiiNaa'm || {7}{102}{02}
tasmaa` id aa`sye ha`vir ju`hotaa` madhu'mattamam |
iLaaM' naH saM`yataM' karat || {7}{102}{03}


(619)
saM`va`tsa`raM sha'shayaa`naa braa'hma`Naa vra'tacaa`riNaH' |
vaaca'm pa`rjanya'jinvitaa`m pra ma`NDuukaa' avaadiShuH || {7}{103}{01}
di`vyaa aapo' a`bhi yad e'na`m aaya`n dR^itiM` na shuShkaM' sara`sii shayaa'nam |
gavaa`m aha` na maa`yur va`tsinii'naam ma`NDuukaa'naaM va`gnur atraa` sam e'ti || {7}{103}{02}
yad ii'm aam+ usha`to a`bhy ava'rShiit tR^i`Shyaava'taH praa`vR^iShy aaga'taayaam |
a`khkha`lii`kR^ityaa' pi`taraM` na pu`tro a`nyo a`nyam upa` vada'ntam eti || {7}{103}{03}
a`nyo a`nyam anu' gR^ibhNaaty or a`paam pra'sa`rge yad ama'ndiShaataam |
ma`NDuuko` yad a`bhivR^i'ShTaH` kani'Shka`n pR^ishniH' sampR^i`~Nkte hari'ta` vaaca'm || {7}{103}{04}
yad e'Shaam a`nyo a`nyasya` vaacaM' shaa`ktasye'va` vada'ti` shikSha'maaNaH |
sarvaM` tad e'ShaaM sa`mR^idhe'va` parva` yat su`vaaco` vada'tha`naadhy a`psu || {7}{103}{05}
gomaa'yu`r eko' a`jamaa'yu`r ekaH` pR^ishni`r eko` hari'ta` eka' eShaam |
sa`maa`naM naama` bibhra'to` viruu'paaH puru`traa vaaca'm pipishu`r vada'ntaH || {7}{103}{06}
braa`hma`Naaso' atiraa`tre na some` saro` na puu`rNam a`bhito` vada'ntaH |
saM`va`tsa`rasya` tad ahaH` pari' ShTha` yan ma'NDuukaaH praavR^i`ShiiNa'm ba`bhuuva' || {7}{103}{07}
braa`hma`NaasaH' so`mino` vaaca'm akrata` brahma' kR^i`NvantaH' parivatsa`riiNa'm |
a`dhva`ryavo' gha`rmiNaH' siShvidaa`naa aa`vir bha'vanti` guhyaa` na ke ci't || {7}{103}{08}
de`vahi'tiM jugupur dvaada`shasya' R^i`tuM naro` na pra mi'nanty e`te |
saM`va`tsa`re praa`vR^iShy aaga'taayaaM ta`ptaa gha`rmaa a'shnuvate visa`rgam || {7}{103}{09}
gomaa'yur adaad a`jamaa'yur adaa`t pR^ishni'r adaa`d dhari'to no` vasuu'ni |
gavaa'm ma`NDuukaa` dada'taH sha`taani' sahasrasaa`ve pra ti'ranta` aayuH' || {7}{103}{10}


(620)
indraa'somaa` tapa'taM` rakSha' u`bjataM` ny arpayataM vR^iShaNaa tamo`vR^idhaH' |
paraa' shR^iNiitam a`cito` ny oShataM ha`taM nu`dethaaM` ni shi'shiitam a`triNaH' || {7}{104}{01}
indraa'somaa` sam a`ghashaM'sam a`bhy akp ghaM tapu'r yayastu ca`rur a'gni`vaam+ i'va |
bra`hma`dviShe' kra`vyaade' gho`raca'kShase` dveSho' dhattam anavaa`yaM ki'mii`dine' || {7}{104}{02}
indraa'somaa du`ShkR^ito' va`vre a`ntar a'naarambha`Ne tama'si` pra vi'dhyatam |
yathaa` naataH` puna`r eka'sh ca`nodaya`t tad vaa'm astu` saha'se manyu`mac ChavaH' || {7}{104}{03}
indraa'somaa va`rtaya'taM di`vo va`dhaM sam pR^i'thi`vyaa a`ghashaM'saaya` tarha'Nam |
ut ta'kShataM sva`ryakp m parva'tebhyo` ya` rakSho' vaavR^idhaa`naM ni`juurva'thaH || {7}{104}{04}
indraa'somaa va`rtaya'taM di`vas pary a'gnita`ptebhi'r yu`vam ashma'hanmabhiH |
tapu'rvadhebhir a`jare'bhir a`triNo` ni parshaa'ne vidhyataM` yantu' nisva`ram || {7}{104}{05}
indraa'somaa` pari' vaam bhuutu vi`shvata' i`yam ma`tiH ka`kShyaashve'va vaa`jinaa' |
yaaM vaaM` hotraa'm parihi`nomi' me`dhaye`maa brahmaa'Ni nR^i`patii'va jinvatam || {7}{104}{06}
prati' smarethaaM tu`jaya'dbhi`r evai'r ha`taM dru`ho ra`kShaso' bha~Ngu`raava'taH |
indraa'somaa du`ShkR^ite` maa su`gam bhuu`d yo naH' ka`daa ci'd abhi`daasa'ti dru`haa || {7}{104}{07}
yo maa` paake'na` mana'saa` cara'ntam abhi`caShTe` anR^i'tebhi`r vaco'bhiH |
aapa' iva kaa`shinaa` saMgR^i'bhiitaa` asa'nn a`stv aasa'ta indra va`ktaa || {7}{104}{08}
ye paa'kashaM`saM vi`hara'nta` evai`r ye vaa' bha`draM duu`Shaya'nti sva`dhaabhiH' |
aha'ye vaa` taan pra`dadaa'tu` soma` aa vaa' dadhaatu` nirR^i'ter u`pasthe' || {7}{104}{09}
yo no` rasaM` dipsa'ti pi`tvo a'gne` yo ashvaa'naaM` yo gavaaM` yas ta`nuunaa'm |
ri`pu ste`na ste'ya`kR^id da`bhram e'tu` ni Sha hii'yataaM ta`nvaaKp tanaa' ca || {7}{104}{10}
pa`raH so a'stu ta`nvaaKp tanaa' ca ti`sraH pR^i'thi`viir a`dho a'stu` vishvaaH' |
prati' shuShyatu` yasho' asya devaa` yo no` divaa` dipsa'ti` yash ca` nakta'm || {7}{104}{11}
su`vi`j~naa`naM ci'ki`tuShe` janaa'ya` sac caasa'c ca` vaca'sii paspR^idhaate |
tayo`r yat sa`tyaM ya'ta`rad R^ijii'ya`s tad it somo' .avati` hanty aasa't || {7}{104}{12}
na vaa u` somo' vR^iji`naM hi'noti` na kSha`triya'm mithu`yaa dhaa`raya'ntam |
hanti` rakSho` hanty aasa`d vada'ntam u`bhaav indra'sya` prasi'tau shayaate || {7}{104}{13}
yadi' vaa`ham anR^i'tadeva` aasa` moghaM' vaa de`vaam+ a'pyuu`he a'gne |
kim a`smabhyaM' jaatavedo hR^iNiiShe drogha`vaaca's te nirR^i`thaM sa'cantaam || {7}{104}{14}
a`dyaa mu'riiya` yadi' yaatu`dhaano` asmi` yadi` vaayu's ta`tapa` puuru'Shasya |
adhaa` sa vii`rair da`shabhi`r vi yuu'yaa` yo maa` moghaM` yaatu'dhaa`nety aaha' || {7}{104}{15}
yo maayaa'tuM` yaatu'dhaa`nety aaha` yo vaa' ra`kShaaH shuci'r a`smiity aaha' |
indra`s taM ha'ntu maha`taa va`dha` vishva'sya ja`ntor a'dha`mas pa'diiShTa || {7}{104}{16}
pra yaa jigaa'ti kha`rgale'va` nakta`m apa' dru`haa ta`nvakp M guuha'maanaa |
va`vraam+ a'na`ntaam+ ava` saa pa'diiShTa` graavaa'No ghnantu ra`kShasa' upa`bdaiH || {7}{104}{17}
vi ti'ShThadhvam maruto vikShv ai`cChata' gR^ibhaa`yata' ra`kShasaH` sam pi'naShTana |
vayo` ye bhuu`tvii pa`taya'nti na`ktabhi`r ye vaa` ripo' dadhi`re de`ve a'dhva`re || {7}{104}{18}
pra va'rtaya di`vo ashmaa'nam indra` soma'shitam maghava`n saM shi'shaadhi |
praaktaa`d apaa'ktaad adha`raad uda'ktaad a`bhi ja'hi ra`kShasaH` parva'ta || {7}{104}{19}
e`ta u` tye pa'tayanti` shvayaa'tava` indraM' dipsanti di`psavo .a'daabhyam |
shishii'te sha`kraH pishu'nebhyo va`dhaM nuu`naM sR^i'jad a`shaniM' yaatu`madbhyaH' || {7}{104}{20}
indro' yaatuu`naam a'bhavat paraasha`ro ha'vi`rmathii'naam a`bhy aaKp vivaa'sataam |
a`bhiid u' sha`kraH pa'ra`shur yathaa` vana`m paatre'va bhi`ndan sa`ta e'ti ra`kShasaH' || {7}{104}{21}
uluu'kayaatuM shushu`luuka'yaatuM ja`hi shvayaa'tum u`ta koka'yaatum |
su`pa`rNayaa'tum u`ta gR^idhra'yaatuM dR^i`Shade'va` pra mR^i'Na` rakSha' indra || {7}{104}{22}
maa no` rakSho' a`bhi na'D yaatu`maava'taa`m apo'cChatu mithu`naa yaa ki'mii`dinaa' |
pR^i`thi`vii naH` paarthi'vaat paa`tv aMha'so .a`ntari'kShaM di`vyaat paa'tv a`smaan || {7}{104}{23}
indra' ja`hi pumaaM'saM yaatu`dhaana'm u`ta striya'm maa`yayaa` shaasha'daanaam |
vigrii'vaaso` muura'devaa R^idantu` maa te dR^i'sha`n suurya'm u`ccara'ntam || {7}{104}{24}
prati' cakShva` vi ca`kShvdra'sh ca soma jaagR^itam |
rakSho'bhyo va`dham a'syatam a`shaniM' yaatu`madbhyaH' || {7}{104}{25}